دردشة بنات العراق, دردشة حوامل العراق , تجمع بنات العراق

[ام نورهانه]

اي والله فوفو وطبعا اني كنت هم مفكرة بهالشغلات وطبعا اشتريت شغلات مالبيت بجايم وشورتات شويه تغير وعدا كل هذا حضرت الكورسيه البارحة اشتريته واشتريت زبدة الكاكو وبعد خل التفاح اجيبه من العطار لان ان شاء الله ناويه من ثاني يوم اشد بطني ولكيت طريقة هنا بالمنتدى كالتلي عليها نورا
كلش حلوة صح مراح اطبقها كلها بس تقريبا نصها اسويها
وبالنسبة للنيو لوك كتلج اني اول البارحة سويت نيولك غيرت لون شعري الى الاشقر ومخصل تشطيب داخلي يعني قبل الصبغ لان كان بني بحيث زوجي اول مدخل للبيت اتفاجأ ههههههههههههه لان غير شكلي فدمرة

[فوفو العراقية]

اووف ولج بعد ماكدر اكعد
واااااااااااااااااع
ضهري وبطني والرحم دا يفتح ومي دا ينزل
تعاي لية مدا اكدر اتنفس من ساعه
كل 10 دقائق ترجع التقلصات وبطني تحجرت كلش
راح اروح اتمدد بالكي ارتاح
ومن ارجع اعلق على كلامج حب ههههه
ونزل الصور,

[ام نورهانه]

فوفو حياتي اي بعد الولادة اشتري ملابس الطلعة لان انتظر اشوف جسمي شلون راح يصير علمود يصير على قياسي واني بصراحة حجابي مو مضبوط مو سافره بس هم مو محجبة ولبسي هم مو لزك وحصر بس مو عريض يعني البس مستور بس اني كل مكان واله لبسه يعني حسب المكان والزمان وكلشي لبست مخليت شي بروحي

[فوفو العراقية]

حبيبتي ام نورهان
تحضيراتج وهتمامج يعجبني كلش
والتغيير ضروووووووووووري كلش
اني جنت مسوية شعري اشقر مخصل بلاتين بس لازم اغير
ف هسة سويته بني غامق شوية
واني بيضة والالوان هاي تناسبني
وكلت اتركة فترة هيج ولو حبيت اغير بس اسوي كم خصلة اشقر كدام والجوانب يعني مو كل شعري...
اما الملابس الداخلية اشتريت بفترة حملي هواي استعدادا لبعد الولاده هههههههههه
وللرضاعه طبعا... وكورسي هم بس هنا ماكو جلابيات مابعد الولاده للنفاس بس راح ادور اشياء مناسبة للنفاس..
وهذي بعض الملابس اللي ان شاء الله راح اشتريهن.

[أسيرة الروح]

ام ايهومي بالعكس عيوني كلما يكبر تكبر وكاحته وياه
يعني اني اكول رضاوي ذاك الشهر الفات اعقل من هل الشهر
وعلى هل المنوال حيل حبيبتي انتي كلش بعيده عليه
اني مساكنة بالعراق بس اني مسجله بمنتدى ثاني عراقي
وتقريبا كلهن مغتربات توقعت هنا هم نفس الشي

المغتربة مشكوره عيوني على الترحيب

فوفو شعجب عندج الم وتقلصات وانتي بعدج بالثامن
رحتي على دكتورة

[فوفو العراقية]

اي اني هم هيج ماراح اشتريهن هسة بس احدد الاريده
وبعد الولادة والرجيم والرياضة راح احدد وزني واشتري قياسي وقتها

[فوفو العراقية]

هلو حبي اسيرة
حبيبتي اني قبل اقل من اسبوعين طلعت من المستشفى وسولي تثبيت
لان جانت عندي ولادة مبكرة
ومن يومها التقلصات مراحت
وتاركتهة ورة الله
لو نزل غشاء الرحم اروح ولو نزل مي الطفل هم اروح انما لو الم بس .. ف احاول اتحملة الا لو كان الم ولادة فعلي
ويستمر فهذاك الوقت لازم اروح

حبيبتي اني معاناتي لا تطاق مع كل حمل ههههههههههههه
فديتج حبيبتي شكرا لهتمامج ياعمري...

