دردشة وتجمع الحوامل السهرانين❀๏̯͡๏ 【ツ

[•.ღ˚نور˚ღ.*•]

الحين بخليكم تضحكون شوي وبطلع بريك صلاة :)
ولو يوم غبت وفقدتوني تذكروا ماخطته ايدي لكم,, احبكم في الله

قومو صلوا خخخخخخ

كان فيه شاب وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير
المهم امه العجوز شبت عليه وقالتله ياوليدي ليش ماتعرس
وودي تزووج علشان اشوف عيالك قبل مااموت
وهو يقول بسم الله عليك عقب عمرن طوييل
المهم الححت عليه وهو وافق

--------

وخطبت له امه البنيه اللي كلها حلا بسم الله عليها منالحسد

الولد عقب العرس ..ماينلام استانس بحريمته وتوافق هو وياااها الحمدلله
كل يحب الثاني ويوده

--------

لكن المشكله عاد ب( المامي) تضايقت شوي من الوضع وانقهرت --- و هذي فطره عند اغلب الحريم خاصة مع عيالهم

--------

بدت إذا جاء الولد عقب الظهر داايخ

من الشغل وده يتغدا ويناام قبل يأذن العصر.

أول مايصك باب الغرفه هو وزوجته إلاّ والوالده ربدت عليهم الباااب ( تنكيد يعني)

قوموا صللوا يالله

وان كان هو ماأذن تطق وتقول قوموا توضوا قبل الاذاان..
ومقابلة باب الغرفه وتنهبل لو أنصك عليهم

والولد ماغير ( يقول إنا لله وانا اليه راجعوون ) وش جاه أمي

وتطوور الوضع بدت العجوز إذا ناموا بالليل واوّل مايتواسوون تطق الباب قوموا صلّوا صلاة الليل... قوموا أوتروا.. قومو قومو..

وماهي عاتقتهم لا بالليل ولا بالنهار

--------

المهم الولد تضايق بالحيل تنكّدت عيشته مايدري وش يسوي الوالده صارت قشرا ماتعبّرهم داخليين بالغرفه تنهبل على طول...
ومرّه الولد كان عند رفيقه ابوصالح (معرووف بالعياااره )كان يتقهوى ومع السواليف قص عليه سّالفته مع أمه وشكى له حاله

قال ابوصالح انا اعرف علاج امّك زيين بس تطاوعن؟؟
قال الولد تكفى اللي تبي
بس فكّنا ياشيخ

قال : نبي نسوّي خطّه انا وانت بس لازم تطبقها تمام والا ترى امك بتخرب عليك
قال الولد .. تكفى قللي.. المهم قاله الطريقه واتفقوا عقب العصر

جاء ابوصالح لبيت الولد وطق عليه الباب
طلع الولد قال
ياهلاااااا ابو صالح يالله حيه
ادخل تقهو
قال ابوصالح
لاوالله أنا مستعجل بس جيت ابي منك طلب وابمشي
(طبعا رافعيين اصوااتهم علشان تسمع العجوز- وهي ماقصّرت بالتسنط
قال الولد ادخل يارجال واطلب الّي تبي

قال ابوصالح .. الّي ابي؟؟
ماتردّن
قال الولد : والله ماأردّك لو تبي كل بيتي ومابه .. إلاّ شي واحد ماأعطيكياااه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمحلي ماأقدر كل شي إلاّ هذي ..
قال ابوصالح ليش؟؟

قال الولد : الله يعظّم أجره أميمتي
تقوّمنا لصلات العصر قبل ما يأذّن وتقومنا بالليل . وتقومنا نووتر قبل الفجر . وتقومنا للفجر حريصتن علينا
والله ما أقبل ابد الله يخلّيها لنا ان شاء الله

--------

قال ابوصالح : والله الصّراحه أنا جااين أخطب الوالده
قاال الولد لااااا ياخووي
مع السلامه . والوالده مهيب معرسه

