.·¤ تجمع الحوامل اللي ولادتهم في محرم¤·.

Marawy · 06-20-2012, 01:43 AM

اعز الناس ،، الحمدلله فديتج ،، شربت الدوا واشوفها اخف ،، الله يستر بعد صلاة الفجر لا ترجع لي ،،

شخبارج انتي ؟ وشخبار البيبي ربي يحفظه !؟

اليوم التجمع نايم وزعلان كثير ،، انا طول الوقت افكر بـ رياليتي :( وافكر في جنيني ،،

Marawy · 06-20-2012, 01:44 AM

ام ليان ،، الف مبروووك دخولك الخامس ،، وعقبال التاسع يارب ،،

احس الشهر الرابع طول !! مو راضيه ادخل الخامس !! وشوي متلخبطه لان على كلام الدكتورة ان كل تاريخ 16 ميلادي من كل شهر ادخل شهر جديد ،، وطاف هالتاريخ وبالتوقيع للحين ما دخلني شهر جديد !!

على طاري جنس البيبي ،، احساسي الداخلي يقول ولد ،، لكن زوجي وكل اللي حولي يقولون بنت ،، وزوجي الله يحفظه في خاطره بنت ،،

reality · 06-20-2012, 02:04 AM

جزاكم الله كل خير والله ودي ارد عليكم وحده وحده
لكن حالتي النفسيه ماتسمح ادعولي انا طبعا احس
انه مافي امل يكون عايش الحمد الله على كل حال الله
يكتبه طير من طيور الجنه وشفيع ليه ولي ابو ادعولي
ربي يقومني بسلامه وييسرلي الولاده يارب
ومن قلب معصور حزن الله يثبت اجنتكم ويحفظها
ويجعلهم صالحين عافين متعافين كاملين مكملين يارب
العالمين ويفرحكم فيهم ولا يضيع تعبكم يااااااااارب

اعز الناس عافوني · 06-20-2012, 03:10 AM

حبيبتي مروى انابخير الحمدلله والبيبي مادري عنه :( ابي احس بحركه واضحه عشان اتطمن

انتي شلونك وشلون البيبي ياقلبي

ريالتي كلنا قلوبنا معك فديتك وربي يصبرك ويعوضك خير اقري قرآن وان شاء الله ربي يمسح عليك بالصبر
عسى ربي يرزقك بالطفل السليم المعافى

اليوم التجمع نايم =(

زوجة ناصر · 06-20-2012, 04:51 AM

صباح الخير خواتي شلونكم بخير ان شاء الله

اختي الحمدلله على كل حال انا لله وانا اليه راجعون

يارب يثبت اجنتنا ياكريم ..

زوجة ناصر · 06-20-2012, 05:18 AM

ام اسكندر قالتلي الدكتوره 60 بالميه ولد موب عارفه عاد ....

دلع الأحساء · 06-20-2012, 05:31 AM

زوجة ناصر مبروك
كلنا هنا اغلبنا احتمال اولاد ههه
ياساتر مايكون السونار الجاي الا يقلب ويصير بنت
بنات بخصوص الشكولاته اكلتها بس ماحسيت بحركة البيبي الا يوم رجعت البيت هههه
والسونار مافهمت شي مادري كييف مشقلب البيبي وماعرفت وين راسة من ساسه
بس حدها ورتني الدكتوره كوتين جنب بعض وقالت الحين لجنين بين البنت والولد بس مايل للولد

دلع الأحساء · 06-20-2012, 05:34 AM

ام اسكندر ضيفيني ع اني بجيب ولد ههه
بس كيفكم يمكن يقلب الشهر الجاي بنت

Marawy · 06-20-2012, 05:57 AM

اعز الناس ،، فديته ان شاء الله بتحسين بحركته واضحه ،، انا اوقات احس بها واوقات ما احس ،، وساعات افكر اقول يمكن اساسا اللي احس به مش حركه ،!

الشيطان يوسوس لي الله يلعنه ،،

Marawy · 06-20-2012, 05:58 AM

رياليتي ،، فديتج ربي يقومج بالسلامه يارب ويصبر قلبج ،، وهو الوحيد اللي راح يمسح على قلبج يارب ،، وربي لو ما يحبج ما كان ابتلاج فديتج ،، خلج قويه ،، والخيره في ما اختاره الله ،، وعسى ان تكرهوا شيئا وهو خير لكم وعسى ان تحبوا شيئا وهو شر لكم ،،

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع حوامل اللي موعد ولادتهم في شهر محرم 1433	غزاله شقرا	إستفسارات مرحلة الولادة	19214	05-15-2012 01:11 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM