دردشة حوامل أهل القصيم - دردشة بنات القصيم - تجمع حوامل القصيم

Alih · 04-13-2012, 05:47 PM

اقتباس:

المشاركة الأصلية كتبت بواسطة بنت النووور

ابشركم اني ولدت لكن انا عندي اكتىااااااب مو طبيعي بالذات اني ولدوني غصب واعطوني 3طلق وبعدين سوو لي عمليه وكانت كليتي توجعني شفت الموووت لكن الحمدلله ع كل حال

لكن سوووال يبنات انا مررره جسمي تعبان والوان ومسمره بقوه فشفت اعلانات عن الطب الشامل عندهم عنايه شامله لما بعد الولاده ومادري اذا حلو او مثل غيرهم بس يحبون ياخذون فلوس
وادا مجربين انتم شي انصحوووني ودي اطلع حلوه بعد الاربعين

الف الف مليون مبروك والحمدلله علئ سلامتك
اما كابه النفاس كثري من فتح سورة البقرة عند النوم وحاولي تطلعين تغيرين جو شوي اذا تعديتي 20
اما بالنسية للاهتمام مانصحك فية والله بياكلون فلوسك علئ قلة سنع
انتي تدهني كل يوم مثلا الجسم ( علبة جليسوليد وسط فنجال زيت اللوز وعصير ليمونتين و2 قرص فوار فيتامين سي )
الوجة والمنطقة الحساسة ( دوف الوردي مع دريمو فيت الوردي )
الشعر اي زيت تفضلينوة انا استخدم تونيك فازلين
اذا خلصتي الاربعين
روحي جوثن وسوي حمام جسم الي ب500 افضل شي وشيلي الجسم كامل وسوي بدي كير وتصيرين احلا عروس

Alih · 04-13-2012, 05:50 PM

اقتباس:

المشاركة الأصلية كتبت بواسطة بنت عز

السسسلام عليكم يسعد مساااكم بخيرر .. ابشركم بنات ولدت ولدولله الحمد طبيعي لكن بعد ماعديت 13 يوم ع موعد ولاادتي ترقدت وولدت من بكرى وكانت ولادهـ جدآ متعسره لكن يارب لك الحمد على الفرج وشوفة الضنى سليييم الف الحمد الله

والتفاااصيل بعدين لمااا اخف دعووواتكم

ولدت بتاريخ 14/5 يوم الجمعه ص

الف الف مليون مبروك والله فرحت لك من كل قلبي الحمدلله
ان شاء الله زيادة اجر باذن الله
انا اتعسر 3 ايام بس الحمدلله علئ كل حال
لان مايستجيب الرحم عندي قساوة عنق الرحم
الله ياجرنا يارب ويرزقنا برهم

Alih · 04-13-2012, 05:55 PM

اقتباس:

المشاركة الأصلية كتبت بواسطة a_a

صبـــاح الــ 💐 حلوااااات ..

حبيت أسألكم .. أيش أفضل للولادة إبرة الظهر ولا البنج المـــوضعي الله يخليكم ابغى الردود عن تجااارب .. لأني بصراحة مرة محتارة وخايفة بنفس الوقت..

ابره الظهر من بداية الطلق عند انفتاح 3 سانتي يعطونك اياة وماتحسي بالطلوق القوية ولا طلعة الراس ولا قص العجان ولا الخياطة
اما الموضعي مايعطونك اياة لا عند الخياطة فقط
استخيري وادعي ربك والله يسهلها عليك

Alih · 04-13-2012, 06:02 PM

اقتباس:

المشاركة الأصلية كتبت بواسطة دانه بريده

السلام عليكم
أخباركم؟
أنابكريه اول حمل لي
ابي افضل دكتوره ببريده لمتابعه الحمل؟
وأبي حساب موعد ولادتي
اخردوره22/2/1433
تكفون فيدوني
أنا اراجع عندي احلام اللي بمستوصف رشيد
هل هي زينه ولا؟

