ديوانية حوامل البحرين

[حنين للماضي]

ليش الليلة ما في أحد

[روح الفراشة]

سلااااام شخباركم اليوم
ان شاء الله أحسن من أمس..

أم حماني عسى هالغيبة خير؟؟

[حروف عاشقة]

سلااام كروشات

اي والله بدت فجتها من الحين الله يسهل عليج يا ام حماني إن شاء الله تدخلين وتبشرينا بولادتج..

فراشة وحنين

شخباركم وشخبار الحمال وياكم ، اما اني اليوم ما ادري ويش فيني عندي مغص في بطني وإسهال احس روحي متخربطة حدي ، والصبح نزل علي ماي دافي وقف بس خفت اروح المستشفى سألت امي تقول يصير جدي عادي يسمونها غطة ،، تقول تصير الوحده ادا سوت حركة غلط والله يستر ..

[أم حماني]

السلااااااااااام عليكم ... شخباركم حبيباااااااااااتي؟؟؟ انا اليوم رحت سويت فحص ضغط و زلال وكان اوك ... ورحت سويت تخطيط والحمدلله بعد كان اوك ... رجعت بيت ابوي انا و زوجي وقعد معاي للساعه وحدة وعقب ماراح رقدت لي ساعه ,,, والحين هذاني دخلت ...

[بنت الأياويد]

مسااااء الخير ، شخباركم ، انا خفت قلت ليكون ام حماني سوتها وولدت هههههههه لان يالسه اقرى السوالف فوق كله كاتبين انج مادشيتي

[دفا الاحساس]

هلا حوامل . .
شلونكم ؟؟

ابي اسالكم عن تصوير DVD ال 4d

اني الحين في الاسبوع ال 35
كنت ابي اسوي قبل , بس خفت ان ياثر على الجنين

لما شفت صورك بيبياتكم .. ما شاء الله عليهم يهبلون
صار خاطري واجد

اذا بروح اصور الحين بيطلع واضح ؟؟

ومن احسن دكتورة اروح لها .. وبجم ؟

[حنين للماضي]

السلام عليكم

أم حماني عبالنه ولدتي
يلا ان شاءالله تولدين طبيعي وترتاحين

هلا حبيبتي حروف
اني بخير
يمكن ماكله شيء من جذي صادش اسهال اني بعد قبل يومين كان معاي بس الحين الحمدلله
اكلي رمان كلش زين

اختي دفا الاحساس اتصلي عيادة اي دكتورة تبين تروحين وجوفي شنو تقول ليش
لأن اختي اذكر الدكتورة قالت لها لاجين من عقب السابع ماادرسي اي شهر لأن يكون حجم الطفل كبر وما راح يبين جنس الجنين
انتي جوفي بعد وتأكدي احسن

بنت الاياويد اش هالغبة

[بنت الأياويد]

هلا والله حنين شخبارج ههههههههههههه ، اي هالايام ماصرت ادش وايد ، اول ماقوم من النوم وايد يطلع من بلاعيمي دم بس مو الي غزير خيوط في احد صاده جذي؟
شخبار الشوربة؟

[بنت الأياويد]

ام حماني شكلها ولدت ههههههههه مالها بيانه، في احد طبخ اليوم نبي نشوف شنو سويتوا عن نفسي بطلع اتفطر برع مع زوجي لاعت جبدنا من الروتين

[أم حماني]

لا انا ليحين ماولدت .. بس ليعه جبدي كل يوم لازم اروح المركز وعقب اروح اسوي تخطيط ,, بس لعيون حماني كل شي يهون ... انا كلمتني حماتي وقالت لي اذا الدكتورة قالت بتولدج لاتقولين لا .. لانها بآخر ولادة لها رفضت كلام الدكاتره والبيبي طلع مريض تخيلوا سنتين ماطلعوه من المستشفى وآخر شي توفى ... لاحول ولا قوة الا بالله .. انا باجر موعدي مع الدكتورة واللي الله كاتبه بيصير .. انا صليت استخاره والله يكتب لي الصلاح ويحفظ حماني من كل شر ...

اختي دفا الاحساس .. انا سويته بالاسبوع ال 32 .. وبين جنس البيبي وااااااااااضح من قلب .. اصلا ماتأكدت انه ولد الا عقب ماسويت التصوير الرباعي .. بس اكيد بيكون اوضح بالسادس والسابع ... بس بالنسبه لي كان واضح وعلى انه راس الياهل كان تحت بس قدرت تصوره وصادت له لقطات وايد .. فديت روحه .. انا سويت عند فهيمه المطوع واختي حروف تقول راحت عند فوزية كمال وبعد حكيمه الهاشمي تسوي