دردشة بنات العراق, دردشة حوامل العراق , تجمع بنات العراق

[sarabaghdad]

تسلمين حبيبتي ويخليلج نورهانه وبنوتج الجديده وتكومين بسلامه


شوفي نزلت عليه علامه دم ومادة مثل الجلاتينيه عفتها كلت عادي وراها جان ينزل عليه مي رحت للقابله كالت عندج احتمال زرف بالكيس مال طفل روحي مستشفى احسن رحت للمستشفى مال القاء للولاده
والله فحصوني كالو عندج زرف تبقين تحت المراقبه زاد المي والدم
وماعندي اي طلوكه كلتلي دكتوره كلها علاماتج مال ولاده بس ليش ماعندي طلوكه المهم
بقيت ثاني يوم نزلت للدكتوره بل 6 فحصوني عندي توسع بس اصبع ونص
مقبلو اطلع للبيت واذا اطلع ف على مسؤليتي
بقيت جتي دكتوره كالت من يصير عدها اصبعين طكو مي لراس المهم صار طكولي لمي ومغذي ضربوني بره طلق صناعي صار عندي الم بس مو ليموت اجوي فحصوني شافو نبض لطفل قلان راسا حولوني عمليه لان كالو لو باقيه شويه جان بالخسائر الطفل وصار عندي التوسع 3 بس من وره نبضه حولوني عمليه وطلع عندي عنق الرحم من فوك مدينفتح
يصير توسع من جوه بس من يم الرحم مباشر مديفتح والحمد لله على كلشي هايه قصتي شفتوها الله يكوم كل وحده بسلامه ياربي

[ام نورهانه]

فوفو عمري شلونج وشلون الكتكوت حبيبي ربي يحفظه ويجيبه بالسلامة هو وصديقته هههههههه ولج اشو خفت اشو تجمعنه كلهن جابن عمليه ولج تعالي دبريني صار بيه واهس شلون شسوي علمود اتجنب العمليه نهااااااائي لان هاي العوبه مرات احسها تفتر هواااايه ابدي امشي واشتغل شغل قوي لو انتظر فد اسبوع اسبوعين علمود تنزل بسرعة


[color="rgb(0, 191, 255)"]زنوبة حبي شلونج وشلون الكتكوته ربي يخليها وتجي بالسلامة لج هاي يجوز دوالي اذا طلعتلج دمارات بنفسجية حتى لو خفيفة هاي تعتبر بدايتها انصحج الوكفه قلليها كلش وان شاء الله ماكو شي وتطلع تشنجات عادية
[/color]
سارة الصين حياتي شلونج انتي وشلون النونو وبناتكي يبوسون ايدج ياروحي انتي شلونج

نجوله وايوته وينجن حبيباتي تعالو مشتاقتلكم عيوناتي فديتكم اني وفديت ايهومي ووسفسف

[ام نورهانه]

ياااااااااااا حبيبتي اهم شي كمتي انتي والنونو بالسلامة يلا ميخالف بس اعتقد مطولوا خلك وياج لان هو عادي بالتاسع اكيد ينزل المي ويبدي التوسع بس على كولتج خافو على نبض البيبي همه المفروض يخلون المغذي وينطوج الابره مالت توسيع حتى لو اصبع بس يمكن لان بجر انتي خافوو

[White angel]

هلوووو بنااات
حبايبي شلونكم
والله تعبانه كلش من هاي رجلي
بنات تسلمون لي قليباتي انتو
والله لحد الان ماكو اي الوان او بروز الشرايين
بس الي موجود هو مثل الاورام
ودا اتعذب حتى من اني نايمه اكمز كمزه بحيث زوجي يكمز وياي
وهسه احس من امشي عليها مثل الورم يضربني


ربي يستر عاااد واخلص من شهر السابع ماادري السادس ويعدي على خير يارب

ساره بغداد الف مبروووك حبيبتي
يتربى بعزج ودلالج وعز ودلال ابوه يارب
يوم الي تشوفينه عريس كبد
ولاتزعلي عمري تره كلنه مشغولات واني هماتين كل يوم واكعه وصايره خبصه عليه غير نجيب ونرتاح
فوفو كبد الله يبارك بيج حبي يوم الي تقومين بسلامه ونجييييييب عاااد
ام نورهانه حبي الله يبارك بيج شلونج كبد انتي والنونيات
سراوي حبي شلونج اخبارج
ام ايهومي وتوتايه شلونكم عيوني
نوراااا الف مبروك طهور عبودي يوم الي تشوفي عريس حبيب قلبي
قموووره وينج كبد اشو ماكو
عسوووله تؤبريني شلونج وشلون كروومي

[فوفو العراقية]

مساء الخيررررر
شلونكم حبيبات القلب والروح
عساكم كلكم بخيرررر ياااااااااااارب...

