دردشة بنات ليبيا , دردشة حوامل ليبيا , تجمع بنات ليبيا

[ميمونة]

عندنا عرس اقارب بوي الاسبوع هذا وهيا صاحبتي هلبه يعني بنمشي علي يومين وحايره نبي قفطان حفله خاطري في اللون الفوشي او الفيروزي ماحصلتش

[ميمونة]

وين ياعيون خشي اعطيني رايك

بنوجعلكم روسكم لحد مانشري هههههههههه

[ميمونة]

بكل المنتدي معاش يعجب فيا شن هالكساد كلكم ارتخيتو اسمعوا راني نمشي نسجل في منتدي تاني ناشط هدرزوي خيرلكم بعدها لاينفع الندم انا قولتلكم

ههههههههههه

نبوا نرجعو زي قبل
ـ
كان نعرف يايه خيرك معاش خشيتي انت وباقي القروب

[أم سعد]

أهلين زهرة الله لا يوريك باس وتو نجرب اللي قلتي عليه ان شاء الله

ميمونة ... بالنسبة للتقشير الكريستالي أعتقد انها جرباته ومشي معاها بس تو نتأكدلك منها هي

هي غير طالعة وناسية تليفونها في الحوش ... وانتي زيدي أبحثي عليه في النت ...

وألف مبروك ما شريتي ... وربي يقدملك اللي فيه الخير يااااااااااااارب...

وبالنسبة للقفاطين ... بري زيدي شوفي جهة بومليانة مرات تحصلي وبري لقرقارش فيها حاجات ... وفي مراة في قرقارش فاتحة محل في حوشها تجيب في بضاعة من برا أنا خديت منها لعرس خوي زوز قفاطين وسلفي خدي منها لخطيبته للتلبيسة كان تبي عنوانها تو نقولهولك

وبالنسبة للون ماتحطي شي في بالك لأنك لما تحطي لون معين في بالك مش راح تلقيه لذلك خليك تشوفي التفصيلات وشن يطلع عليك وبس

وشن تاني تفضلي

[يقين]

ههههههههههه ليا 3 ساعات مقعمزه ونبعت ههههههههههههه ووووووو شر البليه مايضحك مالقيتش حاجه مللي كاتباته تي كان النت ماجاش اليوم بنحجز وبنروح لليبيا خلاص فديت خلالالالالالالالالاص

[يقين]

ميمو حتي ني استاحشتك لكن رعشتيني هاديكا الليله وجاني احتباس ليا 5 ايام ما خشيت الحمام منك انتي

[أم ورد]

السلام عليكم كيف حالكم اليوم

[أم سعد]

أهلين يقين ... ياناااااااااااااااري وجعتيني معليشي أرجعي لبلادك خير

أم ورد .. وعليكم السلام نورتي ... كيف حالك؟؟

[يقين]

اليوم عشاي بكبوكي بالخضره لانه الجو جموووووووووود ونبو حاجه ادفي مافيش كيف بكبوكه الخضره

[زهرة2000]

ام معاد يلا تفولتلك منى الفال ومن الله الكمال ز
ميمو والله كل الاسئله مش حنقدر نجاوب عليه؛ لان من بنغازي بس القفاطين شكلهم حلوات لان الموديلات التركيه تعجبنى مبروك ماشريتى بس حطينا الصور