تجمع الكروشات اللي ولادتهن في رمضان 1433ه

[(( أم يارا ))]

هلا الرشا تمام بخير اخبارك انتي ..؟
نسومه روحي مستوصف خاص وكملي الين السادس وارجعي للاول .. نظامهم غريب شنو مافيه كشف احسلك طنشي وروحي مستشفى اهلي ..

[ام حماده1]

بااااك ررحت بحثت في قوقل لقيت ان الحامل اذا شافت انها حائض ستنجب ذكر والله اعلم
ام عبدالرحمن بنت ولد اهم شي واحد يقول وااااء واااء ويكبر شوي يقول تاتتا تا وبعدين يقول هتيا هتييا
ااااااه ياذكريات الله يعوضني خير لحظه دمعتي نزلت ...

نسومه الله يعينك والله قهر انا رحت العسكري الصباح قالت لي لا تعالي العصر عشان نسوي لك تحاليل قلت لها انا جايه من بعيد ما اقدر ارجع العصر قالت لي مشكلتك وتنافخ اخذت الورقه حق التحاليل وعفستها ورميتها على المكتب بققت عيونها قلت لها اسس ولا كلمه تعزني فلوسي وخبطة الباب وانا طالعه والله من جد

رشو اخبارك ياعسل

[ام حماده1]

ههههههههههههه بنات بعد ما كتبت الرد جلست امسح دموعي الا احس هذيك الرفسه
اتخيله يقول يعني ماني مالي عينك خلاص عاااد اقرفتينا بنات من بدت تحس برفسه لو على خفيف

[(( أم يارا ))]

ام حماده انتي تقصدين العسكري حق الرياض ..؟
انا زوجي يتبع مستشفى قوى الامن رحت لهم قبل لا احمل لانه كنت تاركه حبوب منع الحمل وجتني الام ومدري شنو طلع ارتفاع هرمون الحليب وتخيلي 3 شهور يحولوني بين طبيب العام الى دكتورة نساء وتقولي هرمون الحليب موتخصصي ورجعتني ع العام ورحت لهم قالوا الهرمون نزل شوي روحي للباطنيه يعطيك حبوب بعد شهر جاء موعدي وسحبت قلت اشوف بتجي الدوره هالشهر والا والحمد الله ماجت وطلعت حامل وحلفت ما اروح لهم اول واخر مره ادخله وقريت في سبق وحده ماتت عندهم وهي تسوي قيصري وقلت توبه حكومي .. وزوجي يقولي زوجة صديقي ولدة فيه ويمدحونه ضحكت قلت اكيد بتمدحه ابوها ماشاء الله برفوسور اكيد بيعتنون فيها والا لو زوجها اللي جايبها والله ليعذبوها زوجها كان في القطيف وقلت شفت واسطه بس يهتمون فيهم ..

[(( أم يارا ))]

بنااات ابي اقدم شكوى في النتدى صح اروح لقسم الشكاوي ..
تخيلوا جتني رساله ع الخاص من واحد نكه انسان ثاني مو ع اساس المنتدى نسائي
كاتب هو وجهه
سيدتي



كيف حالك ان شفت ردودك على المواظيع بصراحه كنتي عسل والله

اتمنى وكلي امل ان تقبلي دعوتي منتدى حلم الخليج

الرابط

انا صاحب الموقع وكلي امل ان تقبلي دعوتي

ولو اعتزتي اي خدمه تحت امرك ياعسل

احترامي لكي ولكي مني عطر المساء

طبعا مارديت ع رسالته وانا اصلا نادرا ما ارد ع المواضيع جعله الدود لاتفتحون الرابط اذا جاء يمكن يكون هكر
برب بروح اشتكي عليه

[نور العيوووووون]

