دردشة بنات العراق, دردشة حوامل العراق , تجمع بنات العراق

[White angel]

هلووو بنات
شلونكم
بعد ابد مااسال على اي وحده منكم لان الظاهر هيج الي يسأل عليكم دائما منسي ومنشمر ب قائمة المنسيين
يعني ب الجذب محد تسال ولا وحده كالت زينب ماكو شبيها مبيها
البارحه طول اليوم ب المستشفى ونزل مني نقطتين دم مره لخ
فحصوني ماكو شي الحمد الله
ولو يمكن هذا الشي ابد ميهمكم بس يعني احجي هيج
عسى ولعل ان وححده منكم تهتم

سلامي الكم كلكم

[توتايه]

زنيبه حياتي والله اني اصلا مدا افتح المنتدى بالسنه حسنه سلامات حياتي يارب شلونج هسه وشخبار النونو شنو سبب الدم اخاف التهابات عندج

[فوفو العراقية]

صباح الخيررر

خل اعلق على زينب لان من ضوجتي طلعللي 3 شعرات بيض بكل حته ههههههههههههه
ولج زينب انتي قريتي الصفحات الفاتت؟
اني رغم كلشي سألت عنج وبالي يمج وكلتلج لازم ترتاحين قدر الامكان
ولج مال يمي وكفشج والبنات ممقصرات
ولازم تعذرينه ترى ضروفنه صعبة ولا تنسين كلنة حوامل وكل وحده ملتهية بطفلها والنفاس
حمدي ربج بعدنة بالمنتدى هههههههههه
فديت قوليبج
لا تضوجين
والف الحمد لله على سلامتج
ولا تجهدين نفسج
هاي اني اوصيج لانج بفترة حمل متعبة وصعبة ويردلها عناية وشوفي اني اشكد تعبت من كثرة الحركة..
الله ينطيج الصحة والعافية وتممين كل فترة حملج بخير وامان وبعيد الشر عنج حبي.

ام ايهومي
يؤبر قلبي ايهوم
فديت السنون اني
ولج اخ منج متنزلين صورة
ترى نصللي عالنبي وعيونة مو حاره ههههههههههه
ولج نزلي صورة ونزلي صور ملابس العيد
فدوووووووووووووووة الويلاد الوكحين
عوفي يتوكح ويثبت رجولته
ويلا غاري منه وجيبيلنة بنوته قمر شبه الماما مالتهة
فديت الام وبنتها المستقبلية وابو الشباب ايهوووووووووووم
وان شاء الله اليوم اطلع غراض البيبي ونشدهم وصورهم ونزلهم لعيونكم
مو اني من اشوفهن يكوم قلبي يرفرف وريد اشوف ابن الغالي فديته هوة وابو..
ثمرة حبنه هذا عسى ربي يفرحنة بشوفته وسماع صوته كولي امين.

ام نورهان شخبارج ولج اشو ماكو وولا رديتي على سؤالاتي عابت اشكد عنصرية وياي هههههههههه
لج تعالي طمنيني عنج وعن عروسة ابني لا اكفشج ام كرش.


قموووووووووووووورة
حبيبت قلبي وصمصوم فؤادي شلونج
وشلون احوالج
فديت قلبج
ولج اني ويا ام نورهان ضبط لبط
دورتنه جانت نفس اليوم بس هية كالولها يومين سابقتني
اني يوم 19 بالشهر ادخل التاسع
ودعيلي ربي ييسرلي ودخل التاسع وعمل عمايل حتى اجيب وخلص من المخبل الي ببطني
عيني ايام ينام مثل الدب وايام يسودني
الليلة للاربعه منمت بسبب الرفس والبوكسات
وراسه بس يفر بي
شعر شعر ههههههههههههههه.

