دردشة بنات ليبيا , دردشة حوامل ليبيا , تجمع بنات ليبيا

[جوهرة ليبيا]

هو فعلا غالي لكن هادي الاسعار كان تبي حاجة فخمة وانا انفضل انفصل فصاله علي ذوقي صح غالي لكن في النهاية ماحد يضحك عليا في السعر اللي نتعامل معاها الحمد لله بنية ملتزمة وتاخد حق البضاعة وتعبها بس

[جوهرة ليبيا]

بما اني انخمم هلبة في الطلعة لقلة طلوعي اليوم هدرزت علي صحباتي عرسهم بعد اممممممم17 اليوم وعزموني عالسهرية العائلة وحلفولي عليها ووحدة منهم بيجيبولها كسوة
صحباتي هادهم وفي نفس الوقت جيران حوش بوي وقرينا مع بعض وحتي الجامع لاخر لحظه انا معاهم ختموا ماشاء الله الزوز ووحدة حتي بدت اتقري في نفس المدرسة القرانية اللي قرينا فيها مع بعض وفي نفس الوقت خواتي اللي ماجابتهم امي انعزهم هلبة بنيات محترمات وامهم عسل زي صاحبتنا حتي هيا وكلمتني حتي امهم اتحلف فيا انجيهم هاليومين ننصحهم ونعطيهم من خبراتي هههههه

المهم قلت بنلبس هندي يوم السهرية والحفلة هي في صالة عمهم بيديروة وجابولها مهندس ديكور لانها فاااااضية وبيديروا الحفلة فيها
بنلبس قفطاني اللي انعدل فية حاليا وبس واتفقت مع مزينتي حجزتها يومين عرس ولد عمة ويومين عرس صاحباتي قالتلي زحمة لكن بتحاول اتجيني وخلاص

وكل شئ بتسخير من ربي

[أم أجنادين 80]

موقف صار اعطنوا رايكم
صاحبتي بعثتلي الرسالة هذه

صاحبتي :::فاضية
اديرلي بروجكتر
ولالا
تعرفي دارتهولي بنية صاحبت اختي
60 عرقله صارت فيه فالاخير كل ماتبي تركب الاغنيه عالصورة بنطفى الجهاز
الووو
الوووووو

سامحيني فتحت ومشيت للمطبخ

لا عادي قولت اكيد مش فاضية

عندك فكرة معينة للبروجكتر

عندي شوية اغاني نبيهم بس
راسي ملخبط
ودمي محروق بس
ماعندي خلوق قريب نبطل منه لو مش فاشية عادي

انا معنديش اي فكرة لو عجبك متاع حفلتي انديرلك زيه

توا نشوف
اني طالعه تو للزاوية



انا عادي انديره ليك
بس نخاف مايعجبك لاني نعرف نخدمه بس الافكار مفيش الا ذا عندك حاجة شايفتها وتبي زيها انحاول اندير زيها
ولو اقيت فكرة مش راح انقصر
عالعموم اشرحيلي كيف تبيه
امتة بتجيبيلي الصور
معادش فيه وقت

وهذه اخر رسالة انا كنت مسكرة ماشفتها

لو فاضية مش فاضيى عادي
نشوف محل
كان هدا عادي نجيك او نبعتهملك عالنت
مرات نجيك خير وعلي راحتك
حتي اليوم لو فاضية نجيك لاني معش بنفضي

هيا تبيني انديرلها بروجكتر حفلتها
واخر رسالة الباين بعثتها وانا مسكرة فبعثت رسالة عالمبايل قالت لو فاضية انجيك في الحوش اليوم
وطبعا هدا كان 3 ونص راقدة بعد العصر بعثتلها
بان خدمة الصور ماتكملش في يوم وراح نفتح النت وندورلها افكار وبعدين نبعثلها التفاصيل علي الفيس
جيت بنفتح النت القيت راجلي رافعه معاه
قعدت اندور في اطارات للصور من جهازي ونجمع في افكار قديمة عندي
وبعدها رسلتها رسالة طلبت منها ترسل الصور عبر الايميل مع العلم اني هكي خطر عليا بدون مانشوف اخر رسالة عالفيس
يلي قالت نبعثهم حتي النت
علي طول ردت عليا انها حصلت من يديرهم في مصور


هل انا حسستها اني منبيش انديرهم بتصرفي هدا يلي خفت منه شن رايكم
او هل هليا كانت مدايره اني حل اخير
لاني تفاجأت بقصة المحل الا لما طلبت ارسال الصور بالنت

اللون الوردي صاحبتي
والأسود ردي عليها

[جوهرة ليبيا]

اثري وينك يعني يعني خشيت بكري وطلعت هههههه بصارة

[أم أجنادين 80]

والله انا انحس بالذنب مش عارفة ليش
هل انا قصرت في ردي

[جوهرة ليبيا]

بصراحة انا انحب انكون مسؤوله علي نفسي وحوشي وكل من قريب علي قلبي فقطططططط

فالخيرة فيما اختاره الله
ممكن بحسن نيتك ربي عفاك من المسؤولية والحرام بحكم الاغاني والصور
ولو هي فعلا صاحبتك حق وتعتبر فيك زي وخيتها مش حتحرج لانك اصلا مادرتي شئ يدل علي رفضك او عدم رغبتك في مساعدتها

والله اعلم

[أم أجنادين 80]

ماركزتش جيجي عليه هلبة القفطان
صح الباين شفاف بس تقدري تلبس شي زي البيج او يخيطله طرف داخلي يستر

[أم أجنادين 80]

صح حتي قصة الحرام هدا شي فكرت فيه
والمسؤولية بس انا منبيش رايكم في النقاط هذه
مع العلم اني مكنتش نقدر نستقبلها اليوم زوجي قاعد وقلتله وقالي خليها يوم ثاني

[جوهرة ليبيا]

ان عجبني فخم شوي وناعم انفكر اخيط زية مع التعديلات في ولادة خواتي ان شاء الله

[جوهرة ليبيا]

حتي من النواحي التانية قلتلك انتي مادرتيش شئ يخليها تحرج وماتبرريش ليها الموقف خليك واثقة وعادي
اساليها طلعلك البروجكتر حلوو وباهي حصلتي وحدة كويسة وكيف افكارها ومن هالكلام