دردشة حوامل أهل الرياض - دردشة بنات الرياض - تجمع حوامل الرياض

قرص رون · 04-10-2011, 01:55 AM

الله يسهل عليكم يارب ولادتكم

جنوني رآقي · 04-10-2011, 02:15 AM

صبآآح الخير ياحوامل كيفكم ؟
وكيف الرياض ياهو وحشني

شوق جدة · 04-10-2011, 05:36 PM

كيفكم كروشات ؟؟؟؟؟؟؟؟؟؟
وكيف البطات والدباديب؟؟والله وحشتوووووووووووووووووووووووووني............
كروشات أبشركم ولدت بالشهرالسابع وجبت البطة بس توفت بعد4أيام . تخيلوا ماقدرت أمسكها كانوا مانعن أول ماحملتها كانت ميتة ماحست فيني.حست إني بأنهبل بس خلاص تعوت .ويوم الثنين خلصت الأربعين
بشروني عنكم كروشات؟
لورا وكادي وزهور وهموسة والله وحشتوني..
الله يسهل ولادة جميع الكروشات وتفرحوا ببطاتكم ودباديبكم..

زهــــور · 04-12-2011, 12:19 AM

هلا وغلا

فيك شوق جده اخير نورتينا

الله يعوضك يالغاليه والحمدلله على كل

حال

كااادي ان شاء الله بخير عندها نقص حاد بالدم

والله ماادري عنها لها 4 ايام مابينت

همسه من زمان مختفيه والله ماادري عنها

بس ان شاء الله تكون بخير وصحه وسلامه

لووورايتي بصحه وسلامه ولله الحمد

فقدت بنتها بالشهر التاسع الله يعوضها

التف عليها الحبل السري

والحمدلله على كل حال "

وزهوره بخير ولله الحمد بس تسئل عن اخبارك :

ام ركوني · 04-12-2011, 12:52 AM

شوق جده

ياهلابك حبيبتي والله لك وحشه

الله يعوضك خير ان شاء الله

~ L o l a · 04-12-2011, 01:13 AM

اقتباس:

المشاركة الأصلية كتبت بواسطة ام ركوني

ا

والله لعب فيني الضغط وتورمت رجولي مادري وش السالفه الحمد لله ع كل حال

الله يعين ان شاء الله

أم ركوني ضغط وتورم رجول وجالسة !!!!!!!

حبيبتي رحتي للمستشفى ؟؟ سووولك تحليل زلال ؟؟؟؟

ترا السالفة مو سهلة على الأقل خذي إبر إكتمال الرئة لانك معرضة للولادة المبكرة

تكفيييييييييين ياأم ركوني لا تتساهلين بالموضوع

جاني ضغط وزلال في أسبوعين والله بغيت أنحط في قبري لولا رحمة ربي

~ L o l a · 04-12-2011, 01:23 AM

اقتباس:

المشاركة الأصلية كتبت بواسطة شوق جدة

كيفكم كروشات ؟؟؟؟؟؟؟؟؟؟
وكيف البطات والدباديب؟؟والله وحشتوووووووووووووووووووووووووني............
كروشات أبشركم ولدت بالشهرالسابع وجبت البطة بس توفت بعد4أيام . تخيلوا ماقدرت أمسكها كانوا مانعن أول ماحملتها كانت ميتة ماحست فيني.حست إني بأنهبل بس خلاص تعوت .ويوم الثنين خلصت الأربعين
بشروني عنكم كروشات؟
لورا وكادي وزهور وهموسة والله وحشتوني..
الله يسهل ولادة جميع الكروشات وتفرحوا ببطاتكم ودباديبكم..

حبيبتي والله (l) الحمدلله على سلامتك وطالعة من الشر

مثلي بس أنا مات في بطني

معوضين خير كلنا يارب

وكيف ولدتي طبيعي وإلا عملية ؟؟

قلب الدنيا · 04-12-2011, 02:00 AM

اهلا صديقاتي .......انا من الرياض وحامل بالرابع ويسعدني ادردش معكم

قلب الدنيا · 04-12-2011, 02:02 AM

الله يجزاكم كل خييييييير انا من الرياض وحامل بالشهر الرابع وقربت أخلصه ان شاء الله عخير
سعدت بالتعرف عليكم

اخت حمودي · 04-12-2011, 08:57 PM

مرحباء ولله مادري وش قولكم بس انا لسا بالاول محتاره مادري وين لمستشفى زين لمتابعه