دردشة حوامل أهل القصيم - دردشة بنات القصيم - تجمع حوامل القصيم

[بطة بيضاء]

المشاركة الأصلية كتبت بواسطة ام احلى اثنين

محمود سوداني طبعا مراجعاته فقط للباطنيه يعني اللي عندهم مشاكل بالحمل سكر غدة وهلم جرا

احمد حلو ويسمعلك بكل شي بس كنت مسقطه قبل واقوله ابي مثبت وكذا

وكان يرفض ويقولي تسقيطك قبل من حينه تعبان النونو لانه كان ينزل من بني من اول الحمل

لكن حملي اللي بعد التسقييط لا الحمد الله وكان يقولي سافري وسوي كل شي

انتي طيبه وبذيك الايام كنت انقهر منه اقول مو هامته انا وبعدين اللحين اقول لا ماشاء الله عليه

عارف ان حملي هالمره يختلف عن حملي اللي قبل وماعرضني لمثبتات وحوووسه

والحمد الله يارب

وبحملي الثاني ليلى عامر حلووه مره بس عيبها السرعة سريعه بكل شي بس حريصه على الواحد

كان عندي سكر كانت حريصه مره علي من ناحيته وودها تولدني من دخلت التاسع خايفه على النونو بس كان وزن النونو صغييير يالله صار كيلويين بالاسبوع 38
وجتني التهابات شديده من اول حملي ماخليت دكتورة ببريدة مارحت لها
لين دخلت عليها وماشاء الله وعطتني علاجات صح ماشفت الالتهاب من بعده

لدرجة كراتين العلاجات لما اللحين عندي حافظتهم لو جاني مره ثانيه او جاء احد اعرفه اعطيهم اسمائهم
واللحين اذا ترتب سكري بحول لها لان دكتوري ذا ماعنده سونار ولا شي

اها مشكوووووووووووووره ع الرد

طيب بسهولة اقدر احول د\ ليلى سمعت بواسطات وتجين من الصبح عادي تطلعين 2 ظهر

[ام احلى اثنين]

لا اعتقد من دون واسطه

حتى حق العيادات هو نفسه خيرني اي دكتورة ابغى قلت له وش رايك

قال خليك عند ليلى عامر

لا ماعمري تاخرت اكثر من ساعتييين

شوفي انا اذا موعدي مثلا 11 اجي على دوام زوجي 8 والحمد الله ادخل من دوت تأخييير

[ام احلى اثنين]

وينكم بنااااات

رحت الفيحاء اللي بشارع الثلاثين اسوي سونار قبل امس

وحلو الشاشة قدامك شاشة بلازما تشوفين النونو وسمعتني النبض

وقالت لي عمر الجنين ثمان اسابيع وكم يووم

وانا مبسوطه احسبي اليوم دخلت العاشر خخخخ

بس حسييت انها طماعه انا ابي بس سونار قالت لازم كشف

بعدين كل شوي تقول بكشف عليك اكيد عندك التهابات قلت لها انا بس جايه اسوي سونار

انا عندي ملف بالولادة

ونشبت لي كل شوي تقول بسويلك شي الين هجييت منها ماصدقت خخخخخخخ

لانه كنت اسوييه بالفيحاء اللي بشارع الستين بس سونار من دون كشف ولا شي ومهنا حلوها

بس ماحصلتها يوم اروح قالوا اجازة تجي بعد يومين

[بطة بيضاء]

ام احلى....مبروك الله يتمم

اما الاستغلال كثري منه بس ماشفت زي د\حنان اللي تبينه تسوية لج

[بطة بيضاء]

ع فكرة من الدكتورى داليا؟؟؟؟؟؟؟؟

[شازل]

أهلين حوامل ... الله يثبت حملكم وييسر أمركم ...
عندي استفسار عن مستوصفات بريدة أيهم أفضل وأي طبيبة أحسن فيهم...
1 - مستوصف شفاء بريدة ....
2 - عيادات الشامل الطبية ...
3 - مركز الفيحاء الطبي ...
4 - مجمع عيادات عناية المستقبل ...
أنا تبع التأمين ولازم قبل الولادة أخذ ورقة من أحد هالمستوصفات ، بحالتي التي تستوجب المستشفى - ولادة - وبما أني هالحين مانب ببريدة علشان سذا اسألكم ... فيا ليت تجاوبوني ... علشان إذا جيت بريدة على طول اروح لم الدكتورة وتكتب لي تقرير بحالتي ... هاه لا تنسون إختاري الاجابة الصحيحة مع تصحيح الخطأ ... تذكرت أيام الدراسة ؟؟؟

[ام احلى اثنين]

الفيحاء الطبي طبعا اللي بشارع الستين حلوة وتجربتي قبل 3 سنوات بس مدري هل فيه اللحين اولا

بس خليك على عناية المستقبل عند دكتورة حنان ماشاء الله الكل يمدحها

سواء معرفة او قرابة

[بطة بيضاء]

شازل
عند د\احلام
د\محاسن
د\حنان
كلهم ممتازين

[شازل]

أم أحلى + بطة ... الله يسعد أيامكم ولياليكم ...
مشكوووووووووووورة يا بريداويات عسى الله لا يحرمنا من كرمكم ...

ممكن سؤال ... يقالك مستحية ...
مين جربت إبرة الرئة ؟؟؟ شو الاعراض الجانبية له ؟؟؟ وكم سعرها ؟؟؟

[ام احلى اثنين]

شازل سلامات وراه راح تاخذينها

اعتقد مالها اي اعراض لانه ماعمري سمعت احد يتكلم عن اي عرض لها

لانه بس يقولون اخذتها ومايتكلمون عنها

ولو لها اعراض او الم او اي شي تعرفين الحريم كل شي يتكلمون فيه كان تكلموا عنهاااا