دردشة حوامل مصر - دردشة بنات مصر - تجمع حوامل مصر

أم نورين2012 · 03-02-2011, 02:48 AM

رانيا أنا لسه عامله جلاش بالحمه أمبارح وجوزي مش بيحب الملوخيه بس أزاي بتتعمل كفته داود قلتلي عليها توته

somia · 03-02-2011, 02:50 AM

وبتتغرف بالمعلقة الكبيرة في الأطباق

أم نورين2012 · 03-02-2011, 02:51 AM

توته قوليلي علي كفته داود باشا

Rania Negm · 03-02-2011, 02:53 AM

اقتباس:

المشاركة الأصلية كتبت بواسطة somia

رانيا هيه بتبقى سايبة كده مبتبقاش قطع زي المكرونة وده حلاوتها

ياشييييييييخة ؟؟ والله اول مرة اعرف

ههههههههههههههههههههههه

لما كنت مخطوبة فى عزومة حماتى كنت عاملاها وكمان كان فى بتنجان بشاميل وطبعا كان منظرهم فضايح فى التقديم

وحمايا وحماتى اتريقوا عليييهم

وكنت مكسوووووووووووووفة

المصيبة ان حماااتى اساسا متخصصة فى الطبخ موش تقولى ان ده عااااااااادى

لالالالالالالا بالعكس فضلت تهرج معاهم

الحمى حمى صحيح

تصدقى انى هقوم اقلب عليها دلوووكتى

Rania Negm · 03-02-2011, 02:56 AM

ميرى سهلة اوى

زى الكفتة المشوية

بتتبلى اللحمة المفرومة من بالليل

تانى يوم تعمليها كور صغيرة

وتسويها فى الفرن موش بتاخد وقت خالص

بعد كدا تكونى بتسبكى طماطم بتوم على النار

تغلى غلوتين وتحطى عليها كور الللحمة وسيبيها تغلى غلوة وبس كدا بالهنا والشفا

بتكون اللحمة جوا صوص خفيف موش تغرقيها زى الخضار

somia · 03-02-2011, 02:57 AM

عادي يا بنتي بس متقوميش عليها الله يسترك ومتشلنيش ذنب
بس هيه بتبقى كده فعلا وانا عمري لعلمك ما عملت باذنجان بالبشاميل ولا دوقته

Rania Negm · 03-02-2011, 03:00 AM

طعمه راااائع جربيه نفس الفكرة

اقوم عليها ايه يا سمية ؟؟؟ هو انا اقدر ههههههههههههههههه بهرج طبعا

بعدين كل واحد فينا فى بلد

أم نورين2012 · 03-02-2011, 03:02 AM

رانيا من غير أي توابل لأ ديه شكلها بيقول أنها مش حلوه قولولي علي الكفته المشويه

somia · 03-02-2011, 03:04 AM

طب كويس تفريق القوى اللي حاصل ده ..
طب الباذنجان بتقليه الأول ولا إيه؟؟؟
لعملك أنا بقطع الكوسة دائرية ومش تخينة وبكثر البشاميل واللحمة المفرومة ومش بقلي الكوسة بشوحها بس لاني أصلا مش بحب طعمها وعايزة أقولك كل اللي بيدوقها الحمد لله بتعجبه قوي

Rania Negm · 03-02-2011, 03:06 AM

ههههههههههههههههههههههه ميرى الله يهديكى

ماهى متبلة بقالها يوم يبقى من غير توابل ازاى

بصى الكفتة المشوية لو تبلتيها ببصل وفلفل اسود بس تكووون روووووووعة فوق الوصف

انا كنت بحط عليها قرفة وقرنفل وقصة . لكن حماتى استااااااااااااذة والمشويات بتاعتها تتبلها بس ببصل وفلفل اسود والله بيكون طعم رااائع واصلى

. مع البصل والفلفل ضيفى شوية بقسماط عشان يمسك الكفتة وموش تفك .. وصبعيها على قلم عشان تستوى من جوه