دردشة بنات مصر , دردشة حوامل مصر , تجمع بنات مصر

[om arwa]

المشاركة الأصلية كتبت بواسطة أم إياد

ايوة ياسما هو الظاهر كده فعلا طلق البنات خفيف
لاني مع اني كنت بكرية لسه الولادة اللي فاتت
الطلق من ساعة مابدأ آي نعم خد وقت على مايحمى
بس ماوقفش خالص من ساعة مابدأ

المرة دي بقى تيجي طلقتين خفاف كده وبعدين اقعد ييجي ساعة او ساعتين مافيش حاجة خالص

وبالنسبة للمشي مش قااااااادرة
جربت كل اللي باحسه تقل فظيع بس
لكن مافيش طلق

والدكتور قال في اتساع 2سم بس ايه لازمته اهم حاجة عندي الطلق يحمى
تقعدي يوم ولا يومين المهم ماتجيش لا لما يبقى منتظم كل 3 دقايق

وبعدين خايفة في الظروف دي بقى تنزل مية من حوالين الجنين ويكون الطلق لسه بسلامته واقف

لا طبعا ل الرحم فتح
حتى لو وانتى مش حاسة بحاجة هتولدى
مانا بقلك امشى اعملى قرفصاء عشان يحمى
بس اختى فى بنتها بردو يعنى كانت بالوصف اللى بتقولية ده الساعة 3 حمى ع الساعة 12 بليل
من غير طلق صناعى
ان شاء الله هيحمى
وافرضى كيس الميا اتفتح
هتلاقى الطلق حمى جدا وولدتى
فين ناس كتير بتنزل عليها الميا الاول
بس ان شاء الله مش هتنزل الا وانتى فى المستشفى
ولو فى اى وقت نزلت تروحى المستشفى على طول
لان الطلق هيحمى اوى وكمان يتاعبوا نبض الجنين
يابت ماتقلقيش وماتفكريش
ربنا قت ماه كاتب
هتلاقية قال لللملك خرجة
انتى شايلة الهم ليه
سبيها على ربنا
هو اللى بييسر وهو اللى بيسهل وتوكلى عليه وخلى ثقتك فى الله قوية انه هيسهلك اوى
وتولدى فين وازاى ولية مش مهم كلة بايد ربنا
اهدى يا بت وقومى اقرى قران على بطنك
وسورة ياسين لم قرأت له
الاستغفاااااااااااااااااااا ر
من لزم الاستغفار جعل الله له من كل هم مخرجا ومن كل ضيق فرجاااااا

[MALAK2010]

بصى يا ايه انا يومك ولادتى ماحستش باى الم ولا جالى علامه الولاده بس الميه اللى حوالين البيبى بدات تنزل وقعدت تنزل بكميات كبيره حوالى 12 ساعه بس الميه مانشفتش لانهم كانوا كل شويه بيشيكوا على نبض البيبى والدكتورة عاطتنى طلق صناعى علشان الرحم يفتح بس مافتحش خالص فاضطريت اولد قيصرى انا قلت احكيلك ممكن تستفادى حاجه من ولادتى

[om arwa]

المشاركة الأصلية كتبت بواسطة أم إياد

جزاكي الله خير ياسما
هاحاول اعمل الحركة دي بس اما ربنا يسهل كده والطلق يرجع
دعواتك

بس يا سما كده مش غلط طبيا ان نقعد كام يوم من بعد نزول العلامة نستنى الطلق يحمى؟؟
اقصد يعني كده مش يسبب تلوث للجنين طالما نزل شعيرات دم يعني المشيمة فتحت ومعرضة للتلوث لا قدر الله

وكمان لو حصل ونزلت مية جنين والطلق لسه مش حامي.. برضه ده مش يسبب تلوث؟؟
ولو عملت حركة القرفصاء مش تخلي المية جوه تقل اكتر؟؟

لا طبعاااااااااااااااااااااااااااااااا
يا بنتى العلامة دى
هى المخاط اللى قافل عنق الرحم
اما بينزل دليل على ان الرحم بدا يفتح
ولا المشيمة اتفتحت ولا الكيس اتفتح
لسة النونو جوة الكيس ومفيش اى تلوث ووووووووواصلة
القرفصاء هتقلل الميا ليه
هى بس هتخلى الراس تضغط على عنق الرحم وتفتحة اسرع

[أم إياد]

ياااااارب ياام سلمى
ربنا يخليكي ويخليلك سلمى

سما تسلميلي ياحبيبتي
ربنا ييسر من عنده ان شاء الله
هو الطلق عندي مش منتظم ولو رحت في النوم بيقف
يارب يحمى بقى واولد يااااااارب هون

[MALAK2010]

ازيك يا ام اروى عامله ايه

[أم إياد]

اه ياام سلمى قريتها
ربنا ييسر من عنده ويقدملي اللي فيه الخير
ونقوم بالسلامة بس ياااااارب

سماااااا تعبتك معايا ياحبيبتي معلش بس قلقانة اصل ما حصليش كده الولادة اللي فاتت
الطلق كان شغال عادي ماوقفش بس طول

آخر سوال ياسما يعني الولادة ماتتمش الا لما يبقى الاتساع 10 سم؟؟
وحتى لو الطلق مش حامي؟

[أم إياد]

المشاركة الأصلية كتبت بواسطة om arwa

لا طبعاااااااااااااااااااااااااااااااا
يا بنتى العلامة دى
هى المخاط اللى قافل عنق الرحم
اما بينزل دليل على ان الرحم بدا يفتح
ولا المشيمة اتفتحت ولا الكيس اتفتح
لسة النونو جوة الكيس ومفيش اى تلوث ووووووووواصلة
القرفصاء هتقلل الميا ليه
هى بس هتخلى الراس تضغط على عنق الرحم وتفتحة اسرع

اصل انا نازلي مع المخاط امبارح دم هو شعيرا كده بس كتييييييرة
ودلوقتي برضه من شوية نزل تاني

طيب لو حسيت بمية نزلت ما اعملش القرفصاء صح؟
والمفروض افضل فاردة جسمي عشان المية ماتقلش؟

[om arwa]

اها اهم حاجة الرحم يفتح يا ايه


الحمدلله يا ام سلمى
هى عاملة ايه

[MALAK2010]

سلمى كويسه الحمد لله بتبوسك بوسه كبيرة

احنا عاوزينك تتخصصى اطفال والبنات اللى لسه حوامل عاوزينك تتخصى نسا وولاده
انتى بقا عاوزة تخصص ايه اوعى يكون عيون هههههههههههههههههه

[om arwa]

لو نزلت تروحى المستشفى
عشان يتابعوا نبض الجنين وفتح الرحم
ويشوفوا الميا اللى باقية كفاية ولا لأكدة