دردشة حوامل مصر - دردشة بنات مصر - تجمع حوامل مصر

gogo · 03-03-2011, 01:01 AM

انتى ليكى اصحاب ف جده ولا لسه متعرفيش حد

Rania Negm · 03-03-2011, 01:04 AM

يااااااااااااااااه ليا كتير الحمدلله لدرجة انى بدأت امل اصلا وابعدعن كذا حد

اصحاب محمد هنا كتيير وطبعا اتعرفت على مراتاتهم

Rania Negm · 03-03-2011, 01:05 AM

الفكرة فى انى من ساعة ما اتجوزت اتنقلت من موود الجامعة والشغل لموود ست البيت اللى مورهاش غير الطبيخ وتنضيف البيت

وبقيت عاملة زى ام سعيد :|

gogo · 03-03-2011, 01:06 AM

طب بدام زهقانه متزوريهم او اعزميهم عندك يوم وجوزك ف الشغل تدردشوا مع بعض

gogo · 03-03-2011, 01:09 AM

ههههههههههههه على رايك والله الواحد حاسس انه بقى كبير اوى ولما بشوف بتوع الجامعه بقول عيال وانا لسه عندى 24 سنه حاسه انى بقيت ست بيت مبفكرش غير ف الغسيل وهناكل ايه بكره

Rania Negm · 03-03-2011, 01:11 AM

موش الفكرة .. عارفة ؟ الواحد عاوزة يبقى creative كدا .. عاوزة اعمل حاجة اى حاجة موش عارفة ايه بس اعمل حاجة وخلاص

تعرفى ؟ انا حملت اول مرة بعد 3 شهور من الجواز وبعديها بشهرين كان الحمل التانى ... فى الخمس شهور دوول كانت نفسيتى زفت بسبب انى كنت لازقة فى جارتى ليل نهار ومكانش ليها كلام غير عن نفسها تحمل وتخلف وتطبخ لجوزها والخلفة والعيال وتنضف البيت والخلفة والعيال
يااااااااااااااااااااااا الله كانت اسوا فترات حيااااتى

الموضوع مهديش غير لما بعدت عنها فترة وبدأت احفظ قرآن

gogo · 03-03-2011, 01:16 AM

هههههههههههههه دى بقت بالنسبالك زى الفزاعه الى بتخوف العيال بقى
عارفه انا نفسى اشتغل اشتغلت قبل الجواز 9 شهور وسبته قبل الجواز بكام شهر
نفسى ارجع تانى اشتغل بس جوزى مش راضى شرطه لو عايزه اشتغل يبقى مكان كله ستات اجيب منين المكان ده وكمان لو حصل حمل مفيش شغل
ف انا وخداها من قصرها وقعده

gogo · 03-03-2011, 01:18 AM

عارفه انا لو منك اشغل نفسى بحاجه البيبى ولو هتعمليله اوضه تظبطيها ازاى كده يعنى

Rania Negm · 03-03-2011, 01:20 AM

صحيح شرط صعب اوووى

بس بزمتك موش كانت الحياة ايام الجامعة والشغل والتنطيط احلى ؟؟؟

بغض النظر عن شوية الدلع اللى بنشوفهم فى الجواز ... ياعنى 20% دلع و99% حاجات موش ولابد .......... انا موش فاهمة النسبة جات ازاى بس هى كدا هههههههههههه

Rania Negm · 03-03-2011, 01:21 AM

يا جوجو دانا نفسى ابعد تفكيرى عن البيبى شوية .. موش ممكن دانا فظيعة انا بحسبله بالايام

كل يوم اصحى اقول عدى يوم

وفضلت اطلع فى هدومه واشم فيها ههههههههههههههههههه لحد ما اتخنقت من ريحتها