تجمع امهات التوام حياكم

[زود الغلا]

هلا نارا الله يبارك فيك انت وشازل ماقصرتوا . سميتهم نور وحلا

[زود الغلا]

نوع الجنينين
بنات

هل جلسوا في الحضانه
لا

نوع الولاده #
قيصرية بنج نصفي

كم أوزانهم وقت الولادة #
كيلوين مية / وكيلوين الا مية

حمل طبيعي من الله ووراثة بااعايلة من الطرفين
وكم مدة الحمل
37أسبوع

واعمارهم حاليا وطريقتها في الرضاعة
اسبوع :)
وطريقة تنظيم وقت الرضاعة
كل ثلاث ساعات
وإن كانت طبيعي كيف توفقين بينهم
للاسف ايبون صدري فاضطر اني اشفط الحليب واعطيهم .
وإذا الحليب بدأ يقل وينشف وش الحل
مالنا الا الصناعي لانه حليب حيل قليل ,
وكيف نبدأ ننظم النوم
الله يعين ماعني فكرة
ومتى نحاول في تنظيم نومهم وكيف
اتوقع بعد شهرين يتنظم النوم لوحدة
... ونوع الحفائض ،
بامبرز..
،، وش أكثر شي متضايقه منه
الوضع الحالي كلة
،،، والادوية اللي يأخذونها
ماي غريب
،، مين يعاونك ويساعدك عليهم وعلى اخوانهم اللي من قبل وعلى شغل البيت وإذا كانوا شغالة كم واحدة وكيف تنظيمك معها ،،،
امي واختي وعندي خدامة وزوجي احيانا يشوف عيالي الكبار
واللي يدرسون أو يشتغلون وش بيسون بعد فترة
على ما اداوم الا عمرهم 9 شهور لاني باخذ اجازة امومة الا تكون عندي خدامة

،، وش تعطونهم يشربون غير حليب
ولا شي

ومتى بتبدون معهم أكل وراح تبدون بإيش ،،
من 5 شهور رز بطاط جزر كوسا
طريقة استحمامهم وكل كم ؟؟
لحد الان بس مرة حممتهم بس مراح احممهم على طول مرة بالاسبوع كافي .

[لينا 3]

مساء الخير على الجميع ومبروك لكم الولاده والحمد لله على سلامتكم حبيباتي كلكم دون استثناء والله اني اشتقت لكم في تجمع التوائم ولاصرت اخش لاني بصراحه احس اني الوحيده في التجمع الي في الشهور الاخيره والجدد كلهم ماعندهم خبره زيكم دخلت بينكم لاني بصراحه اتمنى اغمض وافتح والاقي نفسي بينكم بصحه وسلامه يارب وتعبت من الثقل والتفكير قسم بلله انصدمت يوم الاربعاء رحت لموعدي بعد ثلاثه اسابيع وقالي الدكتور توك 34اسبوع واربعه ايام وقالي مستحيل اسوي لك عمليه بستناك تولدي طبيعي وانا ماكنت ابغى اولد طبيعي وجلست ساعه اناقشه وقالي تعاليني بعد اسبوعين وشيلي فكره العمليه من راسك .... بنات تكفون ايش اسوي ابي اولد وابي عمليه عشان مااطول انتضر الولاده الطبيعيه خصوصا ان امي جات عندي على بالها قربت وانا لسى بنتضر الطبيعي وهيه على اعصابها ماتبي تطول عندي وموعدي عند الدكتور النشبه بعد اسبوعين وش تنصحوني فيه اخواتي الغاليات هل اصر على العمليه لاني تعبت ومليت وهو يقول انتي وضعك طبيعي مارايح اسوي لك عمليه """ بنات مين سوت عمليه وكان وضعها طبيعي وهل العمليه حسب طلب الام لانه مره معاند الدكتور الله يعيني على الثقل طولت لاكن تحملوني والله يخلي لكم عيالكم يارب .

[حور العين]

اهلين محجبه انا الحليب تبعهم اس26العادي مو حق الخدج وفعلا وحده من البنات سبب لها امساك بس مااحاول اكثر منه بس وقت النوم اولما ماكون موجوده معاهم والنوم على الشهرين ونص يبدا يتنظم ..
زود الغلا الحمدلله على سلامتك ومبروك العراااااااايس ويتربو في عزك وعز ابوهم ان شاءالله

ياأمهات ياحلوين ..ابغى اسالكم بخصوص الحليب الصناعي انا ابوهم هذي المره جاب علبه كبيره حق الحليب والمفروض تستهلك الكميه خلال 4اسابيع لكن لسى مليانه باقي نصهاهل ارمي العلبه ولا احطها في الفريزر زي ماكتبت وحده في منتدى ثاني ولا اش اسوي بلييييييييييز شورو علي

[جومانا]

سلاااااااااااام احلى امهاااات
اخيرا انضميت لكم وجبت احلى ولدين طبيعي الحمدلله
واوزانهم كانت 2كيلو والثاني 1800جرااام
واعطيهم سميلاك ونفسي اعرف حليب كويس ومايسبب امساك ولاغازات
ويكبرهم
محجبة زود الغلا كيف انتم حايسييين مثلي ماني عارفة اسوي شي
وصايرة انسى كثير واحسه شي اكبر مني ومسؤولية ماني قدها

