تجمع حوامل ليبيا

[عيون زوجي]

انا قلت لامي ان الوجع يجي ويختفي فجاءة قالتلي ممكن شايفة حاجة وخاطري فيها
فكرت لقيت لا بس من مدة خاطري نفطر عالبحر واليوم مشيت فطرت في بحر تاجوراء صقع وريح لكن عادي
ياخوفي خاطري في حاجة في المانيا مافيهاش كيف بكل
نصحوني بالسردينه والرب جربيهم يا هاتو بالك انتي زيني خاطرك في حاجه
بنسالك نزل البيبي للحوض ولا لا قصدي تحسي في بطنك طاحت لوطة وما عادش مطنشة قدامك

[عيون زوجي]

امانه
امانه....امانه ...امانه
لكل من يقرا مشاركتي يدعيلي نجيب ويهونها ربي وتكون ولادتي اسهل ولادة توا او في العيد مانبيش نكمل شهري بالله عليكم
ويارب يهونها اعليا وعلى هاتو وكل مسلمة حامل يارب ويرزق كل محرومه يارب

[ღॐ آية ღॐ]

شكرا على ردك عيون زوجي
وان شاء الله تجيبي وتنوضي بسلامه
وتخشي اطمنينا عيك وعلى البيبي,
والله حسني بنديرها وخلاص يا بنات نسمي بسم الله وان شاء الله
ما فيها سو
والله خاطري فيها كحله
نخاف ما نديرهاش تتطلع في البيبي وحمه سودء كبيرة لا قدر الله

[hatoo]

ان شاء الله ياعيون والله حتي انا اليوم عمت راجلي قالتلي بلكي شايفه حاجه وخاطرك فيها قالتلي كولي تفاحه حمراء ومتخليش حد ياكلها معاك واشري حكه سردينه وكولي منها طرف وطرف بخريه والله اعلم قلت انا كان لعند تاني يوم العيد ماجبت نجربها ان شاء الله

[hatoo]

وبالنسبه للبيبي الدكتوره قالتلي ان راسها نزل للحوض من قبل

[ميرنا]

ربى يسهل عليكن يا عيون راجلها و هاتو ويخلص كربكن انشالله بخير وسلامة وتنوضن انتن واعيلتكن بصحة ممتازة ونزغرتو عليكن زغروته نين تسمعنها فى المستشفى ولكن انتن كثرن من الجماع والمشى ايقولو ايسهل الولادة وربى امعاكن

[ميرنا]

آية يا حبيبتى انتى تبى الحنة سودة ديرى( سكر وليمون وزيت) وبما انك حامل وحرارتك مرتفعة صدقينى توة تطلع كحلة زى ماتبى والمانيكة لو تحطيها على الحنة تطلع زى الخضراء ثانى يوم وانا ما ننصحكش بيها وانتى حامل واحذرى من السرتية فى الحنة وحاولى تعجنيها باحاجات طبيعية مثل كوب ليمون وشاى احمر وان شالله ربى يجبر خاطرك وتطلع زى ما تبى

[ميرنا]

هاتو وعيون راجالها خوذنا هذا البرنامج يساعد على الولادة المبكرة المشى كل يوم نصف ساعة على الكرنيش من ثانى يوم العيد انتى وزوجك ومعك ترمس شاهى وسندوتشات فى العشية لمدة اسبوع والحاجة التانية الجماع كل يوم ثلاث او الربع مرات ماتعقبنش فيهم جهد وشجعنهم قولولهم صابو امعانا هذا اسبوع وبعدها نعطوكم راحة لمدة اربعين يوم هههههههههههههه ايوه هذا اذا كان تبن اتجيبنا ايش رايك ياحبل الوصل فى هذا الكلام صح ولا ام صبيان وايه كلامى مزبوط

[ميرنا]

كل عام وانتم بخير يا احلى اخوات فى الدنيا

[hatoo]

وانتي بخير ياميرنا وان شاء الله حنجربه الوصفه وان شاء الله نولد ونتريح ادعولي ربي يسرلي