تجمع حبيباتي الكروشات اللي راح يولدون بشعبان

[ام لبنى 666]

المشاركة الأصلية كتبت بواسطة ام رتيل

السلام عليكم
كيييييفكم حوامل
الله يقومكم بالسلامه يااارب هانت ان شاءالله
ام لبنى ...فديييييييتك يالغلا طم نيني عنك وكيف الحمل معاكي ومتى ان شاءالله الولاده ؟؟
وكيف صديق ولدي ان شاءالله بخير ومايتعبك الله يحفظهم يااارب من كل شر

هلا وغلا فيك وحشتيني يادبا وينك وكيف ايامك
بالنسبه لحملي والله تعبت كثير الله بسهلي ولباقي الحوامل ولا يحرمنا الاجر يارب
وبالنسبه لصديق ولدك متعبني كثير الحين صار يحبي وطلعله سنين تحت وشقي بقوه ويتعب كثير الله يعين عليهم يارب
وانت ياقلبي كيف لساتك ماغلطتي وحملتي مثلي ولا محافظه ع الرشاقه والجمال مشالله
زوجي يقول اخاف تجي انشالله السنه الجايه وانتي مو حامل ياخوفي تتعبين نفسيا متعوده كل سنه بكرشه توووبه مانع عطول انشالله

[آوم جومآنا ~]

بنات بسسالكم انا بطني رجع انقسسم من جديد ويبان اكثر لا حجر بطني او اذا جلست لكن لا وقفت او انسدححت يبان بطني مسستوي

انا قبل م اتزوج كان مقسوم بس بنص حملي راحت القسسمه والححين رجعت .

مين زيي واللي زيي بطنها تعدل باخر الثامن والتاسسع والا مازالت ويا جبل مايهزك ريح خخخخ وهذا شكله اللي بيصير هوع

[سفن بارد]

صباح الخير ياحلوااات

اشكركم على اهتمامكم ربي لايحرمني منكم ولا من اخوتكم

رحت لموعدي حمدالله وقالت لي ماشاء الله كل شي طبيعي ووقفي حبوب الكاليسوم واستمري على حبوب الحديد
اللهم لك الحمد حتى ترضى ولك الحمد اذا رضيت ولك الحمد بعد الرضى والله ربي كريييييم وين كنت وووين صرت الله اكبر حملي اللي كنت مهدده افقده ربي بقدرته تمه سبحااانه مالنا غيره والله يابنات اني اكتب لكم وانا ابكي ربي كريم وماخيب رجاي من حملت ويدي على قلبي خايفه افقد حملي اللي تعلقت فيه الله يتم علي وعليكم العافيه بنااااات جد كلنا في نعمه (فاما بنعمه ربك فحدث)تم ربي علينا حملنا وكلنا قربنا لنهايه الله يفرحنا باطفالنا وسلامتنا جميعا يااااارب

المهم بقولكم قالت لي الدكتوره موعدك الجاي بعد اسبوعين وقالت لي وزن الجنين وانت 35 اسبوع كيلوين و400جرام وش رايك طبيعي طمنوني الله يطمنكم بكل مايسركم ودي وقت ولادتي يصير الجنين 3كيلو باذن الله حلو كذا الله يرزقنا من واسع فضله علما انها وقفت حبوب الكالسيوم؟
نعوووومه وام الحلوين بما انه عندكم خبره ماشاء الله هل هو طبيعي الوزن بهذا الاسبوع ووش رايكم وتوقعاتكم وقت الولاده وش يكون الوزن علما اني بوقف الكالسيوم وش رايكم؟

الله يتمم علينا ويفرحنا كلنا كلكم ودكم تولدون اول التاسع عكسي ماودي الا اتم التاسع الله يكتب اللي فيه الخير

ههههههههههه ماودي اطلع من النفاس في رمضان بنهبل شغل وقلي وطبخ وفرن وبزر ياااارب ترحم ضعفنا شكلكم نسيتوا تناظرون لبعيد مثلي ههههههههههههههه

[آوم جومآنا ~]

الححمدلله على سلامتك وسلامه حملك وربي يبلغك طفلك ان شاءالله وربي قادر على كل شي ووالله يبارك لنا في رجب ووشعبان ويبلغنا رمضان في احسسن حال واحنا حاضنين اطفالنا سليمين معافين بدون زياده ولا نقصان ولاتشويه داخلي او خارجي ي ربي ي حبيبي ي كريم آللهم آميييييييييييييييييييين

[سفن بارد]

اللهم امييييييين ياااارب الله يسمع منك يااوم جومانا دعواتك ماشاء الله عليك تثلج الصدر

الله يسخرلك زوجك يااارب نهايه هذا الاسبوع ويوديك عند اهلك وترتاحي ياحبيبتي وكل ماتذكرتي موضوع روحتك رددي لاحول ولاقوه الا بالله والله بيسهلها عليك ويوديك ويحفظك ربي ويحفظ حملك من كل شر ...

