دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

Compassionate Heart · 10-15-2010, 11:48 PM

أحلى موني
تبوسها العافيه يارب ربي يسعدك و يحفظكم

Nana.1985 · 10-16-2010, 12:09 AM

احلى موني فااايقة تفكري في الرقص هههه ...

بنات من اول مررا متحمسة لموضوع الولادة والبيبي .. بس دحين احس اني ابغا ابكي ومرررا خايفة .. احس انو الولادة مو سهلة .. ومو شئ هيين ..
يعني في امهات ماتو وهما بيولدو ولا جاهم نزيف ... يمكن انا كمان اموت ونا بولد؟! واخر مرة اشوف فيها زوجي كانت امس؟! لانو مارح يجي الا الاسبوع الجي .. ويمكن لاسمح الله يموت الجنين وانا بولدو؟ ولاينخنق ولايسيرلو تشوهه ولاتخلف... والله يمكن اموت من اللالم لو سار فيه شئ!
مررا خايفة يابنات والله .. خاصة انو اليوم بديت احس انو عضام الحوض تعورني شويا يعني البيبي كل مالو بينزل على تحت ... والله مرة خايفة يابنات وقلقانة مرا

انشودةمطر · 10-16-2010, 12:33 AM

نانا ياقلبي امر طبيعي اللي تفكري فيه ولو ربي كاتب شي حيصير انتي توكلي على الله وربي ما يخيبك ان شالله وادعي واقري على نفسك وعلى الجنين والله يسهل ولادتك يارب ويتممها على خير

أحلى موني · 10-16-2010, 12:45 AM

نانا حبيبتي لاتفكري كتير كدا تتعبي نفسك اكتر من التعب اللي فيك خليها على ربك كلنا شايلين هم زيك ونفكر في اللي تفكري بيه بس نحاول انه مايشغل تفكيرنا مررررره لدر جه الخوف بس ادعي كل ما اتجيني وساويس زي كدا

ولاتنسي تقراي سوره مريم تسهل الولاده باذن الله وادعي واستغفري كتير خلاص هانت الله يقومك بالسلامه

Nana.1985 · 10-16-2010, 01:04 AM

انشودة وموني الله يسعدكم يارب ويسهلكم كل خير
بس اعوذبالله مدري اش سار فيا فرحي وحماسي قلب خوف يمكن لاني فعلن بديت احس انو بدا الجد وحانت ساعتي ... الله يسهلها يارب ادعولي يابنات كلللكم دعاء المسلم لاخيه في ظهر الغيب مستجاب ان شاءالله ...

أحلى موني · 10-16-2010, 01:16 AM

بالعكس هذي فرصتك تفرحي وتنبسطي لان خلاص مابقي غير القليل ويكون طفلك باذن الله في حظنك بعد9شهور صبر الله يكملك فرحتك ويولدك بالسلامه ويرزقك بالذريه الصالحه

الا قوليلي ايش عندك بنت والا ولد؟؟؟؟

اموورة وكتكوتة · 10-16-2010, 01:52 AM

صباح الخير حبيباتي

كيفكم وحشتوووووووووني مررررة مرررررة

سهرانين ولا نايمين؟؟

انا غبت يومين بس وما شاء الله صفحات كتيييرة زادت وقصص مالي ملحقة بالقراءة وعيوني زغللت

انا الخميس قلتلكم زوجي حيسهر مع اصحابو وانا رايحة عند اهلي بس النت عندهم خرب من العواصف اللي صارت والمطر يوم الخميس عشان اهلي بالعزيزية .. الجو كان مرررة حلو وخطييير ياريت كل يوم كدة

واليوم مرررة طفشت بقوة عشان مافي نت لانو نحن مشتركين نت مع قرايب زوجي معانا بنفس العمارة والجهاز حق النت عندهم ونحن شابكين سلك من عندهم وشكلهم ماهم في اليوم وه الطفش ..
دحين قلت خلنيي اجرب و اخيررراااا* جاه

الحياة من غير نت ما ادري كيف ؟؟ وخصوصا انتو مررررة وحشتوني مرررة كلكم احبكم ومتلهفة عليكم كلكم

انشودةمطر · 10-16-2010, 02:04 AM

كيفك اموره وكتكوته ان شالله انبسطتي عند اهلك فعلا المطر كان روعه اللهم اجعلها امطار خير وبركه والنت فعلا ما احد يستغني عنه صار ادمان

Nana.1985 · 10-16-2010, 02:18 AM

موني ان شاءالله ولد .. على كلام الدكتورر

اموورة وحشتيني كتييييييير ان شاء بس انك انبسطتي وغيرتي جووو ..
الخميس كنت مع زوجي في العزيزة عند جدتو وشفت المطر والبرد كنت في السيارة مرررا انبسطت بس لما جيت الرصيفة عند اهلي مافي ولا نقطه ههه
وفعلن الهوا كان شديد وطاحت الاشجار من قوتها

اموورة وكتكوتة · 10-16-2010, 02:19 AM

هلا انشودة كيفك انتي يا سكرة ؟؟ وكيف البيبي؟؟
والله الحمدلله انبسطت صار لي فترة مارحتلهم

من جد النت ادمان على قولك