[بروفكشن]

السلام عليكم


شخباركم بنااااااات


جومانا بغيت اسألك البيبيات طلعوهم بسررعه ولا خلوهم عندهم

[زود الغلا]

لينا3 انت ليش مستعجلة وانت على بالك العملية سهلة احمدي ربك ان امورك زينة الحمدلله ومو بكيف الوحدة تختار طبيعي والا عملية على حسب حالتك وكل ماقعدوا البيبيات في بطنك افضل لك ولهم عشان يكبرون ولله يهون عليك
بالنسبة لحليب بناتي اسمه نوفلاك العادي وماشي معاهم وبالنسبة لسيميلاك ما احبة كلة غازات .

[محجبه]

حور عين
الله يعطيك العافيه يارب ومنكم نستفيد
زود وجومانا وشلونكم
مبرووووووووك عليكم وجومانا الحوسه ضروري وللحين ماستوعبتهم ربي يعينني عليهم
لينا
قررررريب تنظمين وياما تمنيت وجيت بالصف يارب لك الحمد

بنااااات احس بارهاق فضيع دقيت على دكتورتي قالت طبيعي وماتسترجعين قوتك الا بعد ثمان شهور الى سنه والله هالحمل كبرني عشر سنين وماااات حيلي
انتم مثلي ولا انا بس عطونا علومكم

[اول غرام]

مرحبا بنات

اخباركم واخبار عيالكم ...؟!

وش مسوين ..؟ اكيد حايسين معهم ...؟

انتم السابقون ونحن اللاحقون ...

بروح اشبع نووووم قبل يجيني السهر اللي على اصوله ...

حبيت اسألكم

ابي اخذ نبذه عن الملابس .. احس اني حايسه ...

وش اخذ نيو بورن ولا من 0 الى 3 ....؟

لاني مابي اشتري مره ثانيه الا بعد شهرين تقريبا او 3 من ولادتي

ابي اقضي مره وحده ...

والسرير ناويه اخذ واحد وبعدين 2 ولا وش تشوفون من واقع خبرتكم ...؟؟

واذا واحد متى ابدا افصل بينهم ..؟

[شازل]

تتلمس كل أم بعد الولادة العديد من الطرق لتربية الطفل الرضيع تربية سليمة وذلك من خلال تنظيم نوم الطفل الرضيع، ففي الشهور الأولى بعد الولادة تكون الأم مرهقة للغاية، والسبب الأساسي هو عدم انتظام نوم الطفل الرضيع، وتلك هي الحقيقة لأن معظم الأطفال حديثي الولادة يكونوا في حالة ذهول عند خروجهم للعالم.


لذا عند تربية الطفل الرضيع يجب التعامل معه بمرونة وخاصة عند تنظيم نوم الطفل الرضيع، ويجب على الأم أن تدرك الأم جيداً أن الطفل الرضيع حديث الولادة لا يمكنه التفريق بين الليل والنهار وأنه لا يستطيع التحكم في عدد ساعات نومه.


10 نصائح لمساعدة الأم على تنظيم نوم الطفل الرضيع:

• تجنب مداعبة الطفل قبل وقت النوم؛ ومحاولة إجراء روتين يومي للنوم الطفل من خلال وضع الطفل الرضيع في سريره الخاص به في نفس التوقيت يومياً.

• المثابرة مع الطفل الرضيع، فسيعتاد الطفل في النهاية على التأقلم مع الروتين اليومي للنوم وسيصبح للطفل الرضيع نظام نوم منتظم.

• الحرص على تغيير الملابس المبللة قبل نوم الطفل؛ لأنها من العوامل التي تساعد الطفل الرضيع على النوم نوماً عميقاً ولتجنب إصابة الطفل بالتهابات.

• التأكد من درجة حرارة غرفة الطفل الرضيع وغلق جميع نوافذ الحجرة قبل نوم الطفل، والتأكد من عدم وجود أي تيارات هوائية في الغرفة.

• حمل الطفل الرضيع ووضعه على الكتف بعد الرضاعة، لتسهيل عملية نوم الطفل الرضيع.

• احتضان الطفل قبل النوم فهذا الوضع يجعل الطفل الرضيع ينعم بنوم هادئ.

• محاولة تدليك ظهر الطفل الرضيع برفق قبل النوم فقد يكون لديه بعض نوبات المغص التي تجعله غير قادر على النوم.

• وضع الطفل على جانبه عند النوم مما يساعده على الاستغراق في نوم هادئ.

• تغطية الطفل جيداً؛ فالغطاء مهم لكثير من الأطفال حيث يشعرون بالأمانً، وهذا سيساعد الطفل الرضيع على نوم هادئ.

• تخفيض الإضاءة عند نوم الطفل الرضيع لكي يصبح الجو هادئاً فيشعر الطفل بالراحة والاسترخاء.