【ツ】أحلى تجمع لأحلى حوامل التوائم 【ツ】 ‏الجزء الثالث

[الأميرة جوري]

المشاركة الأصلية كتبت بواسطة توووقيع

ولدت في الاسبوع 32 و 5 ايام عمليه قيصريه جاني ماشاء الله بنوتين

والحمد لله طلعوا من العنايه يوم الاثنين 13 * 6

الحمدالله ع سلامة عيالج وأالف مبرووووك ع طلعتهم بالسلامة

وشو أسماء البنوتين؟ الله يحفظهم لج

[الياه]

ديــــــم الوفا



حمدلله على سلامتك، وسلامة التوينز
وألف ألـــف ألــــــف مبرووووك حبيبتي
يتربون في عزكم ودلالكم
وعساهم قرة عين لج ولأبوهم، وياعساهم من الذرية الصالحه
المباركة البارين فيكم، و من حفظة القرآن
الله يحفظج وياهم من كل شر ومن أعين الأنس
وأنفس الجن
ماشاءالله تبارك الرحمن فرحة لج من كل قلبي ديوووم
والله يعطيج العافية ويعينج على تربيتهم التربية الصالحه

[الأميرة جوري]

[quote=عشمانة في ربنا
كروشات
كيفكم اعذروني مشغولة عنكم بس خدامتي تركتني لانها مش قابلة خدمة البيبيهات وهجلس شهر لين تجيني خدامة تانية ومشكورين كل اللي اتحمدوا لبناتي بالسلامة وبالنسبة لأسماءهم انا سميتهم هني وجني ادعولهم بنات جني مطلعة عيني هيا اللي كانت في العناية المركزة وللحين متعباني في كل شئ مش قابلة الرضاعة خالص ودايما عندها امساك وما ادري اعمل ايه وطبعا صياح علي طول وما في نوم[/quote]


الله يكون بعونج ويسهل أمورج

[الأميرة جوري]

الياااه

هلا والله شحالج الغالية وشحال التوينز؟ والعيال؟ وشحال ريلج الحين آن شاء الله زين؟

بنات ذابحتني الحموضة من دشيت الشهر الثامن وهي متعبتني ومافاد معها اي شي لا حليب ولا خيار ولاتفاح

[هيونه]

ماشاء الله تبارك الله ألف مبروك توقيع والحمد لله على سلامة البنوتين الله يخليهم لك ويخليك لهم يارب

[الياه]

مســـــاكم خير وزهر

شخباركم يا حلوين،أحلى توينز، ماء المسك،هيونة
رضاك، كوفي ؟؟
منو متواجد الحين؟؟

توقيع

مبرووووك طلعة بناتج من الحضانة
الله يحفظ لج ويبارك لج في العسولتين
وعساهم من مواليد السعادة


عشمانة في ربنا

شخبارج يا عسل ، اشتقنالج ، وعاذرينج الله يعينج
على تربيتهم التربية الصالحه
وعاشت الأسامي ماشاءالله حلوة
إلا صدق يتشابهون بناتج؟؟؟
وطولي بالج على جنى لأنها يلست فترة في الحضانة
بتعبج شوي في الرضاعة
وإذا كنتي تستخدمين حليب صناعي لها بيكون هو اللي مسبب
لها الامساك، حاولي تعتمدين على الطبيعي
أو سألي دكتور للأطفال عن نوع ثاني يمكن ماناسبها
وسلامتها العسل

[هيونه]

كروشات بأقولكم شيء وباشوف أنتوا مثلي أو لا
أفرح لا ولدت وحدة بقوة وأحس أن دوري يقرب
اللهم أني ماسكه طابور في مخبز ^_^ أنعم به تشبيه هههههههه
بجد ودي إلي في التاسع كلهم يولودون بسرعة عشان أنا بعدهم ^_^
الله يتمم على خير ويرحني ويفرحكم يارب وعلى قولت خالتي أم رجلي
الله يوريك يابنتي مانقلتي هههههههههه

[هيونه]

هلا هلا صتج الياه أنتي فيه شحالج خيتوا هاه بشري كيف التاسع وياك عسى أحسن من الثامن

[الياه]

أحلى توينز

هلا والله يسرج الحال،سلامتج الف سلامة من الحموضه



جربي maalox suspension
كنت اعاني بشكل فظيع من الحموضة ومانفع وياي شي
بس خذت من هالشراب ملعقة وأنا والخير ارباعة
دكتورتي وصفتلي استخدم منه 15ملل لمدة 14 يوم
بس الحمدلله استخدمته بس يوم احس بالحموضة يمكن 3 مرات
وافتكيت، جربي وادعيلي بولادة سهلة


وبالنسبة لريلي الله يعيني ويعينه على المرض
يوم يمرض بس من بلاعيمه يستوي عندي حالة استنفار وطوارئ
ماينفع ويا لا دوا ولا مضاد ولا كمادات توصل حرارته
40 ويوصل لمرحلة الهذيان
وما يتعافي إلا اذا خذ كورس مضاد حيوي في الوريد
مرتين في اليوم على 3 ايام، المشكلة من يمرض يقول بيسوي
عملية وبيشلهن يوم يتعافي ينسى الموضوع
والحمدلله اليوم أحسن من امس
ومشكورة على السؤال الغالية

[عذب]

السلام عليكم

كيفكم ياحلوات؟

ألف مبروووووك اللي ولدوا والحوامل الجدد
وعقبال الباقي بالسلامه يارب

أنا أخباري تعب وقلة نوم وصياح ومعاناه