ههههههههههه من جد ضحكتيني يام عبدالرحمن بس بقولك الله الله بميري ترى ماحد حاس فيك كثرها واحرصي عليها ترى ماعاد فيه شغالات زىي كذا سردون صدا صوتك
وانتي يانسومه لي لي دلع والله هههههههههه
ام حماده الله يرزقك الولد الصالح البار وتشوفينه وعيال عياله بعد
وانا السوم رفضو تقريري مدينة الملك فهد الطبيه حتى الامر من مكتب الامير سلمان قد رفضوه لي يعني ووووين اروح ابي مستشفى ثقه مقارب للحكومي من جهة بنك الدم والاشياء الضروريه ولا الحكومي خررررطي يايجيك زين ونصفه بنغاليه وسرلنكيه اذكر بولدي قبل مدحوو لي الشميسي دكتور ورحت له قسم بالله حسيت اني بالهند وقت المراجعه الدكتور ممممتاز وبواسطه بعد دخلت عليه وراجعت بي يوم جيت الاناظار وقعدت حسيت اني شاذه اجل حاطين شاشة عرض الرضاعه الطبيعيه والي فيه هندي تلوووووع الكبد صدرها متهدل ومتشققق شيء يكرهك الرضاعه الطبيعيه زيارتين وقلت رجلي ااااااسفه بولد بالبيت ولا احس اني بالهند وعقب تركتهم ويسر الله امري ودخلت امي على الاداره بمدينة الملك فهد وسلمت كل التقارير عيني عينك وقالت من حقها تتابع وتولد هنا مشاكل ووفيات اجنه و و و وكلها كانت عندكم وبعد نقاشات على طووول رفعو ملفي للاسشاريه ساره المرشد وتولت حالتي ووقت الولاده شيكت لين طلعت من المستشقى واببحين محتااااره الله ييسر امري وامركم ويسهلها ويفتح الفرج علينا

[ام حماده1]

انا توبت الحكومي الخاص معامله خمس نجوم مو مشكله الفلوس احن على نفسي عشان بولد في خاص
لا يا ام يارا مو الرياض
تسلمين يارشو اه متى يجي هاليوم انا حاسه اول ما اشوف النونو راح ابكي لين افقد الوعي فديت رفساته انا ودي اكل رجوله الصعنونه<< ياساتر
اليوم الغدا بطاطس مسلوق وحمر مفلفل ياسلام بنات تفضلو حلفت الا ...

[نسمة دفا]

أنا فتحت ملف في مستوصف خاص

بس بما أنني حأولد في مستشفى عام فقلت لازم أتابع فيه ..حتى مايسون لي مصيبة ..عند الولادة..بأنني ما أراجع عندهم ومايعرفون حالتي

وهو قريب على بيتي مشي ربع ساعة بس

فقلت الأيام اللي ما ألاقي أحد يوديني أروح المستشفى وأتطمن..بس اليوم اضطريت أروح من 8 لوجع رجولي

.................................

أم حمادة ربي يعوضك خير ويعطيكي اللي نفسك فيه

أنا من كم يوم كثرت قهوة..وفي الليل حسيت برفسة قوية..(كأن البيبي يقول ليش تشربي قهوة؟؟)

................................

أم يارا أنا ولدي عبدالهادي أحيانا نناديه عبودي وأحيانا هادي

والعائلة من يوم ماسميته عجبهم وسموا بإسمه

................................

رشا...تدرين للآن مقهورة من الموقف

يعني ولا وحدة كلفت خاطرها من الثلاثة انها تكشف..

قرار ونظام ضد الإنسانية

[نسمة دفا]

أم حمادة بالعافية..شبعااااااااانة الحمدلله..ولا كان لطشت الصحن منك وخلصته لك

سلقت دجاج..وقطعت عليه مكعبات بطاطس وأكلته بس..نفسي بشي خفيف

والباقي حمرته في الفرن مع طماطم ( لزوجي وعيالي.).مع رز أبيض

........................

أم عبدالرحمن ربي يرزقك بالطفل اللي تتمنيه ويكون سليم معافى

......................

أحس أني ميتة من النعس..بس لازم أقاوم..أخلص دراسة أولادي وانام معاهم بدري

..............ز

[ام حماده1]

نسومه الله يهديك اي انسانيه هنا في فيتامين واو تمشي حااالك ماعندك تمشي عليك جميع القوانين والوائح
مشي حالك بس حتى الجامعات والقبول صار يبي له واسطه