تجمع حوامل الأشهر الوسطى(الرابع,الخامس,السادس)

[محبوبته]

مساء الخيرات على الجميع
أخباركم ما شاء الله ما شاء الله 18 صفحة مسولفين
يآمجرمات تركتم نص يوم بس < شكل الحمل يجيب معه الهذرة الزايدة ههههههههههه

وشسمه لي ساعة كاملة تقريبا اقرأ سوالفكم بديت والجوال فل بطاريته ويوم جيت برد إلا البطارية حمراء ههههههههههههه

يآآكثر سؤالفكم مدري وش أبدأ فيه
دودي إس اللي فبطني ولد أن شاء الله
خايفه تطلع بنت مع أن دكتورتي شاطرة
وعرفت الجنس من آخر الثالث لكن اللي خوفني
كل من شافني قال محلّوه بزيادة ويقولون حمل البنت يخلي الوحده تحلو وتزين عكس الولد !
< محد خاف قسم :(
يكفي كل تجهيزي مافيه ذرّة أنوثه :(

انا استخدم زيت الأطفال بس طلع لي خطين فوق وتحت السره لونهم بني تقول الدكتورة هذا ماله دخل بالتشققات والحمدلله ارتحت يآرب يروح عقب الحمل

بالنسبة للنفاس والحر أنا كنت حاطة ببالي إن بلبس بعد الولادة شيء ثقيل ؤشرابات واتدفئ وكيذا
أحسبه زي الدورة لأن الدورة إذا جتني انتفض من البرد واجلس بمكان حار وبدون مكيف ومع ذلك أموت برد
طلع النفاس عكس أشوف حماتي أمس بس محتره ولابسه قميص قطن وبدون بجامة
صادقة مشاعر خجولة ..

ثلج الشتاء عندك ومن سكرت أنا شريت منهم بجامتين بيت حلوات مره موديل البلوزة يجئ واسع وفضفاض هو المحل عادي مو حق حوامل بس أنا عجبوني مريحات مره بس تراه غالي شوي .-.

استغرب منكم تقولون رد تآق غالي !!!
بالعكس أحسه مثل سيتي ماكس بالخامة والسعر !
مادري مافكرت اشتري منهم أبد يقولون الخامة حقهتم مو زينة

أنا اشتريت من سنتر بوينت وكم لبسه من مذركير و اتش أم وليندأكس ..

ريمك يآقلبي مشكورة على السؤال أنا بخير الحمدلله
اليوم الفجر جاني مغص الدورة وأستمر ساعتين على خفيف خفت منه بس لما صحيت الظهر الحمدلله
< الظاهر أنها تقلصات الولادة لأن بقى لي 3 أيام وأدخل التاسع الله يهّون علي وعليكم يآرب

نيروز مبروك الحمل بتؤام يآرب والله يجيبهم لك بالسلامة وآنا رأيي من رأي البنات المفروض أمه تدري بس ؤخلي زوجك يقولها هي بس والناس مو لازم تعرف
لأنهم مايعطون خير أبد

كل اللي انضموا ياهلا نورتوا التجمع ياحلوات

صح بخصوص العمر أنا عمري : 23
بكمل الثلاث سنوات تزوجت وآنا عمري 20
الله يحفظ لنا أزواجنا وبيباتنا يآررررب

[كبرياءه طوره]

مسااء الخير
انا رايي مع سلطه لاتعلمين احد بس انتي واهلك والمفروض ماتخبرين اهلك انتي وزوجك وبس
ماتدرين عن ام زوجك يمكن طبعها تمشي وتعلم الناس من الفرحه او شي زي كذاا
شوفيني انا فيني بس واحد ومن اول ماحملت بس علمت اهلي وأهل زوجي
والله يهديها ام زوجي على طول نشرت الخبر

المهم اخباركم كلكم خلصتو تجهيز
بنات شرايكم انا اذا ولدت أهلي بالرياض عندي وأهل زوجي مو عندي
اذا ولدت بيجون بس بيجلسون ببيتنا وطبعا كل وحده ولها اغراضها الشخصيه
وهم من النوع الي ينامون وياكلون يعني ماينظفون بعدهم وان نظفو نظفو شي بسيط
يعني الحمامات بعدهم مايغسلونها
انا هذا الي شايله همه لانه مجرد تجلس الحمامات يوم بدون غسيل انا انقرف منها

[Dana]

محبوبته .... هلا مسا الورد وتسلمي على الترحيب
وبالنسبة لـ الخط البني فوق السرة وتحتها هاد عادي بطلع لكل الحوامل وبروح بعد الولادة وهو غير عن التشققات
وبالنسبة للبرد الوحدة ما بتحس فيه إلا وهي بفترة المخاض وهي بتولد بتصيري ترجفي من البرد وبس تطلعي برجع جسمك طبيعي ...
يعني لبسك رح يكون حسب الجو.

وما شاءالله خلص قربتي تولدي ... عقبالنا يارب
الله يقومك بالسلامة

[محبوبته]

والله يابنات من صغر بطني أحيانا أشك أن بداخلي إنسان ههههههههههه
شكله صغير أشوف حماتي وزن طفله 2 ونص ماكمل ثلاثه وهي بعد كانت أكثر مني بالوزن
هم يقولون مو على شكل البطن ..