[احببت طفلي لأنه منك]

هلووووووووو
شلونهم البنات اليوم..؟ وشلون حملهم ونونو بتاعهم..؟
يارب تماااااااااااااام مشتاقتلكم ^^
زنوبة حبيبتي الف سلامة ع قلبج وقلب ابنج يارب ماتشوفين شر وتكومين بالسلامة انتي اي شهر..؟
سلامي للجميع

[مي &]

هلو بنات شلونكم مشتاااقتلكم

هوايه هوايه

[اسوره]

سلاااااااااااااامي لكل البنات وحده وحده وياااااارب الكل بخير

[ام نورهانه]

هلو حباااااااااااايب شلونكم اكيد معرفتوووووني ههههههههههههههههه لان سويت نيو لوك حفافه وكص وصبغ لعبت لعب اليوم عمتي جابت ام صالون للبيت واخذتنه بالسرة كص وحفافة وصبغ كلت علمود من يجي حبيبي يشوفني غيررررررررررررر
بس الكرش بعده ههههههههههههههه باجر يجي ان شاء الله وباجر اني الصبح اروح للكاظم ويه عمتي اكمل شغلاتي

لج فوفو قلب حياتي روحي انتي والكبد والمعاليك اني هاي سالفة التحجر اسكتي وخليها احس بطني راح تطك ومن تتحرك اختنك من الوجع والحركة اني هم قلانه بس من تتحرك تشكني شك واعتقد لان المكان صغر عليهم كلش كلش فدوة اروحلهم


نجوله حياتو وقلبي اي صور ملابس انوشه هسة انزلهم لان يكولون المسابقة الغت فراح انزلها الكم ولو بعد الاكسسوارات باجر اجيبهم ويايه مالتها بس هسة انزل صورها اذا لحكت لان وقت فطور بوساتي الايهومي حبيب قلبي الحلو فديته


توته وزنوبة والسويرات واسورة وهباوي وسجاوي ومياوي وكل الحبايب سلامي للجميع واخاف نسيت احد اعذروني الزهايمر مشتغل وكلكم بالقلب حبيباتي

[اسوره]

ام نورهانه حبيبتي بالعاااااااااااافيه يوم لألي واسوي حمله على نفسي بس اني مرتاحه لان زوجي يجي وره العيد وكلت قبل ميجي انظف نفسي من فوك ليجوه بس عفية كون هيج مثلج يجبولي وحده للبيت وتشتغلني

بس تره هو احلى شي الكرش واللي جوه الكرش ربي يخليلج اياه ويجي على خير

[فوفو العراقية]

هلووووووووووو ميوش عاش من شافج
شنو هالغيبةةةةةةةةةةةةةةةةةةةةةةةةةة
شلونج وشلونهة اللعابة؟


ام نورهان ترة الحال من بعضة هههههههههه.

اسورة هلو كبد بد
شلونج؟



بنـــــــــــــــــــــــات نزلو بسرعه للصفحة
صورت تجهيزات ابني
واخيرا ههههههههههههه,
شوفوهن وكولو رايكم
وذكروني لو ناسية فد شي ..

[فوفو العراقية]

بسم الله الرحمن الرحيم.

هذني تجهيزات البيبي مالتي
الحمد لله كلشي كمل بس نبهوني لو اكو شيئ ناقص.



اول شيئ العربانة
بعدني مفتحتهة وبالكارتون ..وهية نفس هاي العربانة بس لونهة يختلف
لونهة جوزي تقريبا وازرك ..




وهذي جنطة العربانة ونفس اللون تقريبا..



وهذا الدولاب ...هوة ابيض واني رسمت عليه رسومات اطفال هههههههههه استغليت موهبتي بالرسم وغيرت منة شوية.




وهذا سرير مؤقت يعني اخلي بالصاله ينام بي بالنهار لان لو خليته فوك ما اسمعه لو بجه..



وهذا السرير الجبير بغرفة النوم ... خليته مفتوح من جهة وحده ولزكته بالسرير مالتنه حتى بالليل ما اشيلة ورضعه
هوة وبمكانه ارضعه وطلع هههههههههه يعني اني افوت بسريرة وطلع هههههههههه.


يتبع..