ديوانية البحرين - دردشة حوامل البحرين - البحرينيات

[أحلام أم]

المشاركة الأصلية كتبت بواسطة أم عائشة

كاني قاعدة
بس رحت اريق زوجي قبل ليروح الشغل ههههههههههه

احلام ام شخبارج عساج بخير وشخبار النونو طمنيني اختي ان شاءالله كل امورج عال

وعليه زوجي امس ضحكني راح الصيدلية ويبلي تحليل منزلي يقولي رجعي حللي هههههههههه

قلت له شفيك انا حامل بكيس بلا جنين يعني حتى لو حللت بيطلع لي خطين
يقول لا مايصير يقول سال صديقه وقاله انه الجنين اهو اللي يفرز هرمون الحمل مو الكيس واذا طلع لي خطين معناه فيه جنين
ماحبيت اكسر بخاطره وحللت وسيده طلع لي خطين
انا متاكدة من انه كلامي اهو الصح بس اهو للحين عنده امل وعليه يكسر الخاطر

هلا حبيبتي ...أم عائشة وحشتينييييييني ،كل مرة أقول بأكتب أسأل عنش بس ماحبيت أضايقش ودائما أدعي لش بالفرج ،إنشاء اللة تحملين طبيعي المرة الياية والله يثبته ويفرح قلوبكم
أني الحمدللة بخير والنونو ماأدري يختي موعدي في الخاص بعيد قريب العيد عند الدكتورة وموعدي في السلمانية المفروض يوم الأحد بس أجلته لأن زوجي مسافر وبالصراحة أخاف من السلمانية وروحتها متعقدة منها ومن العذاب النفسي إللي يخلون الواحد فية ،الله يطمن قلبي علية واايد أحاتي إللي مريت فية موقليل 3إجهاضات ،الله كريم
صرت أضرب الأبر اليومية بروحي في البيت خليت الممرضة تعلمني ،حزت ضراب الأبرة أنخش في حجرة في البيت عن لايشوفوني أولادي يخافون عليي ويتخرعون بس الصغير ورايي ورايي ومايهمه ويش يشوف لصقة يصك ويهه لين أغز روحي ههههة

الله كريم يختييي ،لاتضحكين على زوجش وسايرية ماتدرين وكوني قريبة منه أكثر ،الأمل بالله كبيييييير ،الله ييسر أمورك وأمور المؤمنين والمؤمنات
لاتقطعينه عن جد نشتاق ليش

[الفتاة الذهبية]

فلونه
لو اقول لج ليش غاطه بتضحكين عليي خليت
التلفون يمي انتظر احد يدش
ورقدت والله مسخره
حنين
اذا اخذتين عدد كبير من الملابس
ما راح تستخدمينهم كلهم
لانه الطفل يكبر بسرعه

[بنت الأياويد]

صباح الخير شلونكم ، انتوا اكثر واحشيني الفتاة وروز تسلمون انكم سألتوا عني ، انا من امس لي الفجر ماقدرت انبطح كلش الصوبين كان يألمني ومارتاح ولا على اي جهة وتحت كان فيني ضغط مو طبيعي نغزات الي تخليني اقوم من قوتها والله مو عارفه بالضبط هذي شنو اول مرة يصيدني جذي ودايخه حدي في عيني النودة بس ماقدر انبطح حالتي مأساة كنت ارقد وانا قاعدة خفت ان يكون طلق حتى الله يعزكم لما رحت الحمام لقيت مع البول شي ابيض دائري بس ماعرف شنو ذي :(
وبخصوص الجدول ضيفوني وياكم ولادتي21-12 وفيني بنوتة

[الفتاة الذهبية]

هلا والله
وحشتينا امس وايد
جان سألتي امج عن الالم
يمكن تكون نغزات طبيعيه
وما تشوفين شر حبيبتي

[بنت الأياويد]

مايوحشج غالي حبيبتي ، ماسألت امي لان بتقعد تحاتيني واهيه راعية ضغط مافيني شدة ، قلت بسأل خواتي احسن بما اني اصغر وحده واهمه عندهم خبره ، الشر ماييج تسلمين

[Um Amal]

سلام ..
حبيت أستفسر منكم !! جم فوطة كفاية للبيبي ؟؟
وبالنسبة للبدلات مو الشباحات ..6 كفايه ؟

[أحلام أم]

المشاركة الأصلية كتبت بواسطة بنت الأياويد

صباح الخير شلونكم ، انتوا اكثر واحشيني الفتاة وروز تسلمون انكم سألتوا عني ، انا من امس لي الفجر ماقدرت انبطح كلش الصوبين كان يألمني ومارتاح ولا على اي جهة وتحت كان فيني ضغط مو طبيعي نغزات الي تخليني اقوم من قوتها والله مو عارفه بالضبط هذي شنو اول مرة يصيدني جذي ودايخه حدي في عيني النودة بس ماقدر انبطح حالتي مأساة كنت ارقد وانا قاعدة خفت ان يكون طلق حتى الله يعزكم لما رحت الحمام لقيت مع البول شي ابيض دائري بس ماعرف شنو ذي :(
وبخصوص الجدول ضيفوني وياكم ولادتي21-12 وفيني بنوتة

هلا بيش حبيبتي بنت الأياويد
ماعليش شر ،الله يساعدش هذي الألام مؤلمة يمكن عندش غازات غليظة هي عادتا تمسك الجوانب وأسفل البطن وتخليك ماتقدرين تتحركين حتى النوم مستحيل خصوصا في الحمل وتحسين كانك فيك ضغط وتحاوليين تخففين منه بس ماتقدرين ويجي بعد مثل النغزات تروح وتجي ،إغلي ليش زعترولبان وإشربية وكثري من الماي ومسحي بطنش بزيت زيتون وحاولي ماتتعرضين لهواء بارد خصوصا تحت المنطقة ،يمكن صادش هواء بارد وإنتي قايمة من دفىء السرير أويمكن رايحة مكان ومشيتين واايد ودخلتين مكان مكيف ماعليش شر حبيبتي

[Um Amal]

هذول .. محد ينصحني فيهم .. قالوا لي كلش مو مريحين للطفل .. والمفتوحين تحت أحسن ..
شرايكم ؟؟

[بنت الأياويد]

الشر ماييج احلام أم تسلمين حبيبتي ، وام أمل على طاري الصورة انا بنتي كله خذيت لها جذي لاني بولد في البرد مافيهم شي بالعكس

[Um Amal]

المشاركة الأصلية كتبت بواسطة بنت الأياويد

وام أمل على طاري الصورة انا بنتي كله خذيت لها جذي لاني بولد في البرد مافيهم شي بالعكس

إي اني بعد بولد في البرد .. والمحلات كل فيهم أكثر شي من هذول .. بس قالوا لي اخدي جواريب أحسن لان يمكن تعيق حركة البيبي ..
ف محتارة