المغتربة ياعمري الله يسلمج يارب ويتمم عليج الفرحة ويخليلج احبابج
فديت قلبج ياعمري دوم ماتنسين احد بس اني الزهايمر مشتغل عندي وانسة الاسماء هههههههههههه
اعذريني ياقلبي.


سوسو
ربي يحفظلج النونو مالتج
فديت قلبة شوف ايده شلون مطلعهة من الكماط وحاطهة جوة راسة
ههههههههههههههه فديت قلبه
ربي يخلي ويفرحج بي ويحفضة
اريد بعد صور الة من يفتح عيونة
اموت على الاطفال بهيج عمر
ربي يخلي يارب ويقر عيونكم بي .


ام نورهان حياتي شلونج؟
شلونهة العروسة المنتظرة؟

طبعا اقصد عروسة ابني
تراها محجوزة هاه
خصوصا لو ابني سبقها ههههههههههههه فديتهم اثنينهن.
ولج اييييييييييييييييييييييي
اني هم كمت اخاف
بس حبي لا تقلقين
نحجي عالايميل هههههههههههههه
واني اكولج شنسوي من ندخل التاسع حتى تتم الولاده طبيعي والتوسع يكون كامل
لان اني هم عندي خوف ووالله الليلة حلمت جايبة ب عملية وكلش مقهورة ومتاذية
بس الله كريم
عندي حلول ههههههههههههه
طبعا لا تمشين هسة ولا تتعبين
لان الرحم يتعوود ويتصلب ووقت تردين تجيبين المشي يصير مينفع
واني بس ادخل التاسع راح اعمل عمايل ولا اخلي العملية من نصيبي بعون لله...
لا تخافين حبي.

زينب عمري شخبارج وخبارالبنوته القمر
يارب يتمم عليج وتجي وتشوفيها عروسة وتفرحين بيها ياااااااااااااااارب.

[سومر]

مرحبا لكل الاخوات
عندي استفسار اني حامل بالشهر الاول وهذا اول حمل
الي
ماعرف شنو الاشياء الي ممكن اكلها والي ممنوعه زا اقره بالنت
عن العسل يكولون موزين
بعض الاعشاب هم موزين وحايره ياجماعه شنو اكل ؟
ارجوكم جاوبوني
ومشكورين مقدما
اختكم سومر

[فوفو العراقية]

اهلا وسهلا بيج اختي سومر
نورتي
الف مبروك الحمل وربي يتمملج عليى خير..

حبيبتي كل شيئ مسموح إلا...
الكبده ب انواعها ممنوعه وبذرة الكتان وبعض انواع الاسماك
واللحوم الباردة مثل لحم الشرائح والصوصج (النقانق) قبل الطبخ ....
وحاولي تقللين من البيض يعني مو اكثر من بيضة وحده باليوم..

كثري من الالبان والاجبان والفواكه والخضار...
والله يتمملج حملج بصحة وسلامة يارب.

[اسوره]

السلام عليكم بنات
رمضان كريم يالله شكد كيفت من شفت تجمع عراقي
الله يكوم كل حامل بالسلامه والف مبروك للي جابو بالجديد وربي يحفظلكم اطفالكم
عفيه عندي استفسار اني حامل وهسه بالاسبوع الخامس رابع يوم بي بس كولشي مداحس ابد لا اعراض حمل ولا الم ولا كأنه حامل كولش خايفه بس الحمدلله مدينزل اي دم بس افرازات بيضه كومه بس ليش مداحس باي اعراض واني بالاسبوع الخامس غير احس بوجع بالبطن او وحم اني ابد ماعندي شي شسووووي خايفه طمنوني

[White angel]

حبيبتي اسووره
نورتي عيوني التجمع
عاادي حبيبتي اول شي يكون بعد وكت وثاني شي اذا ماكو وحام
ف تكونين من النساء المحظوظات لان أني هماتين مصار عندي اي وحاام واحتمال
تكونين حامل ببنوته لأني طلعت حامل ببنوته
ولاتخافين كبد

فوفو حبي تسللمين لي روحي ع الدعوه التجنن
ويوم قومتج بسلامه حبي يااارب

سومر حبي
خبيرتنا فوفو جاوبتج واكلج شغله
فوفو الدكتوره مال التجمع من تحجي حجايه اخذيهاااا ماااااال هههههههه

[اسوره]

تسلمين حبيبتي انتي المنوره ويارب اكون صديقه الكم اني هم داحس حامل ببنيه وكل من يحلم بية يحلم جايبه بنيه بس يعني معقوله الوحده هيج ابد متحس بشي يعني ما اقلق؟ زين والم البطن عادي اذا ماكو لان سمعت البنيه ابداية الحمل بطنها تأذيها مال كبر الرحم