[رحمة الرحمان]

السلام عليكم رمضان كريم عليكم
شلونكم بنات
اليوم حللت وحامل
البارحه انا بالطواري بنتي صارت نار ادعولي بنتي اصير زينه
بنات انا ضايجه اكو واحد اسولف ويا

[White angel]

هلووووو بنااات
شلونكم حبايبي
رحمه عيوني ربي يشافي بنوتج بحق هاي الايام المباركه يارب
والف مبروك الحمل وربي يقومج بسلامه عيوني
شفت ردج وكلت اذا حابه تدردشين وترتاحين عيوني

فوفو حبي انتي وام نورهانه مشتاقون عيوووني
فوفو عجبني موضوعج
وخبلتيني بمواقعج هاااي ههههههههههههههه افوت عليها وماكو كلت هاي ملابس مال بنات وفتت كلشي مطلع لي شلعتي قلبي
ب النسبه الموضوعج نرجعله
اني بشهر العاشر طلعت اقامة زوجي واجه يمي قبل لايجي بيوم جبت صبغ وصبغت شعري يييييييييييييييييييييعععععععععععععع طلعت شلون الي بيهم مرض السرطان اسم الله عليه وعليكم هههههههههههه لون شقاااار ع برتقالي
اختي صبغته وكلت بعد مااخليها تصبغه
عاد ثاني يوم رحت صبغته بني غامق طلعت عبالك ممتزوجه هههههههههههه مع العلم شعري جان لونه يجنن سويته ب العراق بشارع فلسطين
بلاتيني اخضر يجنن وخربته عاد كلت بس اجيب اروح الصالون واغير شكلي اخر موديل
ملابسي ب البيت كلها اشكال والوان دشاديش نص كله مال ارنوب وميكي ماوس هيج مال صغيرونات هههههههههههه حتى لا يكول زوجي هاي جبيره
ومرات البس فساتين بكبر الاحمر الي خليتي وبرمودات واكو دشاديش هيج طوال بس يكونون الصدر يبرز بيها وبجايم نص ابد مااعندي طوال كله نص نص
بعد الولاده اذا بطني مخربانه كله نص نص البس لان زوجي بسرعه يمل اذا مااغير يمل
الطامه الكبرى اني ابد ممستخدمه شيرة الهذيج المنطقه كله مووس
ومن اسوي شيره ثاني يوم يطلع
الشعر كارثه عندي يطلع بسرعه وميته قهر
شسويله ماادري

وبعد عيني يافوفو تره ابشرج بطني خربت كلها حمااار وتشققات ياقلبي ههههههههههههههههههه

[فوفو العراقية]

هلو زوبة زقة
زينووووووووووووووووووب
ولج ليش هيج
لا تهملين بطنج
ولج اني هذا سابع حمل واربع حبالات واربع ولادات راح تصير وماعندي ولا شخط
مو كلنة لا تحكين
نصيحة بعد الولاده سوي كل يوم خل تفاح وماي ورد ملعقة من كل نوع وخليلها والبسي كورسيه لوعندج
ان شاء الله تروح التشققات.

اما عن الملابس اني واثقه بذوقج
وكلش يعجبني الاهتمام الي عندج
وبالنسبة للمناطق الحساسة اني هم مرة او مرتين بعمري مسويتلهة شيرة ...
والباقي كلة موس
بس مليت وسويت ليزر والليزر ماكملته بسبب الحمل هذا وهسة شعرات خفيفه تطلع ومثل الوبر وسويهن بالمكينة مال حفافه
انتي هم روحي ليزر اكيد موجوده مراكز هواي
هوة صح غالي هنا كلش بس والله راحة مابعدهة هههههههه

واكو ورق فيت هم سوي بيهم يطلع انعم بس يوجع ادري هههههه

وبالنسبة للصبغ ف اني حلاقه وخبرة صبغ وقص وو .....الخ
لو تجين عالايميل اراويج شغلي للعرايس والنساء هنا
والله يصيحولي جويل ههههههههههههه
وهسة الكل منتظرني اجيب حتى اسويلهن نيو لكات ههههههههههههه لا واخذلهن صور قبل وبعد
لو تردين ادزلج شغلي على الايميل برساله لو ايميلج نفسة ونصيحة لا تسلمين نفسج الا لوحده خبرة
ولو متعرفين انتي لتسوي...
حبيبة قلبي .