ديوانية البحرين - دردشة حوامل البحرين - البحرينيات

[فلونة]

بييي الله يعينج،، سفرر ذي

والمفروض ترى خلاص ما تمشين سيااارة

اناا توني في السادس واحس روحي ماركز في السياقة،، ولا اجوف بوضوح

مادري نظري ضعف من الحمال << ابتدى الوسواس

بس انا ماطلع في السيارة الا مع ريلي،، عقب ما تخرجت وافتكيت ما امشي سيارة الا قليل

وعليه ابوي يحاتيني ،، متصل من الشغل يقوولي بايي باوديج المستشفى

اقوله باجر ريلي بيوديني،، يقوولي انا احين باطلع من الشغل وباييج

كسرر خاطري ،، يقول لي كله من هالدرري

[حبيبة حسوني]

سلام بنات شخباركم
اما اني حالتي حاله امس اليل كنت في طوارئ الحوامل من ثمان ونص الي ثنتين الا
تعبت ولاعة جبدي ماظل شي الاس ووه ليي احس جسمي متكسر مو قادره اني رحت لاني احس بالم في بطني من تحت ومثل النغزات والم في قلبي بس سوو لي تحايل وقالو كلشي اوكي عقب مالوعو جبدي وحطو لي سيلانين وعطوني حبوب وسوو لي تخطيط بعد الدكتوره تقوليي هي من الحمل الي يصيديش صايدنش مثل الحموضه ومايندرى والله احس روحي كلش تعبانه وجسمي كل مكان فيه يعورني يالله ادعوليي الله يسهل عليي وعليكم

[الفتاة الذهبية]

الدري خطير مب زين
انا تحت اشوه كنت فوق وعقب نزلت تحت

[الفتاة الذهبية]

حبيبه حسوني
ماتشوفين شر

[بنت الأياويد]

فقير ابوج اي صاج اهو كله من هالدري اذا جذي بس روحي بيت ابوج ريحي اهناك مايسوى عليج ، حبيبة حسوني ماعليج شر ان شاء الله

[فلونة]

حبيبة حسوني ما عليج شر

اي قال لي تعالي قعدي في البيت ،، بيتنا طابقين بعد

واذا بارقد هناك اخاف ارقد في الطابق الارضي بروحي

يعني تيتي تيتي زي مارحتي جيتي :p

[بنت الأياويد]

سالفتج سالفة ههههههههههههههه انزين خلي ريلج يرقد وياج دام عندج مكان

[حبيبة حسوني]

الشر مايجيكم حبيباتي

[فلونة]

بنت الاياويد ،، ريلي مستحيل يرقد في بيتناا مع ان اختي متزوجة وفي بيت ريلها

ومافي الا اخوااني الصغارر ،،

الله يعديها على خيرر ويرجع البيبي وضعه طبيعي

باسألكم بنات في احد عنده فكرة جم المفروض يكون وزن البيبي حاليا

بالنسبة لي في الاسبوع 23 ؟؟؟

[أحلام أم]

سلامات على الكل وماتشوفون شر ،الحامل تضل في معاناة لين تولد بالسلامة