دردشة حوامل مصر - دردشة بنات مصر - تجمع حوامل مصر

MALAK2010 · 02-28-2011, 03:50 PM

ام اياد :ازيك يا جميل ربنا يقويكى انا مش بشتغل وحاسه ان كفايه اوى شغل البيت والحمل مابالك انتى كمان بتشتغلى

MALAK2010 · 02-28-2011, 03:51 PM

ام اياد سلامتك ربنا يشفيكى

أم إياد · 02-28-2011, 03:52 PM

ملوكة ازيك انتي فييين؟

توته حمد الله على سلامتك .. وازي نوران؟
اشمعنا الصور مش باينة عندي.. عايزة اشوف النونة.. هما الصور محطوطين فين؟

رنا أخبارك ايه وازي النونة ربنا يعينكم ع الصحيان طول الليل وعقبالنا .. الصور بتاعتك كمان مش ظاهرة عندي .. انتم حاطينها فين؟

رانيا انتي ولولو ماتقلقوش من النغزات دي.. على فكرة دي حاجات عادية وكويسة كمان على فكرة دي معناها ان رحمك فيه استجابة للولادة الطبيعي ..ودي تفاتيح عادية بتروح وتيجي في الفترة.. ماانا مجرباها قبل كده ربنا يتمم بخير المرة دي وعلينا اجمعين

MALAK2010 · 02-28-2011, 03:52 PM

اقتباس:

المشاركة الأصلية كتبت بواسطة rania negm

انا حاسة بحاجة غريبة اوى النهاردة

حاسة بنغزات قوية فى بطنى من فوق مكان راس البيبى كداااا

ربنا يستررررررررررررر

ربنا يطمنك يا جميل ولما تروحى للدكتورة ابقى طمنينا
وماتقلقيش احنا كلنا هنا قلقانين وموسوسين على طول انتى مش لوحدك

Rania Negm · 02-28-2011, 03:56 PM

ويلكموووووووز يا ملووكة

أم اياد شفاكى الله وعافاكى يارب ... انا كل واحدة هنا بتيجى تقول انها تعبانة بكتئبلها وبزعلها وبفضل مبوزة

ربنا يشفى الجميع ويخفف عنهم يارب ويسلمهم من كل أذى وضرر

بس موضوع الخلاف بينك وبين زوجك بالايام صعب اوووووووووووى

حاولى تبدأى انتى تحاولى تنهى معاه العادة دى... متسيبيش فرصة للشيطان ابن ال تييييييييييييت ينتصر عليكو . وتعالى على كرامتك واستشعرى قدرك عند ربنا وانتى بتتقربى من زوجك وتستسمحيه لأنك بترضى ربنا قبل ما ترضيه

انا عارفة ان احنا كرامتنا فوق مناخيرنا بس حاولى تدوسى عليها شوية والله يصلح ذات بينكم يارب

Rania Negm · 02-28-2011, 03:59 PM

ان شاء الله خير يا ملك .. بإذن الله

أم إياد · 02-28-2011, 03:59 PM

لولو اصل عدد انواع ادوية كتير
كبسولات للتقلصات
وكبسولات للحساسية عندي هرش كده بييجي في ايدي ورجلي بس ماكانش عندي الحمل اللي فات..
وكبسولات للصداع
ومراهم للبواسير
ونقط للامساك
وبرشام للظهر
وحقن لوجع العصب..
ده غير اني بآخد اصلا اسبرين وفوليك اسيد وب12

مش قادرة على كل الادوية دي ومعدتي اصلا بقالها كام يوم تاعباني من غير حاجة..
يلا ربنا هو الشافي .. استحمل وخلاص..

Rania Negm · 02-28-2011, 04:01 PM

اقتباس:

المشاركة الأصلية كتبت بواسطة أم إياد

لولو اصل عدد انواع ادوية كتير
كبسولات للتقلصات
وكبسولات للحساسية عندي هرش كده بييجي في ايدي ورجلي بس ماكانش عندي الحمل اللي فات..
وكبسولات للصداع
ومراهم للبواسير
ونقط للامساك
وبرشام للظهر
وحقن لوجع العصب..
ده غير اني بآخد اصلا اسبرين وفوليك اسيد وب12

مش قادرة على كل الادوية دي ومعدتي اصلا بقالها كام يوم تاعباني من غير حاجة..
يلا ربنا هو الشافي .. استحمل وخلاص..

كله يهون يا أم يوودا عشان خاطر تشووفى الفلائووتوس إن شاء الله

أم إياد · 02-28-2011, 04:02 PM

ملك .. ازيك ياحبيبتي..
اخبار الانفلونزا ايه دلوقتي..
والله على رأيك انا اصلا مش ملاحقة من دلوقتي.. امال بعد كده ..
وشايلة هم الولادة ومابعدها من دلوقتي مش عارفة هابقى اتصرف ازاي وهينفع آخد اجازة ولا لأ .. ربنا يسهل ويقدم اللي فيه الخير..
كل زمايلي ماحدش متجوز واللي متجوزة مقررة تاخر الحمل شوية.. كفاية اصلا شغلنا ودراستنا مشوار طويييييييييل

MALAK2010 · 02-28-2011, 04:03 PM

ام اياد بالنسبه للامساك كلى خس و اشربى سوايل كتير