"تجمع فاقدات جنين أو أكثر"..

[ريح المسك]

آآآآآآآه جيتوا على الجرح والله الضنا غالي
الحمد لله على كل حال
خسرت الحمل بس الحمدلله له شهر واسبوع ماتعلقت فيه كثير
صحيح لما حللت وقالت لي الدكتورة انتي حامل جلست ابكي من الفرحة ومو مصدقه وجاتني زي الدوخة ماعرفت وش صار فيني كانت أحلى لحظه
ومن بعدها صرت أحسب متى أخلص الشهر الاول ومتى أولد وإذا جبت ولد زوجي يختار له الاسم والبنت انا اختار اسمها
وصرت في هالدواااااااااااامه وكنت ادعي ربي يحفظه ويكون ولد
لكن ربي قضاء وقضاؤه فوق كل شي .....
صار ينزل مني شي بني ورحت المستشفى وما عطوني نتيجه وبعد يومين صار ينزل نقط دم واروح لهم مافي اي نتيجه وكل مرة اروح لهم يقولوا عادي وارتاحي واذا نزل دم تعالي
وانا والله مدلعه نفسي اخر دلع
وينزل دم اكثر من اول واروح لهم واشوف عندهم سالفه الا لا
وانا خارجه من البيت احس كأني مودعه سبحان الله جاني احساس اني راح اخسر الحمل
وسوا لي تحاليل واشعه شافوا كيس صغير مرة قال الدكتور حجمه مو طبيعي
كان بيخلوني تحت الملاحظه يومين لكن زوجي رفض ورجعت البيت وصحيت اليوم اللي بعده ونزل مني ................ قطع دم
الحمدلله على كل حال لايحمد على مكروه سواه
ربي رحمني لما نزل من بدري قبل عقلي وقلبي يتعلق فيه بجنون
وعسى ربي يعوضني ويعوضكم أجمعين ومن قال أمين
وسامحوني على الاطاله لا يوجد لدي سوى هذا المكان أتنفس فيه
لأني لم اخبر احد ماحدث لي

[غيث الأمل]

أنا فقدت حملين الأول كان 6شهور و8أيام والثاني 4شهور و3 أسابيع كلهم كانو بنات كلهم ولادة مبكرة بدون أسباب ويكون كل شي تمام الا ان الرحم ينفتح فجئة وينزل على دم وأولد... والله بعد ولاداتي النفسية مرررررررررة تعبانه لكن الحمد لله على كل حال الله يعوضنا خير ...
لكني قبل أسبوعين كنت عند أهلي ورحت عن مراخة قلت يمكن فيني ميلان في الرحم او رخاوة أو شي مابين عند الأطباء... المهم لما رحت لها بدت تمرخ ضغطت على منطقي في الرحم وكانت تقولي اش تحسي قلت نبض قالت هذي القرينة هي الي تنزل لك عيالك والله أني خفت مرررررة وأنا من قبل فسرت حلم لي لأنه اتكرر لي بعد ولاداتي الأثنين قالو لي عين أمرأة حاسدة تنزل الحمل ....
أعوذ بالله من الحاسدين والحاقدين الله يصرفهم عنا
بس حابه أنصح نفسي وأياكم نلازم الرقيه وقراءة سورة البقرة أو سماعها عسى الله يعوضنا خير
والله أحنا في حالنا والناس شغالين حسد الله يشغلهم بأنفسهم عنا
ربنا هب لي وأخواتي ذرية طيبه سليمة معافاة من كل نقص وعيب تامة الخلق والخلقة ...آمين

[نجمةالشرق]

اخواتي سلام الله عليكم
انا اجهضت ولي الآن 11 يوم من الأجهاض وقد اجهضت مرتين المرة الأولى توقف نبض الجنين وعمره سبع اسابيع والمرة الثانية بعد ان حللت بعدها با اسبوعين نزل ماذا افعل للعلم عندي ولله الحمد طفلين انجبتهما من دون مشاكل ماذا افعل حتى لا تتكرر مأساة الأجهاض والله يسعدكم ويفرحكم بأولادك انا من المنطقة الشرقية السعودية اي دكتورة ترشحونها لي تكون فاهمه لهذه المشكلة والقى عندها العلاج . واللي مرت بهذه المشكله وتعالجت منها وانجبت طفل تقول تجربتها الله يرحم والدايكم ويعافيكم

