دردشة بنات العراق, دردشة حوامل العراق , تجمع بنات العراق

[فوفو العراقية]

حبيبتي زينب تسلمين
ويتمملج على خير ياعمري
بس ميز الاستحمام والتغيير مو من الاكيا
اني بصراحة ماحب غراضهم بس لان دورت هواي ومالكيت شي مقنع ف رحت اخر شي للاكيا
بس الميز اخذته من سوق خاص لىطفال اسمة baby town بي اشياء تجنن
يمكن اكو يمكم منه شوفي بالنت.
واكو هواي اسواق مال اطفال.
انتي دوري وشتري شوية شوية لما تخلصين.


يلا تصبحون على خير
وغدا لنا لقاء بعون لله,

[أم أيهومي]

هههههههههههههههههههههه ولج فوفايه هو ايعضني من ايدي لو من زندي وظهري بس التفت عنه ايعضني وشعري لانه طويل مااكدر الفه احسه ثكل على راسي فااحاول بس ارفعه

ولخاطر عيونج راح ابدل الصوره يدلل الحلووووو

زنوبه ياعمري عادي اتروح التشققات اني هم صارت بيه بس بعد الولاده ان شاء الله ادهني بزيت الزيتون
وديري بالج على العبيديه,,وعادي حبي كل الزلم اتصنف من انصير حوامل خلي يشبع ضحك ابن عمي على الضحكة لاحكته

[أسيرة الروح]

هلو بنات شلونكم
حبيت اشارك وياكم بالدردشه
اني اليوم حللت وطلعت حامل وهذا ثاني طفل الي
وما اكول غير الله يتمم على خير ونكوم بالسلامة يارب

[أم أيهومي]

نورتي اسيرة الروح




مبروك الحمل ربي يتمملك على خير
ممكن اتعرفينه عن نفسك لانه اي انسانه جديده تنطينه السي في ههههههههههه يعني معلوماتهة حتى نتعرف عليها

اني نجلاء ام ايهومي عمري 26 سنه متخرجه هاي السنه من كلية التربيه للبنات
متزوجه من اربع سنوات ونص وعندي ايهومي عمره 8 اشهر..

[White angel]

هلووو بنااات شلوونكم
حبايبي انتو مشتاقوون
حبي فوفو ان شاء الله ادور واشوف ولو البارحه من بعد مارحت صار عندي هبوط قوووي
لان انغثيييت ومجان الي خلك حتى للنونيه
بس الله كريم خل يخلص رمضان والله كريم
حبي ام ايهومي والله قلبي وكف من شفتها لان سمعت من البنات ماللها جاره والحاله ميؤووس منها
لج عيني اسكتي وخليها سكته ع العبيدي لج مخبلني اليوم الصبح مخلالي اني جسمي كلش حساس وهو بس يكرص ويعضعض اذا عندج ايهومي اني عندي زوجي هههههههههههههه يكولي رايح للشغل حتى تتذكريني سوالي ساعه بايدي وعياط اني وااصل السابع جار خبلني اكوله شجابني عليكم اني متزوجه بصراوي وفضت راحت شجابني للاعظميه هههههههههههههه

ربي يخلي لج ايهومي ابو السنينات يااارب


بنات لو تشوفون رضاوي حبيبي كبران شوووي وبس يصفن يعني ماشاء الله عليه هادئ بشكل
اكوله يارب بنتي تاخذ هداوتك طبعا طهرووه سوده عليه بس يبجي وممتعودين عليه وعلى بواجييه ولالالالالالا ابشركم ميريد امه يريد امي لان 24 ساعه مكابلته امه للرضاعه فقطططط هههههههههههههههه

[White angel]

بنات حبايبي
على غفله دا احس انو قلبي مقبوض وروحي رايحه ماادري شنو السبب

[ام نورهانه]

هلووووووووووو حبااااااااااااااايب شلونكم عاااااااااااااااااااااا تعبانه ورجليه توجعني اليوم رحت للكاظم اشتريت ملابس داخليه وحفاظات مال نفاس وستيانات مال رضاعة وكم شغله للنونيه وتخيلوااا جنطة ملكيت شي يعجبني اووووووووووف مني يرادلي طلعة لخ للسوك شوف شوكت ايصير بيه حيل واطلع

[zena]

هلو حبيباتي ان شاءالله كل بخير وسعاده ودكومن وي النونيات بصحه وعافيه





حبيبتي فوفو شنو هل التجهيزات الحلوه ماشاءالله ان شاءالله تلبسيهم اله وتفرحين بشوفته






ام ايهومي مبروك سن ايهومي حبيبي بوساتي اله






ام نورهانه شخبارج حبيبتي ان شاءالله مبقه شي وتشوفين بنتوتج بسلامه

[فوفو العراقية]

مساء الخيرررر
شلونكم قوليبات

ام نورهان الله يكون بعونج
اني والله ضهري يوجعني من البارحة لليوم وقبل شوية هم نزل علية دم
وان شاء الله ينقطع

والجنطة مال المستشفى اني عندي جنطة من اول غسلتهة وخليت بيها الغراض
هية بيضة وبيها اوراق شجر الخريف هههههههههه
كلت ماضل ادور وخليت بيها ملابس البيبي
والف مبروك تجهيزاتج
وان شاء الله بالسلامة .

زينة حبي شلونج شخبارج؟
حبيبتي تسلمين ربي يبارك لج بعمرج ويديملج احبابج
فديت قلبج ياعمري,

[ام نورهانه]

هلو حبايب من جديد
هلو حبي زينه مشتاقيلج اي والله ان شاء الله مبقه شي واشوفها الحبيبة قلبي الثانية فدوة القليبهن انتي شلونج وهلونه شلونها بوساتي للاميرة الصغيرة فدوة

فوفايتي شلونج حياتوووو يله ان شاء الله خير مظل بس عشرة ايام ان شاء الله ونخلص من هالقلق اليوم اليوم حبيبي اجه وسوينه وكاحة وهسه دا احس بطني من جوه راح اطك كلش متقلصه ومشدودة اشو كلش خفت بس الحمد لله لسه منزل شي والله اليستر