[Dana]

المشاركة الأصلية كتبت بواسطة كبرياءه طوره

مسااء الخير
انا رايي مع سلطه لاتعلمين احد بس انتي واهلك والمفروض ماتخبرين اهلك انتي وزوجك وبس
ماتدرين عن ام زوجك يمكن طبعها تمشي وتعلم الناس من الفرحه او شي زي كذاا
شوفيني انا فيني بس واحد ومن اول ماحملت بس علمت اهلي وأهل زوجي
والله يهديها ام زوجي على طول نشرت الخبر

المهم اخباركم كلكم خلصتو تجهيز
بنات شرايكم انا اذا ولدت أهلي بالرياض عندي وأهل زوجي مو عندي
اذا ولدت بيجون بس بيجلسون ببيتنا وطبعا كل وحده ولها اغراضها الشخصيه
وهم من النوع الي ينامون وياكلون يعني ماينظفون بعدهم وان نظفو نظفو شي بسيط
يعني الحمامات بعدهم مايغسلونها
انا هذا الي شايله همه لانه مجرد تجلس الحمامات يوم بدون غسيل انا انقرف منها

ما شاءالله خلصتوا تجهيز وأنا حابة أبدأ أجهز بس بعد ما أعرف جنس البيبي
وحبيبتي إذا أهل زوجك من النوع إللي ما بتأخروا بالقعدة عندك تحمليهم .. أما إذا كانوا بطولوا
فإسمحيلي إنتِ بتكوني والدة جديد وماعندك قدرة تنظفي ورا حدا وبيّني هالشي قدام الكل
بأسلوب منيح والأفضل يكونوا أهلك موجودين لحتى ما يحسوا إنه الحكي موجه إلهم .

[Dana]

المشاركة الأصلية كتبت بواسطة محبوبته

والله يابنات من صغر بطني أحيانا أشك أن بداخلي إنسان ههههههههههه
شكله صغير أشوف حماتي وزن طفله 2 ونص ماكمل ثلاثه وهي بعد كانت أكثر مني بالوزن
هم يقولون مو على شكل البطن ..

هههههههه لأ عادي ما إله دخل

أختي وهي حامل كان بطنها صغير وما شاءالله جابت إبنها وزنه 3 كيلو ونص .
يعني مو شرط

[اطخم بنت]

المشاركة الأصلية كتبت بواسطة شوق الامومه

اي شفتها روعه بس يبي لها انا شفت بالتويتر وحده طريقتها نايس
دودي امرايه صغير حقت الشنط يحطونها بكيس اوجلاد الي مثل الخيش ويكون الكيس او العلبه فخمه ومكتوب عباره او ملزق فيها شريطه
انا اعجبتني المكسرات اكثر بس نفس طريقة المرايه وحده تسويها جنان

ياليت اذا عندك رابط تعطيني اياه اوصور لان ابي افكار حلوه
واللي سئلتني كيف مرايا تكون صينيه بكبرها على شكل مرايات صغار
او يكون كل حلاو او هديه على حسب اللي تبينه يكون حلاوه مثبته بمرايا صغيره
.......
نيروز ماشاءالله الله يخليهم لك وتقومين بسلامه يارب
انا اشوف ماتخبري احد ابد لماتقومي بسلامه
اذا كان زوجك علاقته بامه قويه اشوف لازم يخبرها
لان بعدين بتزعل منه لان اهي من قبل حامله فيه وتعبانه
وخليه يحلفها مايوصل الخبر لي احد حتى اخواته
......
محبوبته لاتخافين كلام ماله دخل اذكر وحده من البنات هون من تجمع
تقول احس بثقل موب طبيعي وثقل معروف عندنا انها بنت وتقول فيني ولد وتقول قبل حملت مرتين جبت اولاد ماحسيت بذا ثقل فكذا مالها دخل اتوقع
لان اخواتي كمان يقولون شكل فيك ولد مسمره انا بس ماحطيت في كلامهم شيء
لما اكشف واشوف شنو الجنس على ان عندي احساس انها بنت لان كل العايله ماشاءالله ابكارهم بنات
وصح كمان صغر البطن ماله دخل في وزن البيتي مرة اخوي بطنها مره صغير يالله كبر على تاسع وبعد كانها بسادس من صغر وماشاءالله يوم ولدت جابت بنوته كبيره ومتخته يعني مليانه حبتين توقعنا بتجيب صغيره مره
...،،،
اتوقع بنات ان شاءالله كلنا بعد اسبوع راح نعرف نوع البيبي لان اشوف كل مواعيدكم هالسبوع
انا ان شاءالله اسبوع الجاي الله يصبرني

[سلطه]

ليه ماجاوبتوني هالحين حركه بيبياتكم ايام تكون نشيطه وايام تكون هاديه ..

اللي حسست هيك تخبرني ههههههههههههه

محبوبته حلوه الحمل يجيب الهذره هههههههههههههههه

اي كثروا مششاء الله بنات التججمع ..

[Dana]

أطخم بنت إن شاءالله الأسبوع الجاي بنخبر بعض بجنس البيبي
بس إن شاءالله يكون واضح
والله أنا بحملي هاد أعراضه مختلفة تماماً عن حملي ببنتي
لأنه حبيت الموالح والحوامض وحبيت الفواكه وكرهت الشوكلاته ووجهي تعبان كتير

الله يرزق كل وحدة بإللي بتتمناه

[Dana]

سلطة أنا بحملي ببنتي والله مرات كنت أحس بالحركة نشيطة ومرات لأ يعني حسب بس جربي كلي شوكلاته رح تكثر حركة البيبي ...
جربتها ببنتي ... او يمكن لأني حبيت الشوكلاته فيها.
بس بحملي هاد لسه ما حسيت بالحركة .. إن شاءالله أحسها عن قريب