( كل هالكلااااام وامه تسمع!! ومنهبله)

راح ابوصالح والولد صك الباب
دخل الولد والى الوالده بوجهه قالت منهو ذااا؟؟
وش يبي؟؟؟
قال ياميمتي هذا خبل وطلب منّي طلب وطردته ( مابقا إلاّ هي بعد)
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامااات؟؟
ماقوّمتينا للصلات الفجر ولا العصر
عسى مااااشر ؟؟

قاالت الأم: قوموا أنتم..... عسااكم ما صليتوا خلاااص انا منب دايمتن لكم

زعلت

وصارت ماتطق الباب عليهم وافتكّو من شرّها

وهي على رجا خطبة ابوصالح

خخخخخخخخخخخخخخخخخخخخ

[احبـــــــــــــــك ولكن.]

يسلمو نور ع الكتابات الرائعه
اخبارك يالرشيقه ان شاء الله تمام\ايوا انا قبلكم انا الاوله وتوقيعي متاخر يوم وااااااااي الله يجيب هذاك اليوم على خير اللي اشوف فيه بنوتي
اخبارك نبض ان شاء الله تمام

[احبـــــــــــــــك ولكن.]

اوكيه نلتقي بعد الصلاه
برب

[•.ღ˚نور˚ღ.*•]

حبيبتي الكرشة احبــك انتي اروع
ويلا ربي يقومك بالسلامة وتشوفي احلى عروس ,, الا ايش حتسموها؟؟
وانا والله نفسيا متأزمة ابي هلي :( ماعاد ابي زوجي هو عنده اهله وانا لا
واهله مو من النوع المو اجتماعي كلن نفسي نفسي حتى ماعندهم عيد:( وانا تعودت ع اهلي ولمتهم وخرجاتنا سوا والله احس بعد الولادة راح تجيني كآبة قاتلة,, راح اراجع بعيادة نفسية
معنوياَ ونفسياَ احس اني مستنزفة ولا احب اشكي لهلي ماابي اشيلهم همي وانا بعيد عنهم..

[احبـــــــــــــــك ولكن.]

نور خليها على ربك انتي نفسي حالتي تقريبا بس وش اللي يختلف انا لما كنت عند اهلي كنا اجتماعيين حيل بس من تزوجت وانا احس اني انعزلت عن العالم لان زوجي اهله مايطلعون وحتى في الاحساء ماعرف احد ابدا والله يعين
بنوتي ابوها يبي يسميها على امه <هياء<

[•.ღ˚نور˚ღ.*•]

ربك يعين,, راح اقول له اقل شي كل عيد اكون عند اهلي والله بعمري ماكنت كذا
بديت انغلق ع نفسي,, الحياة صارت بس بين حيطان الشقة والله استمرضت:( وهو ماعليه واجب رسمي كل يوم عند اهله
وهيونه ربي يخليها لك..

[احبـــــــــــــــك ولكن.]

مافي اليد حيله يانور غير الدعاء والله يفرجها من عنده <<غير كذا دوامه مرض ثلاثة ارباع اليوم وانا لحالي اوقات احس اني وحيده في الدنيا غير كذا صغيره بالعمر الله يعين بس
الله يسلمك يالغلا ..وانتي ايش راح تسمين البيبي

[•.ღ˚نور˚ღ.*•]

هو يبيه برضو (راشد)
انا نفس الشي دوامه شفتات ولا 9 ساعات

[احبـــــــــــــــك ولكن.]

اها راشد على اسم ابوه <<الله يخليه لك وتشوفين ذريته <<بس هاه اذا تبين بنتي ترى دفع المهر من اللحين <<خخخ
يالله وش هاتصادف وانا شفتات بس 8 ساعات وكل اسبوع له وقت ثاني

[لوووورا]

هههههههههههههههههههههههههههههههههههههههههههه حلو يانووور بصراحه ضحكتني فديتك ياحلوه