[ام نادرالزين]

السلام عليكم .....انا فقدت بنتي صار لي خمس شهور كنت في الثامن فجاه ماتت في بطني والحين صار لي من الدوره شهر ونصف ادعولي اني اكون حامل

[دلـ أم ـع]

انا قصتي غيييييير عنكم طبعا حملي في بنتي كان بعد سنتين من زواجي والحمدلله جبتها بقيصريه وفجأه اكتشف اني حامل وعمر بنتي 6 شهور المهم جلست ابكي مو عشان شي لا والله بس ان بنتي صغيره ويبي لها رعايه واهتمام المهم طبعا زي اي ام خلاص تعودت وحبيته اكتشفت بعدين انهم توأم بغيت انجن عشقتهم بجنون وحبيتهم وقمت اتخيل اشكالهم وش راح اسميهم لما دخلت شهري الثالث خف علي الوحم وانا من قبل كان ينزل مني نقط بنيه وما عطوني شي الا تحاميل ومرهم خارجي تقول عشان الالتهاب وبعد فتره كنت كل ما اروح اسوي سونار يقولون مو واضح مافيه نبض وصدموني لما قالو خلاص تحتاجين تنظيف بيكت من كل قلبي الحين لي 5 شهور من اجهضت واستخدم مانع لان ماودي احمل وبنتي باقي صغيره بس قلبي للحين متعلق فيهم
اسأل الله العضيم ان يجعلهم شفعاء لي و لوالدهم وان يرزقني خيرا منهم
اااااااااااااااااااااااااااااااامين

[مزن السحب]

وانا واول حمل اسقطه كان بعد 3 اشهر من زواجي
وبعده عملت تنظيف لكيس من غير جنين
وهذا الشهر نزل الجنين قبل ثلاث ايام
وسبحان الله ينزل الجنين كقطعة لحمه
والحين معاي نزيف شديد اتصلت على دكتورتي وقالت تعالي بعد اسبوع عشان اشوف الرحم نظيف او تحتاجي تنظيف
\بس اسالكن اخواتي لازم التنظيف لاني في اول اسقاط ماعملت تنظيف وعملت التنظيف لما ما نزل شي بس كان كيس فاضي وقالو لازم ننزله لانه فاضي
بس الحين ما ابغى اسوي لاني سمعت ان التنظيف اذا ماكانت عند دكتوره ممتازه فيسبب تليفات في الرحم وهذي التليفات تمنع الحمل
انتو ايش رايكم ؟؟؟؟؟؟؟؟؟؟؟؟

[نجمة ذهبيه]

انا حملت من 4 اشهر من الزواج واجهضت من الشهر الاول في الشهر ذي العقدة وللحين ماجتني الدورة ادعولي اكون حامل لاني حييييييييييييييل ابغى احمل لاني ابغى اتطمن على نفسي

[شموسه]

اسال الله ان يعوضكم بالحمل السليم والثابت

اميييييييييييييييييييييييين

[شموسه]

	السلام عليكم ورحمة الله وبركاته حبيت اجمع الامهات للي يكون عندهم اجهاض مكرر ويفيدون من بعض ويشوف تجاربهم ويساعدون بعضهم واتمني من الله ان يرزق كل محرووووووومه بالحمل الثابت امين

[لوووورا]

فديتك ربي الله لا يعيد ايام الاجهااااااض بنات بليز لا تفكرون بالحمل لم تتاكدون وش فيكم وش سبب الا جهاض وربي تعبت في الاجهاض


والامل بالله اكبر وتوكل على الله

وسوى تحليل الاجسام المضاده وتاكدوا من غير الرقيه الشرعيه وتحليل الهرمونات واهم شيء تاكدي من الرحم سليم

بنات افضل شيء علمية تنظيف الرحم