احلام مرة ممتازة بس شينتها الزحمة الزايدة عندك عيادة المستقبل فية حنان حلوة والسعودي فية عصمت
وانا افضل تابعين عند المستشفئ الي بتولدين فية مثلا الفريح الدكتورة نوال الشامي الحبيب سجيلا الوفاء علا

موعد ولادتك المتوقع باذن الله 6 / 12 / 1433
يعني الحين لك 12 اسبوع و3 ايام
الله يمم لك بخير

Alih · 04-13-2012, 06:07 PM

اقتباس:

المشاركة الأصلية كتبت بواسطة رييف

يسعد مساااكم بنات ديرتي اخباركم
اتسللت لتجمعكم لاني ابي مساعدتكم
انا حامل بالشهر الخامس ولله الحمد والله يتمم حملي ويسهل ولادتي لاني مريت بفترة وحااام دوبني خفيت منهااا
الزبده >>>
انا عايشه بالجبيل الصناعيه واهلي ببريده وناويه اولد اهناااك اذا ربي ارد
بس خايفه من تعرفلي مستشفى خاااص اولد فيه كان نفسي بالحبيب بس لقيت الاطراء عنوه بالنت مو ذاك الزود
والوفااء بوه ناس تمدحه ووناس تذموه
ابي مستشفى مضمون ودكتوره ممتازه
انا ولله الحمد عندي تأمين طبي شامل
همتكم يابنوتااات والله يعطيكم العافيه

رييف

ياقلبي انا توني والدة بالحبيب عند الدكتورة سجيلا مرة روعة بس علشان يهتمون بك اكثر لازم تروحين لدركتورة قبل ماتولدين لو زيارة وحدة علشان تقدرين تخصصينها اذا جتك الولادة ماتولدك دكتورة الطوارئ
الي يسبونهم الي يروحون عن طريق الطوارئ
لو شين كان مستشفئ الولادة الاطفال مايحولون له الحالات الصعبة الحين خلاص قررار رسمي اذا تعبت الحالة يحولون لمستشفئ الحبيب علئ حساب الدولة
الله يعينك واستخيري

دانه بريده · 04-13-2012, 06:08 PM

عليا- تسلميييييييييييييين يارب مااقصرتي الله يجزاك خير
انا بولد ان شاء الله بالشرقيه علشان كذا ابي بس متاابعه
ع العمووووم مااقصرتي

Alih · 04-13-2012, 06:10 PM

حياك الله يازوجة ناصر الله يتمم لك بخير وان شاء الله تستفيدين

بنت النووور · 04-13-2012, 06:57 PM

عليا حابه اسالك الحمام اللي تقولين 500 حلو او يعني وبعدين وش فرقه عن حمام السونا وانا سمعت انه حمام ملكي عند انفنتي يمدحونه
وجوثن وين فيه انا مابي اروح وماستفيد تخيلي قبل زواجي رحت لعياده ودفعت اكثر4000والله الفرق بسييييط وماراح اللي فيني

اموووره · 04-14-2012, 01:02 AM

ياليت تعطوننا معلومات اكثر عن حمام السونا في جوثن له يفرق او خساره فلوس

Alih · 04-14-2012, 01:35 AM

دانة بريدة هاذا حق واجب والله يسهل حملك وولادتك ويسرلك الدكتورة الزينة
بنت النور و امورة جوثن عندهم نوعين حمام مغربي واحد250 حلو بس مو مثل 500 رووووووعة وراح تحسين بالفرق خاصة اذا كنتي توك شايلة يكون المسام متفتح وانا اتدهن قبل بس يوم سويت احس مرررررررة فرق وباذن الله بستمر اسوية عندهم
الوصف( عند دوار الموفنبيك تلاقين باتشي ودايت سنتر وكودو هو بوابتة جنب باب كودو وترا فيها نادي وكل شي حلو بالمرة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل القصيم - دردشة بنات القصيم - تجمع حوامل القصيم	منو عبادي	إستفسارات حوامل من الشهر السابع إلى الشهر التاسع	2443	01-02-2012 06:43 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM