دردشة حوامل أهل الرياض - دردشة بنات الرياض - تجمع حوامل الرياض

[أمونه*]

السلام عليكم ...يابنات شلونكم يا برينسيسات
شلونك يالوووورا عساك صرت احسن ..الله يعطيك العافيه
انا افضل الحبوب بس ماتناسبني لأن عندي ضعف بالإباضه وقالت الدكتوره إن اخذت الحبوب واستمريت عليها لفتره طويله اخاف تتوقف الإباضه نهائيا
وهذه المشكله عانت منها احد زميلاتي بعد ثلاث سنوات على الحبوب توقفت الإباضه ولما بغت تحمل قالتلها الدكتوره الإباضه متوقفه تماما
عشان كذه حاولت ادور على شيء بديل ويكون مضمون ...جزاك الله عني كل خير

[أمونه*]

هلا ام ركوني شلونك عزيزتي
الكشف بالتضامن 50 والأشعه 150 وممكن تعطيك تخفيض إن استمريتي عندها120
والمتابعه1000

[كآدي]

ياربي اشتقت لكم وربي

كلكم كلكم

كل اللي دعو لي وربي فرحت بدعوتكم وربي محتاجتها

حتى لو بظهر الغيب الله لا يرد لكم دعوه

ويحقق كل امانيكم

بنات اللي تراجع في التخصصي الطبي تنحااااااااااااااااااااااش

لاني مدحته وانا ابرى ذمتي وربي وربي عرضووووووووو حياتي للموت

مدري العله في لدكتوره او المختبر

اذا سويت تحليل الهيمو جلوبين تقول دمك توب التوب 13 حلووو وتهز راسها

واذا شكيت لها تقول كل شي تمام

واذا قلت فيني طلق من السادس تقول طبيعي او ولاده مبكره

ولما تآزمت حآلتي وصار وجهي وعيوني مثل المدمنين من السواد

رحت لاقرب مستوصف

وهنا الطماااااااااامه بنات معي فقر دم حااااااااااااااااااااااااااااد

تقول ما يصلح تولدي كذا بتنزفين لحد ما تفقدين وما رح نقدر نسعفك في وقت قياسي

بنات دمي ناقص من زمآآآآآآآآآآآآن وما خبرتني دكتورتي

واطفل مرهق من الطلوق ونبضه عااااااااااااااااااااااالي

وحالتي مثل الزفت وانا الحين باقي لي يومين وادخل التاسع وما ارتفع دمي

وكتبت لي تنويم ومتابعه نبض الجنين وابر حديد

بنآت انا مدري متى اولد وخايفه اولد قبل يرتفع دمي

بنات محد ضامن عمره تكفون حللوني

الله يحللكم ويبيحكم

ودعواتكم
طبعا ( انا مؤمنه با القضاء والقدر ) وبعمل بلاسبآب

وبحآآول ارفع دمي وحسبي الله ونعم الوكيل على اللي كان السبب

محبتكم

كااااااااااااااااااااااااااااااادي

[أمونه*]

السلام عليكم أختي كآدي ...
المعلومات يلي بكتبها الحين قرأتها في كتاب مايو كلينك للطبيب(روجر و.هارمس في كلية طب مايوكلينك في روشستر)
ان النساء تحتاج 30ملغ من الحديد يوميا خلال الحمل
ولمساعدة جسمك على امتصاص الحديد الموجود في مستحضراته ، تناوليه مع مشروبات غنيه بالفيتامين c (مثل عصير البرتقال وعصيرالطماطم وعصير الخضراوات من افضل الخيارات
ويمكنك تعزيز امتصاص الحديد بتناول أطعمه غنيه بالفيتامين c في الوقت نفسه الذي تأكلين فيه أطعمه محتويه على الحديد:
* اللحم الأحمر الهبر
* الدجاج
* السمك
* السبانخ
*الفواكه المجففه مثل الزبيب
* المكسرات مثل اللوز والفول السوداني
إن شاء الله إذا حاولتي تأكلين وتأخذي بالأسباب من غذاء وعلاج تستفيدي وترتفع النسبه بإذن الله العلي القديرقبل موعد الولاده( ولا تقنطوا من رحمة الله )

[امجاد ماجد]

السلام عليكم

ومساء الخيرات

هلاااا وغلااا لورا يسعدك ربي

وربي يعظم اجرك لورا

وحاولي تشغلين نفسك

عشان تحاولين تنسي

وربي يعوض عليك


ام الاسمر

انا ماادري وبكريه بس رح اكل حبوب

وان شاءالله ماتضرني

اما عن ابره الي ياخذها الرجال ماادري

samora mora

وحياك الله معنا وان شاءالله تستفيدي

وكادي

حياتي ربي يعينك والحمدالله انك لحقتي ع عمرك

وربي يقومك بالسلامه

انتبهي لنفسك

وعليك بالزبيب الاسود ع فك الريق

يرفع الدم بسرعه

خوذيه مثل الحب وانتي جالسه كوليه وخري الفصم الي بوسطه

عشان طعمها مر

وربي يشفيك يااااارب

*************

انا رجولي متعبتني من اوقف احسها تورم

وبنات حجم بطني صغييير مره هل عادي

ماكأني بالسابع


ربكم يعين وييسر لنا ولادتنا

بكريه واقلقتني الهواجيس

يقولون اذا الوحده ماتاكل حلبه اول لاتاخذها بالنفاس

لانها تملى الرحم مويه وعد الجماع يطلع ماء الله يكرمكم

صدق؟؟

والعمليه التجميليه تقولي وحده انهم لازم يسونها لك ولاتصيرين وسيعه

تقول العسكري يسونها بدون كلام

ياربي بس وربي مو عارفه من اصدق

[زهــــور]

مساء الورد لكل ورود تجمعنا

بنات كيفكم طمنوني عليكم

والله اشتقت لكم بس مالي حيل

ادخل وادردش معاكم

كااادي بسم الله عليك انتي والبيبي

الله لايوفقها وانتي الله يجزاك خير على تنبيهك للااخوات

حسبي الله ونعم الوكيل


ام الاسمر كيفك ياقمر طمنيني عليك وكيف البيبي وانتي باي شهر اللحين


امجاد ماجد اهلين فيك ياعسل

الحلبه مااستخدمها ولا اعرف عنها شي

ولا راح اخذها بنفاسي بعد
وعلى فكره تسمن انتبهي منها:

والخياطه لكل وحده بكر تولد يخيطونها لانهم يسوون توسعه:

البقيه اشتقت لكم ماعاد نورتو تجمعنا

قاااروره عطر ::مساهير الشوق::شووق جده

وكل المختفيين :

[رباه فرج همي]

وبالاسحار هم يستغفرون

لاتنسون الاستغفار يالغاليات

استغفرالله الذي لا اله الا هو الحي القيوم واتوب اليه

استغفرالله لذنبي ولجميع المسلمين والمسلمات والمؤمنين والمؤمنات الاحياء منهم والاموات

استغفرالله

استغفرالله

استغفرالله

استغفرالله

[ام ركوني]

ام الاسمر جزاك الله خير

كادي حبيبتي ماتشوفين شر والله يهون عليك

[ام هادي1]

اهليييييييييييييين كادي يالغلا اشتقت لك وربي واشتقت لكل الكرووووووشات ربي يوفقكم ويسهل عليكم...
وماتشوفين شر يالغاليه وتطمني انا كنت مثلك في الثامن نااااااااقص عندي الحديد وعطوني حديد عن طريق المغذي واستمريت على الحبوب اخذ حبتين باليوم والحمدالله ربي سهل علي

وانا قبل كذا اذا تذكرين نصحتك تروحين سليمان الحبيب...

وربي يابنات انا توي والده فيه مااتوقع ان فيه ارووووووع منه عنايه ونظافه واهتمام وحتى غرفة الولادة ماتصدقين انها غرفة ولادة مثل غرفة الترقيد ...

وانا اطلق واصارخ في غرفة الولادة وزوجي يصور فيني وانا اعصب عليه بس الحين اذا شفت الصور اضحك على نفسي...

لا وعايش دور الدكتور يقولي ادفعي ادفعي يلا بان راس البيبي وهو مايدري وش السالفه بس يسمع كلام الدكتور ويقول مثلها لان هو كان عند راسي..


كل شي فيه هالمستشفى يشرح الصدر .... وانا كانت غرفة ترقيدي تطل على برج المملكة كل يوم اجلس على الكنب واناظر فيه اللي يقول اول مره اشوفه... بس من جد يابنات والله بعد الولاده احس اول مره اشوف الدنيا سبحان الله...

كااااااااادي كل شي اخضر اكليه لاتقصرين على نفسك واكلي طماطم وخس وجرجير وربي يسهل عليك ويرتفع الحديد عنك..يااااااااااااااااااااااااااااااارب

[أمونه*]

هلا وغلا بالجميع كيفكم اليوم عساكم بخير وحشتوني
انا الحمد لله بخير والبيبي بخير انا في بداية الشهرالسابع
وشكراً يازهور الورد على سؤالك ...انت شلونك
كيف ام ركوني ..ولورا ..وsamora mora أن شاء الله طيبات
ام هادي1 الحمد لله على سلامتك ومبارك ماجاك ويتربى بعزك وعز ابوه إن شاء الله
بس ماقلتيلنا وش سميتي ماشاء الله
حياك الله امجاد ماجد شلونك ...لاتقلقي ولا تخافي اسهل ولاده هي ولادة البكريه وأجمل ذكرى
هي ذكرى التجربه الأولى ..صحيح لكل ولاده طابعها الخاص بس بتكرار التجربه يصير الوضع
شبه روتيني
اما بالنسبه للحلبه انا جربتها لأول مره بنفاسي بعد الولاده حسيت بآلام بالعظام لدرجة إني كنت
ماأقدر اتقلب في السرير وأتألم لما أمشي وأتحرك بس لما شربتها حسيت بفرق وارتحت
ماحسيت إن تغير شكلي او سمنت كان بالنسبه لي عادي جائز يختلف الشي من شخص لآخر
بس مع ذلك لازم بعد الولاده تستمري على حبوب الكلسيوم والفولك اسد وخصوصاً إذا بترضعي
طبيعي
لازم التوسيع ... وبالخياطه ترجع الأمور زي أول وخصوصاً إذا يلي بتسويلك الخياطه بشويش ومن داخل أول بعدها تخيط تجميلي من خارج وانت تعتنين بالجرح زين وتعقميه مرتين يومياً
إن شاء الله ماتحسين بفرق ...الله يهون عليك ولادتك وكل حامل إن شاء الله