دردشة بنات مصر , دردشة حوامل مصر , تجمع بنات مصر

Rany · 11-30-2011, 04:46 PM

اسكتوا انا روحت امبارح في 4 ساعات ونص الدائري كان واقف عارفين يعني ايه 4 ساعات ونص طريق بناخده في ساعة ساعة ونص , على فكرة انا اليومين دلو بدخل الحمام كتير قوي لدرجة اني سعات بتعب من كتر مبدخل الحمام , امبارح وقفت جوزي مرة قدام جامع كنا لسة الساعة 6 ونص قولتله مش قادرة ونزلت الجامع , على الساعة 7 ونص حسيت اني عايزة ادخل تاني فضلت ساكتة على امل ان الطريق يمشي لحد مجيت في حتة وعيطت صعبت عليا نفسي اللي انا فيه جوزي حس اني تعبانة قوي ساعتها وقفلي عند معرض سيراميك ودخلت , انا بجد وصلت اني روحت منهارة قولت خلاص هقدر استقالتي واقعد بس القرار مش سهل اني اخده قومت الصبح وروحت الشغل بردو , المهم اني وصلت اني انهاردة مشربتش بق مية عشان متنزنقش تاني كدة , انا تعبانة قوي اللي حمل قبل دة وانتي يا ام اروى حصلكم كدة انا كل ساعة لازم اروح الحمام ده طبيعي ولا ممكن اكون تعبانة ؟

om arwa · 11-30-2011, 04:53 PM

هههههههههه
سكر
عادى فى االاول الواحد بيبقى عايز خبرة يتعود ع المقادير
بعد كدة هتلاقيكى تلقاءيا مظبطاها
انتى ساكنة فين ظ؟

om arwa · 11-30-2011, 04:57 PM

يا رانيا فى الشتا كلنا بندخل كتير
بس دخل الحمام كتير اى كدة بيبقى فى الشهور الاخيرة اكتر
بصى حللى بول تطمنى لحسن يكون فيه حبة املاح او ا صديد لا قدر لله
بس انا برد بقيت احاول مااشربش ميا وانا خارجة بسب ب الحمام ده
وفى التاسع كنت بدخل كل ربع ساعة ههههههه
اطمنى بالتحليل بس عادى فى الحمل ان شاء الله

Rany · 11-30-2011, 04:59 PM

بصي انا ساكنة في حتتين بيتي الاساسي في قليوب لو تعرفيها لينا شقة في 6 اكتوبر نص الاسبوع هنا والنص التاني هنا بس للحظ السئ يوم مننوي نروح اي حتة فيهم لازم طريقها يبقا مقفول اقري الكلام اللي انا كتباه فوق وقوليلي موضوع الزنقة ده طبيعي ولا كدة كتير رغم اني مش بشرب مية كتير اصلا

Rany · 11-30-2011, 05:01 PM

حاضر انا بردو عايزة اطمن والله ربنا يسهل واحلل ويطلع خير , المهم اروى بتعمل ايه انتي منيماها ولا ايه

om arwa · 11-30-2011, 05:03 PM

رانا شكل لوجى كلتها هههههههه

om arwa · 11-30-2011, 05:06 PM

لا النهاردة مارديتش تنام بالعافية زى امبارح
وانا نايمة ع السرير عمالة تقولى قومى ياماما اقعدى ع الكرسى
مش عيزانى انام
فقمت اقعد جنبها وهى بتتفرج على براعم
بحاول اكلها مش راضية لسة نفسها مسدودة

احلى نونو · 11-30-2011, 05:09 PM

صباح الخير يابنات
سماسيموووو ازيك ياحبى عامله ايه النهرده بقيتى احسن ولا لا
واروى حبيبتى السخونه نزلت ؟
والنونه ازييهااا

رانياا ازيك ياجميل
النونو عامل ايه
موضوع الحمام عااااااادى انا عامله ابونيه كل شويه حماااااااااام
بس برضه زى ماسما بتقولك اعملى تحليل زياده اطمئنان

om arwa · 11-30-2011, 05:12 PM

الحمدلله يا دوددو ادعيلناااااااااا
هى السخنية هديت الحمدلله
اانا لسة غممان واسهال وساعات بترعش معرفش لية

om arwa · 11-30-2011, 05:14 PM

معادك امتى يا دعاء مع الدكتور
عايزين نعرف الكائن اللى جوة نوعة ايه؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM