تجمع حبيباتي الكروشات اللي راح يولدون بشعبان

[نونييييي]

ام سديم يارب انا وانتى وجميع الحوامل وبالنسبة للبنادول الابيض حتى انا باخده بس فى الضرورة القصوى ساعة ما يجينى الم مستمر ولا استطيع تحمله وان شاء الله الدكتورة تكتبلى على مرهم مسكن لالم ظهرى

مس يويو والله ما عندى علم غير انى اخذ بنادول لما يشتد عليه الصداع بس ان شاء الله باقى الكروشات يفيدونك والله يشفيكى ويعافيكى ويجعله بميزان حسناتك

[نونييييي]

سلافتى وينك ما طليتى علينا من فترة وايش اخبارك واخبار الرياضة والحركات يلا تعالى احكى لنا وش بتسوي هاليومين

[امـ سديمـ]

مس يويو سلامتكـ ياقلبو ...
الصـــــداع من الخلفـ ..؟
انـــا الصـــــداع من الخـــــلف وفيلهـ ألم الله لا يوريكـ ..
اممم مستمـــر معــــي من بدايه الحمـــــل .. واخذ مسكن ولا فيهـ فـــايدهـ
وكـــل مــاروح للدكتوره علشانـ اسئلهـــــا انســــــى بس ان شاء الله
ذا المــــوعد أســـئل بأذن الله ..^^

[سلافتي]

هلا نوني انا تمام واموري طيبه بس تعبانه شوي موعد الدوره جاي
والمود معتفس حيل بس اطل عليكم كل شوي بأذن الله

[Miss YoYo]

المشاركة الأصلية كتبت بواسطة امـ سديمـ

مس يويو سلامتكـ ياقلبو ...
الصـــــداع من الخلفـ ..؟
انـــا الصـــــداع من الخـــــلف وفيلهـ ألم الله لا يوريكـ ..
اممم مستمـــر معــــي من بدايه الحمـــــل .. واخذ مسكن ولا فيهـ فـــايدهـ
وكـــل مــاروح للدكتوره علشانـ اسئلهـــــا انســــــى بس ان شاء الله
ذا المــــوعد أســـئل بأذن الله ..^^

إيـــه بالضبط هذا هو
بـ راسي من ورا اكثر شي أحس انه ثقيـييييل
تراه عادي مو شي يخوف هذا من عوارض الحمل
بسبب ارتفاع الهرمونات في الجسم
بس البلا في الشي اللي يخفف منه وش هو
ما ابي اخذ مسكنات كثيره .. حتى لو مالها ضرر على البيبي تأثر تأثير بسيط وقت ماتاخذينه
لأن اي شي تاكلينه او يدخل جسمك يروح له .. يعني بيوصل له المسكن
اخذت يومين مسكن .. بس ماينفع كثير اول نص ساعه بس وبعدين يرجع طول اليوم
شوي رابطه راسي .. وشوي داخله اسبح واحط راسي تحت المويه الدافيه
واحاول اريح ع السرير زاغمض عيوني عشان ما يزعجني شي
بس مافيه فايده ... ربي ياجرنا

[نونييييي]

المشاركة الأصلية كتبت بواسطة سلافتي

هلا نوني انا تمام واموري طيبه بس تعبانه شوي موعد الدوره جاي
والمود معتفس حيل بس اطل عليكم كل شوي بأذن الله

لا سلافتى حاولى تغيرى جو وتروحى تلعبي رياضة مثل ما كنتى بتقولى ترى الرياضة ليها تاثير كبير فى تغيير النفسيه وهذا الكلام عن تجربة لما كنت بحس ان كتير نفسيتى تعبانه وما كان فى شئ بيعدل نفسيتى كنت اروح العب رياضة والله كانت نفسيتى تتغير كتير وان شاء الله ربنا يبعد عنكى الحزن

[Miss YoYo]

حبيبتي الحبوب ماتسوي شي حرام
عليكم مابقى الا تشكونها بالمحكمه >> ههههههه
انا سمعت الدكتور
يقول انها اول فعلا كانت تسبب تأخر بالحمل
اما الحين خلاص طوروها وصارت مزبوطه
انا اخذتها بداية زواجي اربع اشهر
وبعدين تركتها وعلى طول حملت الحمدلله بس الله مو كاتبه لي
والحين بعد استخدم حبوب مانع ومرره خفيفه حتى المزاج ماتأثر عليه
يعني انا اشوف الحبوب آمن وانسب وافضل واحسن طريقه
لمنع الحمل وطبعا دكتورتك ادرى فيك وانتي يامس
في امريكا مو بالسعوديه يعني لاتخافين هنا عندنا مجزره مو مستشفيات
الله لايبلانا بس امريكا اكيد غير ولا تقارن شوفي كيف اهتمامهم
فيك وقت الحمل والله لو انك هنا كان خبصو فيك .. الله يعين بس

مــن قال لك إن الحبوب ماتسوي شي
ماسوت شي معكـ إنتي ، إيه ممكن
بس الحبوب تأثر حتى لو بنسبه 1% بجسمك
حبوب منع الحمل عباره عن هرمونات
لما تاخذينها تلعب في هرمونات جسمك وترفعها
فيه منها نوعين
أول نوع يستخدمونه اللي مايرضعون
هذا يكون فيه هرمونين هم الإستروجين والبروجسترون
إذا اخذتيه ترتفع نسبة الهرمونين هذول بجسمكـ بشكل كبير
وإرتفاعها هذا له 3 تأثيرات هي اللي تمنع الحمل

أول شي : تأثر على الغده النخاميه ، تأثر على الهرمونات اللي تفرز من الغده النخاميه وهذي الهرمونات اللي موجوده بالغده النخاميه هي المسؤله عن التبويض
فـ ارتفاع هذي الهرمونات يمنع التبويض

ثاني شي: تأثر على عنق الرحم ،تسبب كثافه لـ إفرازات عنق الرحم
وهذا الشي يمنع دخول الحيوانات المنويه للرحم

ثالث شي : تأثر على بطانة الرحم ، تخلي البطانه رقيقه ولزجه
عشان حتى لو صار فيه تلقيح البويضه ماتقدر تثبت نفسها بجدار الرحم
وتنزل معك دوره عاديه

والنوع الثاني اللي ياخذونه الحوامل يتكون من هرمون واحد بس
هو هرمون البروجسترون .. لأن هرمون الإستروجين ينشف الحليب
فـ عشان كذا مفعوله يكون أقل وتلاقين بعض الحريم اللي يستخدمونه يحملون
لأنه تأثير مو قوي زي الأول ... مافيه غير هرمون واحد بس

كل هذا وتقولين الحبوب ماتسوي شي
لا ياعمري تسوي شي وشيوات بعد ... صح الطب تقدم
وصناعة الأدويه تحسنت وحالات تأخر الحمل او إنعدامها بعد أخذ الحبوب قلت بشكل كبير
بس ما انعدمت .. للحين فيه حريم صارت لهم مشاكل بعد ما اخذوها
الحمدلله انها ما أثرت عليك لكنها تأثر
وعلى فكره .. ترا الحبوب اذا تركتيها هرموناتك ماترجع زي قبل على طول
يبيلها فتره على ماترجع لمستوياتها الطبيعيه
ويقولن لك اذا حملت الوحده وهي تاخذ حبوب منع غالبا يصير فيه تشوهات في الجنين لأن ارتفاعهم خطر جدا عليه
ويمكن هذا اللي يصير معك .. إنك تحملين بسرعه بعد ماتتركين الحبوب
والهرمونات باقي مانزلت بجسمك عشان كذا الجنين مايستقر
اذا نويتي على الحمل المره الجايه اصبري شهر على الأقل او شهرين قبل لاتحملين
عشان تتأكدين ان كل شي تمام عندك
وعيالك اللي راحو ماعليهم حسوفه
عند ربي .. عصافير بالجنه ، الله يجعلهم شفعاء لك يوم القيامه
وإن شاء الله ربي يطيب خاطرك بالذريه الصالحه متى ماحبيتي ويتمم لك بخير

وإن حبيتي تقرأين أكثر عن حبوب منع الحمل إدخلي مواقه طبيه أجنبيه
احسن من الموقع العربيه .. فيها معلومات اكثر وأدق
وبالنسبه لـ إستخدامهم هنا للحبوب قلييييل جدا جدا مقارنه بالموانع الثانيه
لأن الحبوب الموجوده هنا نسب الهرمونات فيها أخف من اللي تنباع عندنا
ناس تخاف على نفسها مو زينا ياكلون بعقلنا حلاوه وحنا ياغافلين لنا الله
فـ مايعتمدون عليها كـثير
الممرضه اللي بالعياده اللي اراجع فيها
تقول كانت تستخدم الحبوب وحملت من البوي فريند حقها
وبعد ماولدت وانفصلت عنه بعد 5 سنوات
رجعت حملت من واحد ثاني وكانت تستخدم حبوب
فـ قررت انها تركب لولب
عشان كذا انا مو ناويه اخذ حبوب ابد ابد ابد
لو على جثتي ما اخذتها .. الحمدلله ربي منعم علي بالصحه والعافيه
ليه اروح ألعب بنفسي وأجيب لي مشاكل انا بـ غنى عنها
وفيه الف طريقه وطريقه تمنع الحمل غير هذي الطريقه
هي أولا وأخيرا حرية شخصيه .. المهم تكونين مرتاحه
بس حبيت أوضح عشانك قلتي ماتسوي شي
لاتجي وحده من البنات على نياتها وتاخذها وهي ماتعرف شي عنها

سالفة التبويض ابدا لاتعتمدي عليها مو حلوه تحددين لنفسك ولزوجك اوقات للقاء
هي السالفه كلها مزاج ومو معقوله بتحرمينه من حقه عشان هذا
وقت تبويض وكلام فاضي >> بنات هذا رأي شخصي اللي مايتقبل لايجلس ينتقد
ويعارضني انا ما اغصبكم انا اقولكم واقع وشي يهمني وافكر فيه
انا ما أحب اخلي بيني وبين زوجي حاجز بأي طريقه من الطرق سواء عازل
او عد وعزل وقت التبويض وهالكلام ينطبق على المتزوجات الجدد
صعب يبقى بينكم ود اذا هالشي همشتيه ترا الرجال هذا مفتاح قلوبهم

ومن قال لك ياحبيبتي ان الحرمه اللي بتمشي على ايام التبويض هي اللي بتمنع زوجها
إنتي اذا قعدتي مع زوجك وتناقشتي في موضوع منع الحمل
بيكون هو عارف الخيارات اللي عنده وهو معك بتختارون اللي يريحكم
يعني لو قلتو انكم راح تمشون على ايام التبويض
راح يعرف ( وبعد انتي راح تعرفين ) انه فيه ايام محدده ماراح يقدر يقرب منك حتى لو انه يبيك ، وانتي ماراح تقدرين تخلينه يسوي معك شي حتى لو تبين
كذا انتي مامنعتيه من نفسك .. إنتو قعدتو واتناقشتو هو إختار وهذي نتيجه إختياره
واذا انتو ما ارتحتو لها تقدرون تغيرونها لطريقه ثانيه

اما بالنسبه للعازل .. من قال انك تخلين بينك وبين زوجك حواجز
ترا مايحتاج يحطه من أول ماتبدأ الشغله .. لا ياحبيبتي
العبو على راحتكم لما تنبسطون وتطيحون اللي براسكم
واذا قرب يوصل او يبي يوصل
ذيك الساعه يحطه .. وبعدين يقدر يشيله ويكمل شغل
هذي طريقه جدا آمنه وتقدرين تستخدمين العازل في اي يوم وفي اي وقت
بالنسبه لي انا وزوجي تكلمنا في هالموضوع قبل الزواج
وناقشنا خياراتنا ولقينا ان هذا انسب خيار لنا
ولما جربناه ارتحنا له .. لافيه حواجز ولا فيه تحديد ايام ولا شي
وانا بالنسبه لي لو دورتي منتظمه وحبينا نغير هالطريقه راح امشي على ايام التبويض او العزل الطبيعي
بس حبوب بالنسبه لي غير وارد بتاتا بتاتا على قولتهم

اقول انتبهي الله يستر لأشوفك بعد الاربعين داخله تجمع حمل مره ثانيه >> ههههههههه

هههههه والله يا اختي انا مخليته يلعب على كيفه أول الزواج
لأنه عادي حتى لو حملت .. ماوراي شي ولا هو عنده شي
كنا نبي نأخر الحمل على الأقل شهر العسل
عشان سفرنا لـ أمريكا والتمشيات وتجهيز الشقه والأغراض
نبي ننبسط أول زواجنا
وبعد مامر شهر العسل خلاص ماعاد تفرق
لاني بسافر او بروح مكان .. ولا وراي دراسه وتعب عشان أأخر الحمل
ولا اقدر اتوظف ... ولا عندي عيال عشان اقول ما ابي الحين
وهو صار يداوم بالجامعه ويرجع وماعنده شي
والحمدلله حالتنا الماديه زينه .. وشو له نأخر الحمل
فقام يخبص وحملت
بس بعد الولاده لا غير .. هو مايبي العيال اكثر مني هههه
عذبته في الحمل هنا لحالي ماحولي أحد
وهو مشغول جامعه وإختبارات وحوسه .. بيحرص على السالفه اكثر مني
وإذا ربي كتب لي وحملت .. الحمدلله على النعمه، المال والبنون زينه الحياه الدنيا
غيري مب طايلها .. حفت رجلينهم يدورونها
ادري صعبه حمل وتربيه في نفس الوقت وبعدين بيصيرون ثنين مع بعض
بس ربي مايكتب إلا الخير للبني آدم .. ليه نتسخط على النعمه
هذا اذا ماسويتها انا بعد سنه وشوي او بالكثير سنتين
وخليته يحملني غصب عنه ههههههه

[سفن بارد]

ماشاء الله عليك يامس يويو كلامك صحيح صدق العيال نعمه والله لايقطعنا غيرينا يتمنى حرام جحد نعمه ربي والله انك عاقله ماشاء الله عليك يامس يويو اهنيك

[نكهة القهوة]

كلامك عين العقل يامس يويو الوحدة ماترمي نفسها في التهلكة وبعدين تقول ياليت اللي جرى ماكان انا استخدمت الحبوب لمدة ثلاث سنين بعد ولدي وتعبت منها مره وكل مره أروح للدكتورة وتغير لي نوع ومايناسبني هلكت منها وبعدين نصحتني زوجة أخوي اني أتركها لأنها خطيرة وأثرت عليها هي شخصياً وراحت للدكتورة قالت لها أستعمال الحبوب الجنان بعينه وماتأيدها بالمره وإلى الآن تتعالج زوجة أخوي كله من الحبوب وبعدين نقول مالها أضرار كل وحدة أدرى بنفسها وهي حرة تبغى تستعملها تتحمل مايجيها وانا شخصياً تعقدت من شىء أسمه حبوب منع الحمل وان شاء الله بعدين بشوف لي طريقة آمنة ومن دون ضرر .
وبالنسبة للصداع ألف سلامة عليك يالغلا وجبت لك معلومات ان شاء الله تستفيدي منها والله يشافيك ويعافيك ياررررب.

الصداع والحمل الصداع اثناء الحمل
الصداع أحد الأعراض الطبيعية التى تعانى منها الحامل خلال فترة الحمل خاصة فى الثلاثة أشهر الأولى والأخيرة من الحمل.
الأسباب:
تعتبر زيادة معدلات الهرمونات والتغيرات فى الدورة الدموية للحامل نتيجة زيادة كمية الدم من أهم ألاسباب التى يمكن أن تؤدى للصداع خلال الثلاثة أشهر الأولى من الحمل ومن الأسباب الأخرى التى تؤدى الى ارتفاع معدل الاصابة بهذا الصداع :
1- قلة وعدم انتظام مواعيد النوم.
2- القلق والضغوط النفسية .
3- انخفاض معدل السكر فى الدم نتيجة لعدم اتباع النظام الغذائى المناسب.
4- الجفاف وعدم شرب كميات كافية من المياه والسوائل الأخرى.
أما خلال الثلاثة شهور الأخيرة فان الاصابة بالصداع تعزى بالاضافة اللى الأسباب السابقة الى اختلاف وضع الجسم نتيجة لزيادة وزن الجنين.
هل من نصائح للتقليل والتخفيف من نوبات الصداع؟
أفضل نصيحة تقدم للتعامل مع الصداع هي اجتناب الأسباب التى تؤدى اليه والتى يمكن اجتنابها بسهولة باتباع بعض التعليمات البسيطة :
1- حاولي الحصول على قدر كاف من الراحة و ابتعدى عن كل الأعمال التى يمكن أن تصيبك بالارهاق.
2- حافظى على توازن وجباتك.
3- ممارسة التمرينات البسطة لعدة دقائق يوميا قد تقلل من فرص حدوث الصداع.
هل من نصائح للتقليل والتخفيف من نوبات الصداع؟
يمكنك القيام ببعض الخطوات واتباع بعض النصائح لتخفيف الألم ومحاولة التخلص منه :
1- يمكنك استخدام كمادات المياة الدافئة.
2- "المساج" أو تدليك الرقبة والذراعين برفق يمكن أن يساعد فى التخلص من الألم
3- الجلوس فى مكان مظلم وهادئ والبعد عن أى مصدر للازعاج.
4- يمكنك ايضا الاستحمام بماء دافئ لاستعادة نشاطك وتحسين حالتك المزاجية.
أما عن استخدام بعض المسكنات فمن الضرورى اخبار الطبيب أو الصيدلى بأنك حامل وعدم تناول أى منها الا بعض استشارتهم. وكما هو معلوم أن أنسب مسكن يمكن استخدامه أثناء فترة الحمل هو "الباراسيتامول".ولا ينصح أثناء الحمل باستخدام "الايبوبروفين" أو "الاسبرين".

[na3ooma]

صباح الورد
ماشاء الله عليكم معلومات حلوة وقيمة ,,
مس يويو كفيتي ووفييتي في كل شي ..

وشي طبيعي مره ألأم الظهر , لاتنسوا اربطة الرحم بتنشد كل يوم اكثر بسبب وزن الجنين اللي بيتضاعف

والصداع برضو طبيعي ويجيني اشكال وألوان عندي
مره خلفي وقريب من الرقبة وهدا صداع توتري ..مره عند عيوني وهدا صداع عنقودي وامس جتني شقيقه بهدلتني الحمدلله بس
واخذ له بنادول الابيض ومافي منه اي ضرر باذن الله ...وطالما الصداع صعب ومؤلم لازم بنادول مومعقول نتعذب .

انا زي ماقالت مس يويو انام على جنبي وفي حضني مخدة الحمل بس اط ورا ظهري مخدة علشان لا انقلب وارجع انام عليه
بس لانه بطني كبرت لو نمت على ظهري يجيني كتمة في صدري وتحجر في بطني على طول كأني في التاسع..
وياحرام جنبي خلاااااص ينمل من كثر النوم عليه بس ايش نسوي ماباليد حيلة