تجمع حبيباتي الكروشات اللي راح يولدون بشعبان

[na3ooma]

المشاركة الأصلية كتبت بواسطة king_ro7e

بنآت سؤآل
متعودة آحف آلمنطقه آلحسآسه بآلشمع بس فجئه يوم دخلت آلثآمن كبر بطني صرت مآشوف
شسوي ومآعندي في آلشقه غير آلشمع وزوزي بيجي بعد بكرآ :-(
آستغربت من كبر بطني آلفجآئي آلى نهآية آلسآبع وآنآ بعدي آشوف وآقدر آشيل بس آليوم جلست بجرب مآعرفت :-(

البطن تكبر بسرعه دي الفترة والبيبي كل زيادة وزنه وحجمه تكون اخر اسابيع
عاد ماعندك الا المراية مافي حل ثاني للاسف كلنا مانشوف ايش صار تحت هههههههههه

[king_ro7e]

وشكله هذآ آلي رآح يصير يآنعوومه
بروح آتهآوش مع نفسي عبآل مآخلص ^§

[Miss YoYo]

مساء/ صباح الورد يا كروشات
اخبار الحلوين وأخباركم ؟

يـــوه انا حياتي صايره سلطه
موب لاقيه وقت حتى اقعد ع النت .. نومي مخربط ويجيب الألم
كل ساعه صاحيه داخله الحمام ( الله يكرمكم ) من المويه اللي اشربها
او احس ان جنبي يألمني وبقلب ع الجهه الثانيه .. ساعه على ما اقلب هههههه
مايمديني أخلص إلا هي قد طارت نومتي

قاعده انظف البيت وأرتب شنطة المستشفى عشانهم يعطوني موعد كل 3 ايام
يتأكدون من كمية المويه ونبض الجنين
ولو صار شي لا سمح الله بيخلوني عندهم
وابي ارتب البيت وغسلت ملابس عبود وركبنا السرير بس باقي مافرشته
زوجي يداوم وغدا وعشا وحاله ، وجاراتي زاروني يومين
دوبي اصحى إلا القى الوقت ليل وانا ما احس فيه

حبيباتي غيت اسألكم .. حد يحس كذا فجأه ان نفسه ينقطع
احس قلبي يبدأ يدق بقوه ونفسي ينقطع كذا دقيقه ويرجع الوضع طبيعي

وبعدين ليش فجأه كذا بديت احس ان رقبتي بدت تسمر
ما اتفقنا ع الآخر تبدا الحركات اللي مالها داعي

رحت البارح موعدي عند دكتورتي دقت علي قالت تعالي بشوفك
ورحت العياده لها قالت لي كرشتك مره نازله .. تحسين بألم او مغص
قلت لها شوي بس مو مره قوي . قالت انتي عشان عندك شوية طلق
وبسبب نقص المويه خليني اكشف تحت اشوف مفتوح ولا
وانا اقول كذا ماله داعي مافيني شي قالت لازم لازم
خليتها تكشف وبعد مارجعت البيت شفت نقطه صغيره مااااره ورديه
ومن وقتها احس فيه شوية اممم تقلصات او مغص يجي بين كل فتره وفتره
مو مره قوي اتحمله عادي .. بس خايفه يكون صار شي من كشفها
اخاف اكلمها وتقول لي تعالي عندي وترجع تكشف
واخاف اقعد كذا ويصير شي ، موب ناقصه تسريبات يالله المويه مكفيه البيبي


أم امجاد / الحمدلله على سلامتك و مبروك العريس ..... الله يرزقكم بره وصلاحه

[آوم جومآنا ~]

اي مسس يويو على النفسس دايم ينقطع خاااصه لا جيت انام او لا مشيت شوي بعدين قمت ويجيني معاه دووخه ...

الله المسستعان بسس

[king_ro7e]

مس يويو إنآ نفس حآلتك مع آلنفس وآلآسودآد آله يعينك آنإ نفسك رقبتي بدت تسووود بشكل مو طبيعي ومفآجئ
آلله يعين ويسهل ولآدتنآ يآرب
وآلطلق آخ مآسك معي من نهآية آلسآبع وبطني برضو نآزل وقآلت لي آحتمآل ولآدة مبكرة بس آلحمدآلله آلجنين كويس وآلولآدة آي وقت ربي يكتبهآ بجي
وآلنوووم آه لآتذكريني صآير مرآ قليل نومي آصحى آروح دورة آلميآه آرجع مآيجيني نوم ومآيمدي آنآم آلآ آتشقلب وعبأل مآتشقلب الا اصحى
آحس تعبت من آلنوووووم آلله يعيييييين

[نسمة بحر]

كيفكم يكروشات ابغي أسالكوا ايش الأعشاب اللي راح استخدموا في النفاس ايش رأيكم في الخمس فناجيل

[سفن بارد]

صباح الخيرات ياكروشاات
غطيت عنكم اليوم شكلكم مافقدتوني ههههههههه
لاني اليوم تعباااانه من الانفلونزا هادتني حييييل يارب تشفيني
اعتذر ماقريت الصفحات السابقه

[king_ro7e]

مآتشوفي شر سفووونه وآلله يعين على آلآنفلونزآ
آخبآرك وآخبآر آلنونو آن شآلله كويسين

[نوره الأموره]

كروشات لاتنسون سورة الكهف اليوم

[دمعة طفل]

السلام عليكم كروشااااات كيف حالكم
مين صار لها مثلي والله تعبانة الاسبوع الي طاف رحت حق موعدي وسوت التصوير قالت الدكتورة عندي ماي زايد حول الجنين ويمكن يكون عندك سكر بس سويت تحليل مافي سكر قالت احتمال يكون في تشوه في الامعاء للبيبي والله خلاني انهار انا زوجي اكيد
خمس مرات يصوروني ونفس الاجواب ونزلاني تنويم تحت الملاحظة مدة يومين وفي النهاية ارسلوني لي مستشفى الولادة حكومي هناك سويت التصوير والفحوصات وقالو البيبي سليم مافي شي الي صاير بس زيادة الماي ويمكن ولادة مبكرة وعطوني متابعة مرتين في الاسبوع ازورهم ....... مين صار لها مثلي او تعرف مثل حالتي طمنوني لا تنسوني من دعاكم والله محتاجة.... وسلامتكم