ديوانية حوامل البحرين

[بنت الأياويد]

ماشاءالله ، في وحده بعد في مدينة حمد الدوار الاولي عندها محل صوب سوق واقف وفي البيت بعد تبيع شنط ومراقد حق اليهال وثياب شغلها حلو ومرتب ورخيص بس مادري عنها الحين للحين تسوي ولالا علمي بها من ثلاث سنوات يمكن

[أم حماني]

المشاركة الأصلية كتبت بواسطة بنت الأياويد

الله يعينج عليهم ، يوميا لازم تروحين ولا عشان التحاليل باجر؟ طمنينا عليج عااد لاتخلينا نحاتيج ، اهم شي خلي كلشي بارز شنطتج وشنطة عبدالرحمن ماتدرين يمكن يقولون بولدونج توكلي على الله وكلشي عندج بارز ماتحاتين شي

الدكتورة بتجوف التحاليل ويمكن تكتب لي متى ادخل ... انا مب مرتاحه ادخل بس ريلي مصمم اسمع كلام الدكتورة .. شنطتي وشنطة حماني جاهزين .. ماعندي شي حتى رحت فرح حجزت للضيافه اليوم ... موالح وسويت .. افتكيت كنت احاتي

[بنت الأياويد]

قومي صلي ورقدي ترى ولبج تغطين جم ساعه والحين جريب الولادة مافي رقاد عدل احس رقادج كله متقطع بس على الاقل رقدي لج اربع ساعات خمس الله يسهل امورج واذا قدرتي دشي كتبي لنا شصار عقب ماترجعين وان شاء الله مافيج الا العافية

[بنت الأياويد]

يالله زين سويتي افتكيتي ، ربي يسهل لج امورج وان شاء الله مايولدونج غصبا عليج ان شاء الله اييج من الله الطلق

[أم حماني]

ويني و وين النوم ... ماقدر ارقد من المحاتاة والله فيني الصيحه ,, ضغط مب طبيعي ... امي مصممه ما اروح وريلي مصمم اروح وانا مادري شسوي ... حتى ريلي متوتر ,,, مساعه طول الطريج ساكتين بالسياره ... محد له مزاج يكلم الثاني

[بنت الأياويد]

روحي تطمني احسن والدكتورة ادرى بمصلحتج توكلي على الله والله مابيخيب ظنج ان شاء الله وحرام ماتروحين والله لايقول يتعب الياهل او شي وعقب تتحسفين طول حياتج مثل مايقولون اعقلها وتوكل على الله ومافي احسن من الله واقري قرآن شوي وكثري من الاستغفار بتشوفين بترقدين ولاتخلين ابليس يلعب في عقلج انتي جذي جذاك بتولدين باذن الله ماله داعي كل هالمحاتاه والخوف

[أم حماني]

الله كريم يا اختي ... ان شاء الله بسوي الاشياء اللي قلتيها ... بخليج الحين بروح اصلي وبنسدح

[بنت الأياويد]

اي قومي وادعي الي في قلبج وربج بيسهل ان شاء الله ، حاولي حتى لو تحطين مسباح في يدج واستغفري وسبحي بشوفين بروحها النودة بتاخذج بدون ماتحسين انا اذا احاتي او مضغوطة من شي اسوي هلون، وان شاء الله مانسمع عنج الا كل الخير ،مع السلامة

[أم حماني]

الله يسلمج فديتج

[الفتاة الذهبية]

ان شاء الله اييج طلق طبيعي يا ام حماني
الله يسر لج ويسهل عليج ولادتج يااااااااااااااااااارب