تجمع الجزائريات المتأخرات في الحمل و أهلين بالتونسيات الغاليات

[mounira]

اهلا امة الرحمان انشاء الله تكوني بخير تقلقت على نور الهدى هدا شحال ما بانتش

[عقيلة]

المشاركة الأصلية كتبت بواسطة mounira

انا عندي بنتين 13 و 9 سنوا ت يعني 9 سنين ما حملتش و سلافاتي لازم نجيبلهم طفل و يعايروني ام البنات ... و الامور في الفترة الاخيرة بيني و بين زوجي ما كانتش مليحة لكن تصالحنا .. بصصح انا ما زالني مقلقة

سلام لحبيبة ما تقلقيش روحك ولعند ربي ماراهش بعيد
انشاء الله تفرحي هذو ليام بالحمل العاجل يارب

[ام بلقاسم الجزائرية]

المشاركة الأصلية كتبت بواسطة أمة الرحمان السلفية

ام بلقاسم اهلا وسهلا بيك توحشتك بزاف هذى غيبة

الله يسلمك اختي امة حتى انا توحشك بزاف كانت عندي ضروف بصح ما نسيتكمش وما ننساس صديقات متلكم ما تتعوضوش الله يفرحكم ويفتح عليكم كامل تستاهلوا كل خير راني فرحانة كي نضميت ليكم من جديد ولي فرحني ما نسيتونيش ربي يخليكم ليا

[احلى شيء الاموموة]

ربي يبارك منيرة اختي ربي يحفظلك بنيتاتك ويصلح راياتهم ويكونو سبب لدخولك الجنة...ياا حسرة كون ربي يعطيني توام بنات...غير الجاهل لي مايعرفش قيمتهم غير انت لي تلقايهم في كبرك يحنو عليك...ربي يهدي سرك ويهني بالك ...ويصلح امورك مع زوجك...غير سايسي هذاك هو حاضرك ومستقبلك ...ما تخليش الشيطان يفرح ويدخل بيناتكم....المراة هي ليديما تصبر وتفوت وتعرف كيفاش تحط الرجل في جيبها...ربي يفرحك بالوليد يسكت اللسانات عليك واللي يجي من ربي فيه الخير...واحد ما يعرف خير من ربي سبحانو كلش عندو فيه حكمة....راكي باينة طيبة وقلبك كبير ...الله لا يحرم مومن من لي يتمناه...

[احلى شيء الاموموة]

حورية ...امة الرحمان...ام بلقاسم...ان شاااء الله راكم بخير ...ربي يفرحم ويسهل اموركم....

[mounira]

المشاركة الأصلية كتبت بواسطة احلى شيء الاموموة

منيرة ياك غير الخير واش قصتك مع الكوابيس ما رقيتيش؟؟؟؟ احكيلي حكايتك مع الحمل وشحال عندك زواج...راني هنا انشاااء الله شهرونص ...نبدا نقرعج عليكم بالواحدة...هههه

لا ما رقيتيش ... مزال ... بصصح راجلي وللا يتقللق مننني ... دايما يقولي اف انتي و النامات دياولك ؟؟؟؟؟؟

[mounira]

المشاركة الأصلية كتبت بواسطة احلى شيء الاموموة

ربي يبارك منيرة اختي ربي يحفظلك بنيتاتك ويصلح راياتهم ويكونو سبب لدخولك الجنة...ياا حسرة كون ربي يعطيني توام بنات...غير الجاهل لي مايعرفش قيمتهم غير انت لي تلقايهم في كبرك يحنو عليك...ربي يهدي سرك ويهني بالك ...ويصلح امورك مع زوجك...غير سايسي هذاك هو حاضرك ومستقبلك ...ما تخليش الشيطان يفرح ويدخل بيناتكم....المراة هي ليديما تصبر وتفوت وتعرف كيفاش تحط الرجل في جيبها...ربي يفرحك بالوليد يسكت اللسانات عليك واللي يجي من ربي فيه الخير...واحد ما يعرف خير من ربي سبحانو كلش عندو فيه حكمة....راكي باينة طيبة وقلبك كبير ...الله لا يحرم مومن من لي يتمناه...

تعيشي حنونة ..ااااااامين .. بصح بناتي ماش توام الفرق بينهم 4 سنوات .. و راجلي انا نحبو نموت عليه لكن هو شوية صعيب .. و ما يعرفش يكون حنين رغم انه يحاول لكن الطبع غلاااااب

[احلى شيء الاموموة]

المشاركة الأصلية كتبت بواسطة mounira

لا ما رقيتيش ... مزال ... بصصح راجلي وللا يتقللق مننني ... دايما يقولي اف انتي و النامات دياولك ؟؟؟؟؟؟

ننصحك اقراي سورة البقرة كل يوم ولا حطيها اسمعيها ولا حتى كي تتحط في الدار يهربوا الشياطين راهي فيها خير كبير وبركة وكثري من الاستغفار...يصلح الامور ويهدي النفوس ...

[عقيلة]

أمومة واش مازال ما ديري تست
أنشاء تكون حامل

[ام بلقاسم الجزائرية]

المشاركة الأصلية كتبت بواسطة احلى شيء الاموموة

حورية ...امة الرحمان...ام بلقاسم...ان شاااء الله راكم بخير ...ربي يفرحم ويسهل اموركم....

الحمد الله اختي امين ربي يخليك ويفتح عليك