أحلى تجمع لحوامل التوأم الجزء الرابع

[jood]

نصيحة لا تستعجلون عالربط
الا اللي عندها مشاكل من قبل واجهاضاا متكرره
او ولادات مبكره

انا ولدي عمره 3.5
واقلقت المستشفى كنت ابي ربط
رغم انه ماكان عندي مشاكل بولدي الاول
بس خليفه عالتوينز

ورفضو رفض تام
حتى بعد النزيف حاولت فيهم ورفضو

وبالشهر السابع ازعجتهم ابي ابرة الرئه وبرضو رفضوووووو
قالو نعطيها للي عندها بوادر ولادة مبكره

بس من بداية النزيف وانا يوميا اقرا البقره
وملازمة الاستغفار اكثر من الف مره باليوم
واقرا الاذكار عليهم صباح ومساء
كل هذا بنية ان ربي يثبت حملي ويرزقنياهم سليمين تامين المدة والخلقه

والحمد لله من قبل وبعد

اهم شي توكلو على الله
واعملي بالاسباب


الله يتمم لنا اجمعين

دعواتكم اولد طبيعي

[ام حنونه ه]

المشاركة الأصلية كتبت بواسطة jood

هذي صورة السرير

رئيي غير مناسب ابدا لانه هذا محبس مو سرير يستخدم يلعب فيه الطفل وقت انشغالك
راح تعاني من بعد الطفل اذا جيتي تاخذيه او تنوميه خصوصا بالنفاس والاضائه تزعجة
لانه شبك وبدون مظلة وبارد اذا الغرفه مكيفه

[jood]

اهلا ام حنونه
انا جربت السرير الخشب بغطاء بولدي الاول

وماكان معه طاولة تغيير
بحملي هذا تفاديت كل اخطائي

وان شا الله مااندم عليها

[ام حنونه ه]

المشاركة الأصلية كتبت بواسطة أشـــــواق~

مساء الخير ~

شكراً لكل من دعا لي ومن سأل عني
الله يتمم لي ولكم على خير ..
ويهون على جود وكل الواصلات يآرب ~

*أمآ أنا *


النفسيه جزمه

رحت يوم الأربعاء على الوعد الساعه 8
وسويت اشعه وقابلت طبيب التخدير بعدها الطبيبه
بعدها رجعوني للأشعه وطال النقاش بين الدكتوره واستشارية الأشعه
قلت بسسس البيبيهات فيهم شي

ضيقوا صدري مره وبعد مانشفوا ريقي وروعوني نادتني الدكتوره
وقالت مارح اسوي لك شي طول عنق الرحم عندك 3 وكل شي عندك تمام مؤقتاً ~
قلت طيب وين حكيك قبل ،، انه افضل وانك تنصحين فيه وعشآن ما اتفاجأ بولاده مبكره ..
قالت هالحكي موش نهائي هذا الكلام اليوم حرام اسويها لك طالما الوضع مستقر
وانا اخذت رأي استشاري نساء وولاده ورأي استشارية الأشعه وكلهم ما أيدو
ويقولون الوضع الآن تمام ونعيد تقييم الوضع بعد اسبوعين يعني بعد الأسبوع الـ 15..
وعطوني موعد بـ 9/ 5 هجري بعد اسبوعين ..

طلعت محبطه يابنات ودموعي 4 / 4
يقولي زوجي احمدي ربك واشكريه وان شاء الله ماتحتاجينها على طول ..
قلت من اول ادعي ربي ماحتاجها بس يكفي شايله همها وبالأخير ماتنلغي تتأجل
يعني بعد بشيل هم اسبوعين ثانيات~

دقيت على أمي وياحياتي هي تقول الله يبشرك بالخير هذآ دعائي لك ..

الله يكتب لي ماكان فيه خير وخيره..
وكلت امري لـ ربي هو حسبي ونعم الوكيل ..
ولاتذكرت اني مستخيره قبل كل شي اقول خيره ~

الحمدلله ما تحتاجي بالعكس نعمة من ربي اصلا اانا اول طفل سويت ربط وجاتني ولادة مبكره وقررو يفكونه يعني ما فادني بشي حتى فكة بدون بنج معانات نصيحتي الزمي الورد اذا عندك سابق ولادة مبكرة والدعاء والراحة واذا حسيتي بتقلصات زايدة خذي مثبت الله يكتبلنا الخير جميعا اذكر وقت ربطت كان معي وحده مفتوح رحمها رقدوها وربطت وما اثر بالحمل يعني لو انفتح في امكانيه يربطونه اهم شي مايكون في طلق وكيس الجنين سليم

[هيبة أنثى]

ادعولي بنات اني انا بعد ما احتاجه انا عندي اجهاض سابق بس على كلام دكتورتي انه ماله دخل لان حملي الي اجهضته عمره شهرين
وتقول مو شرط تحتاجين بس مادري انا فيني خووف وقلق من هالموضوع يارب يمشي حملي على خير :(

[jood]

ان شاء الله ماتحتاجينه

الاجهاض اللي يحتاج ربط يكون بالشهور الوسطى
الرابع الخامس السادس

توكلي على الله
وربي مايخيب رجاك

[هيبة أنثى]

الله يسمع منك جود
ربي يسهل عليك ولادتك ويقرعينك بشوفتهم

ويتمم حملنا على خير ان شاءالله

[الشموع المضيئة]

اميرة الجوري الله يتمم لك علي خير ويفرحك بشوفتهم يارب

نبض عبودي انا نفس الشي اول وحده بنت واتاكد والثانيه مااتاكد الا علي الاسبوع 19 وللحين ما جهزت غير شي بسييييط شريت من النت كم قطعه والرضاعات اخذتها بس باقي الملابس والكوافل والبطانيات يعني وراي مشوار وانا يادوب امشي اوقات واوقات لا الله يسهل علينا

اشواق الحمدلله كل شي خير وبعدين كل تاخيره وفيها خيره لا تبكين ولا تنكدين ان شاء الله ماتحتاجيها

[الشموع المضيئة]

بنات انا نفسيتي شيينه لللاخر شايله هم المجهود اللي اسويه يوميا لا سمح الله تجيني ولاده مبكره و اتعب او اي شي لان الحين تعبانه من المشي مررررررره باتعب كثير وبااتالم خصوصا لمن اكون متمدده علي السرير مااقدر لا اقلب يمين ولا شمال الام مو طبيعيه في فخوذي والعظام من اسفل وغير المجهود اللي اسويه اجري وري عيالي وبيت دورين مررررررررره اوقات اجلس ابكي وانا من النوم الحاااار مره لو شفت ورقه طايحه كنست البيت ولا ابي شي مو في مكانه بس اجري وري عيالي وتعرفون الصغار الله يحفظهم بس يرمون وانا اشيل ولو طنشت وقلت ماباسوي شي بس يعدي يوم تلقون البيت حوووووووووسه احس عيالي ملوا من الروتين ماسرت اجلس معاهم ولا شي يادوب اعطيهم حقهم اكل ولبس وغيار وخلاص . مرررره النفسيه دمار واذا اني في البيت ابي اطلع طفشانه ولو طلعت مالي نفس امشي او اسوي شي مااقول الا الله يسهلنا ويعدي الايام علي خير

[jood]

شموع انتبهي لصحتك ونفسيتك
وانتبهي من شغل البيت
ارتاحي عالاخر
جيبي شغاله او احد يساعدك
كلها كم شهر وترتاحين