بندعي لك وانت بشرينا اذا قرر يوديك ياحلوه

[لبـنى]

اهلين كروشات اخباركم واخبار الثقل معكم
انا مرة متحمسة ودي امشي واتحرك خلاص ماعقب التاسع شي
بس دكتورتي تقول انتبهي لروحك وممنوع المشي والاجهاد ولا تسوين اي تحريض للولادة
تقول لأنك مهددة بالولادة المبكرة علشان عندك موية الجنين زايدة بعد الاسبوع 36 تقل عادة فتقول اصبري شوي
طيب دخلت التاسع وش فيها لو ولدت بس يمكن قصدها الولادة تصعب شوي مع الموية يارب ان شاالله بموعدي الجاي تطمني
انها نقصت إلى الطبيعي انا طلعت عندي نسبتها 25 اذا احد يعرف زايدة مرة ولا قليل
سفونة حبيبتي الف مبروك الحمدلله اللي لحقك هاليوم الله يتمم عليك وعلينا بالولادة اللي تثلج الصدر وتسر الخاطر من سهولتها يارب ويفرح نظرتنا بأحلى نونوات ونشوفهم وهم وحنا بالف صحة وسلامة
وصادقة حلو التفكير لبعيد احسن شي بتواريخ ولادتنا اننا نريح برمضان من الطبخ والنفخ ان شاالله ولادتي الاولى طلعت من النفاس قبل رمضان بخمس ايام علي توقيت انما ايه وعلطول عالمطبخ وبنتي ماتمت شهرين معاناة الصراحة

بنات الله يرضى عليكم اذا تعرفون ارقام اللي يأجرون الشغالات بالرياض ويكون سعرها بحدود الالفين بالأشهر العادية اللي مافيها زحمة يعني اخذها برمضان باربعة دلوني تكفون مررررررررررة محتاجة

[بطة جدة]

حبيباتي كيفكم اليوم انامتابعة في صمت حبيت اقلكم تجربتي مع تدوير الجنين مع العلم امس الحمدلله سويتا يعني فرش هههههههههه

[بطة جدة]

بسم الله الرحمن الرحيم نبداء القصة انا من السبوع 32 سويت انترا ساوند وكان الجنين جالس قال الدكتور لسة في وقت انو يتعدل خلال الخمسة السابيع الجاية طبعا مرة الخمسة اسابيع ورحت سويت انترا ساوند *مرة ثانية وطلعة برضوا جالسة الدكتورة قالت انتي في السبوع 36 و4ايام وافضل وقت لعمل التدوير بين السبوع 36/37 قالت اذا انتي صايمة نسويلك هي اليوم وبدات تقلي عن نسبة نجاحها وهي80/70في المية وقالت انهم بس يخافو لا قدر الله من جاجتين انو وقت التدوير يلتف الحبل السري على الجنين او تنفصل المشيمة عشان كدة يسوها في غرفة الولادة حتي اذا سمح الله تكون جاهزة للعملية صراحة انا خفت قلتلها اسوي عملية احسن لاني اخاف ينقص الاكسجين عن الجنين لاقدر الله قالت لوانا في مكانك اسوي التدوير ولا اسوي عملية الان العملية لها مساوئها اتوكلت على الله بس للعلم (قالت احنا بس 2من الدكاترة يسوها ) يعني مو اي احد وبس دخلت غرفة الولادة كاني داخلة ولادة اعطوني الروب وشبكو المغذية وسو اول شي التخطيط تبع البيبي وشوية كدا جا الدكتور وطبع جهاز الانترا ساوند شاف مكان الراس والقدم وحط يدة ولف اشاف مرة تانية حرك تاني ثلاث مرات واتعدل معاة الحمد لله *يعني الشغلة ما اخذت 5 دقايق بس بعدها جلست عشان تخطيط قلب الجنين حتي يطمنوا انو مااتاسر بي التدوير بس وسلامتكم * * * * *حبيت اقلكم كم شغلة انا كنت احسبها صح اول شي الطفل بعد هذي المدة ماراح يقلي خلاص حيجلس الى وقت الولادة يعني الكلام الى كنت احسب انو راح ينعدل وقت الولادة مو صحيح عشان الجنين حيكبر زيادة انا كان وزن الجنين 2كيلوو600 فيعتبر وزنه كويس اتاني شي سالت الدكتورة قلتها طيب متي ينزل في الحوض قالت الوحدة كل ما تكررت ولادتها ماينزل الا عند الولادة انا حضرتي احسب كل ماولدنا البعدة ينزل ابدر من القبلوا فبعد التدوير اقلها متي ينزل في الحوض مستعجلة على الولادة قالت خلاص هوا متوجة في الحوض ممكن بكرة تولدي قلتلها كيف لسة مانزل في الحوض قالت ماشرط المهم يكون راسه متوجة وهو ينزل وقت الولادة وسلامتكم مرة تانية شكلي طولت عليكم سامحوني بس عشان يكون عندكم فكر*

[بطة جدة]

[size="6"]حبيبتي سفن بارد انا في الاسبوع 36و5ايام ووزن الجنين 2كيلو600 قالت الدكتورة الوزن طبيعي وهو راح يذيد في السابع الجاية باذن لله [size]

[بطة جدة]

والله يفرحك بشوفته هو وانتي بصحة وعافية