ديوانية حوامل البحرين

[دموع الليل الجريح]

ام حماني

مشكورة يالغلا

بس خوفوني واااااااااااايد

الحميه اللي عطوني اياها احسها مال رجيم مب حق حوامل

انا كنت اتعالج فالشرقي سولي تحليل اللي تصومين 12 ساعه وتين يشربونج محلول طعمه يلوع الجبد ويسحبون منج 3مرات

والمره الثانيه تصومين بعد 12 ساعه وياخذون منج اربع مرات كل ساعه يسحبون

وطلع مرتفع فالاول 11.7 والثاني 13

خرعوني حولوني العسكري بصراحه اسمع واااااااايد سوالف بيصير جذي وجذي

مب عارفه مادري ناس نصحوني امشي معنه وزني اوكي مب متينه

الله يسهل عليكم جميعا وماشوف وحده تعبانه يارب

[بنت الأياويد]

السلام عليكم

[حنين للماضي]

وعليكم السلام

شخبارش اليوم بنت الاياويد؟؟؟

ام حماني سكينة مابينت
ان شاءالله تكون بخير

ها قولي اليوم شنو طبختي؟؟

مادري ليش كله ابي انام
رغم ان انام زين ولله الحمد
...

[بنت الأياويد]

انا الحمدلله بخير انتي شخبارج ، انا اليوم ماطبخت امي عطتني مجبوس ربيان بس بصخنه وبسوي شوربة على السريع وخلاص، اليوم من قعدت صايدني الم في بطني مافيني شده اسوي شي، وانتي شطبختي؟

[حنين للماضي]

اني بعد اليوم ماطبخت
الليلة فطورنا بيت عمي
عادة اسوي سويت او شيء بس اليوم مالي مزاج

ها بتسوين شوربة العدس؟؟؟

[بنت الأياويد]

اريح لج من الطباخ ، لا مابسويها مالي بارض بسوي شوربة كنور عشان بسرعه تجهز

[بنت الأياويد]

مافي احد اهني!!!!

[بنت الأياويد]

ام حماني الله يستر سكوتها هالمرة شكلها ولدوها ان شاء الله تبشرنا بآخر اخبارها

[أم حماني]

السلام عليكم

[أم حماني]

لا ماولدوني ... اشدعوه لعبه السالفه ههههههههههه ... كانت الدكتورة تبي ترقدني بس مادري اشفيها معجبه فيني من تجوف ويهي .... تبي ترقدني