هنا تجمع حوامل الشهر (الرابع والخامس والسادس)

[نوشآ]

صحيح سيفون على اللي مايعجبك بس لو ام زوجك وتسألك عن دورتك اذا جتك
والا لا وتكون عليك اصلا ولما تعرف انها عليك تتضايق مرره انا وزوجي اجلنا
فكره البيبي والحمل لمده سته اشهر من زواجنا نبي نعيش حياتنا والحمد لله على كل حال

[نوشآ]

اووووكي بسولف لكم شوي بس لاتخافو ومو شرط اللي صار لي بيصير لكم

[حلم حقيقي]

حلمي ... مو هنا القصد كلاام الناس عمره ماهزني دام عارفه ان رزقي مكتووب ومعلوم عند
رب العالمين

لكن تصرفات البشر ..بحكي لك موقف صار معي
حرمه كبيرة بالسن تعتبر بمقاام امي
قالتلي بين الناس وكانت حابت تسمع الكل
يووه بنتي تزوجت بعدك بكثير وعندها ولد والان هم حامل
وانتي لسه ؟؟!!
رديت بكل ذووق وابتسامه نابعه من حرق وجعي
مبرووك ع ولدها وربي يسهل عليها يارب
اما انا عاد رزقي تاخر شوي والواجب علي احمد ربي ع كل حال
مو اعترض او ازعل مبرووك لبنتك ولاتنسيني عااد من دعواتك الحلوة
وربي الحرمه انحرجت وجلست ترقع ف الموضووع
وتقوول صح عليك

[حلم حقيقي]

موقف اخر ........ حرمه حاامل قداامي خمس شهوور وجاية عندي زيارة ف بيتي
وتخبي بطنها هههههههههه منظر الله لايوريكم شلوون مقزز لو ماجت ابرك
لاحول الله اخت زوجي كانت في ياويل حالي اشلوون انهارت وعصبت وش هاذول بشر
ولا شنو ههههههه
وانا قلتلها عادي وحلفتها انها لاتسال ولاتدقق خلي الحرمه ع راحتها
دخلت مبسوطه تخرج من عندي مبسووطه

[نوشآ]

بالنسبه للحمل كل الشهور سهله الحمد لله عدى التاسع تثقلي وتقل حركتك
حتى بنومك تحسي بطنك حجر واذا وقفتي تشوفي بطنك نزلت تحت مررره
يعني لو تحطي يدك تحت صدرك بتلاقي 4 اصابع فاضيه تقدري تضغطي عليها

بدأت المشي من الثامن بنهايته تحديدا بس لمدة عشر دقائق الين دخلت التاسع
كنت امشي ربع ساعه يوميا ابدا اعود نفسي شوي شوي الين صرت امشي
ساعه كامله يوميا

والمشي ترى رووعه يساعدك بالتنفس وقت الطلق لكن عمره مايجيب لك الطلق
قبل الولاده باسبوع تجيك تفاسيح الولاده اللي هي الالام دوره بسبب على خفيف
والطلق يابنات وربي نفس الم الدوره بس على اقوى

[حلمي أشوفك]

صح ياحلم ومو معناته اني ماتعرضت للكلام وقدام الناس لكن ماتنهز فيني شعرة لامنهم ولامن غيرهم
لكن الله لايجعلني من الشامتين دايم ادعي ان الله يسامح اللي اذاني ولا يبتلي اولاده بسبب اذيته للناس .

[نوشآ]

ذووق ياحلومه صح عليك وبقوووه والله يسامحها يارب

[حلمي أشوفك]

الله يعين حلم
نوشا في انتظار المزيد كملي

[حلم حقيقي]

موقف اخررر

يوه اشلون عايشة لوحدك ومتحمله وحدتك
هههههههه
ارد بإبتسامه هي الي ذبحت الناااس
ياقلبي لسه انا صغيرة والحمد لله زوجي راضي
خلينا نتمتع بالحياه ولاحقين ع الاطفاال
والحمد لله انا انسانه مثقفه ومتعلمه لكن تصرفات بعض البشر تقززك
وربي كنت من النووع الي ماحب اكتم حمل او اخبي لكن من الي شفته اطريت حاليا اخبي حملي
وربي مو راضيه بعد بها الشي احسه سخاافه لكن هذه وصيه الراقي الي رقاني
والحمد لله احمد ع كل حاال

[نوشآ]

في علامات للولاده انا نزلت معي افرازات بنيه كذا تشبه لون القرفه المطحونه
هذه اكبر علامه ان الولاده خلال 24 ساعه

وبعدها ب 7 ساعات حسيت ان نبض قلبي يزيد ونفسي ينكتم شوي
والم من الظهر الى اسفل البطن يروح ويجي

روحت للمسشتفى قالو لي فاتح معي الرحم 2 سم
والحمد لله تيسرت لي الولاده وولدت

هههههههههه ماابي اشرح اكثر ماابي ارعبكم
لكن والله يابنات تذكرو كلامي لاتصرخو ابدا اذا جتك الطلقه خذي نفس وازفريه
واذا كانت قويه سرعي التنفس عندك

اهم شي غرفة الولاده ههههههه وقت الدفع لازم يكون مع الطلقه تكوني على ظهرك
وفاتحه رجيلك وادفعي وهم يساعدوك اذا ماعرفتي تدفعي

والله ان الطلق ارحم مليون مرره من الكشف الداخلي يابنات
يدخلو يدهم علشان يشوفو عنق الرحم كم فتح سم تحسي ان ليلة الدخله اهون منها
والمشكله يقولولك ارخي نفسك هههههههههههههه