تجمع حوامل اللي موعد ولادتهم في شهر جمادى الثاني1433 ‏ه

[ام ضاري11]

انا ولدي مو مستعجل ع الدنيا

هههههههه

[myso0oul]

صباح الخير كرووشات

يازا انا هذا ثاني حمل لي وفي بكريتي لاشفت سداده ولا خيوط دم
حتى موية الراس هي فكتلي هي قبل ولادتي بدقايق
وبعدها ع طول ولدت ماطولت
يعني لاتعتمدي على شي تشوفيه خليكي مركزه ع الطلق المنتظم

ام ضاري
الله يسسهلك وتولدي يمكن ذي بداية لعلامات الولاده

والله يسهل للي خلاص بتخلص التاسع وان شاء الله ماتستني اسبوع زياده
ولا شي واعذريني نسيت اسمك

[قشطه وعسل]

ام ضاري
وانا بعد اليوم نزلت علي افرازات بيضا شفافه واحس معاها شوية مويه
لاني كنت نايمه وحسيت بالبلل وصحيت بس ماضنيت انها موية الراس
لانها يادوب مسويه دايره صغيره
وانا بالعاده افرازاتي تكون صفراء وسميكه عشان الصديد
ماادري هي علامة ولاده والاالصديد خف
اعذروني حبايبي اعزكم الله

[قشطه وعسل]

myso0oul

اللهم اميين ياااارب ومن قال
وان شاءالله كل البنات بعد مايطوفون

[بدور 123]

ام ضاري تدري ليه هنا وحبي مايردو " مين لقي احبابه نسي أصحابه ".

لين طمنينا عنك

[لين جده]

انا ولدي مايبغى يجي مسوي ثقل خخخخخ
وربي اليوم ماكان في شي بس لما اصحى من النوم احس تنزل مني مويه شوي قليله ..

عندي موعد اليوم مع الدكتورة بشوف ايش تقول هالمره ... والله يسهل علينا يارب

الزكام كمل التعب علي واااااااء

[ام ضاري11]

سبحان الله يقولون الولاده تجي بدون مقدمات فجأه لكن يأخذ وقت طوويل من ست ساعات فأكثر من رحمة الله
يعني كل اللي يقولون لها علامات مب صدق تختلف طبيعة كل وحده عن الثانيه

قال تعالى(قال تعالي في سورة مريم: " {فَأَجَاءهَا الْمَخَاضُ إِلَى جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَذَا وَكُنتُ نَسْياً مَّنسِيّاً {23}

[همسات قلبي]

بنات بحاول انسى وبخلي كل شي بوقته واللي ربنا كاتبه يسير

يلا خلونا نسأل بعض ونفرفش شويه وننسى نقول متي أولد ومتي ارتاح

ع فكره فيه كروشات مااشوفهم

اخت أنا بدونك
حزن الليل
نموله
وغيرهم كتير ماتحضرني الأسامي


عسى المانع خير طمنونا عنكم

بنات ياكروشات

قولوا وش نظامكم اليوم <<<<<ماعندي هرجه بس ابي اخرج من روتين متي أولد

أنا نظامي بروح افرفر مع اختي المول امشي شوي واتونس وهي تشتري
ح رجع اكيد أخذ دش واتسدح وهاتك يا مسلسلات ام بي سي
لحد ماياذن الفجر اصلي واهرج شوي مع ماما وأنام

كيف اهرج مع ماما طبعا أنام عندها في غرفتها ههههه لا تضحكو هي قالت عشان اذا تعبت اكون جنبها
ع الرغم اوقات ابي ارجع غرفتي مع اختي بس ماما ترفض

[myso0oul]

حلو اخرجي وغيري جو واتونسي وانسسسسي

والله انا كل شوي انام ولو ما فيني نوم انام عشان الوقت يمشي بدون ما اشعر
وعشان اخزن نوم بعدين لاولدت احتاج لطاقة نوم مخزنه بسبب البيبي

والاربعاء ان شاء الله بروح عند اهلي وبغير جو كل يوم عند وحده من اخواتي
للين تجيني الولاده خخخخخخخ

[ام ضاري11]

همسات
انا اتابع مسلسل فاطمه
بس قهر امس ما شفته
وروبي