دردشة بنات مصر , دردشة حوامل مصر , تجمع بنات مصر

[om arwa]

اشااااااااااااااعه
عـن ارتبـاط اوشــــــــــه الي بيلعب سينجل والي موقف الشارع next


مع ســـــوكــــــــه الي اتجوزت الخواجـه الي باع البرنيطه
بعد انفصـالها عنه



اوشـــــــــــــــه ♥♥ ســــــــــــــوكه

[أم إياد]

بنات السلام عليكم
اخباركم ايه جميعا؟
يارب تكونوا بخير بأدعيلكم معايا كلكم

انا تعباااااااااانة اوي
والطلق مش راضي يحمى خالص واوقات بيقعد بالساعات مايجيش اصلا
مازادش من ساعة مابدأ
ولما بييجي بيبقى ضعيييييييف
ممكن كده ما اولدش الا بكرة او بعده

والدكتور رحتله امبارح ورجعني تاني قال الرحم مفتوح 2سم بس
واللي محتاجينه ان الطلق يزيد شوية
وماتجيليش الا لما يبقى بيجي كل 3دقايق ومنتظم
وعمالة اشرب قرفة طول ما انا قاعدة برضه مافيييييييش فايدة

مش عارفة اعمل ايه وتعبانة خالص والله
ادعوووووووولي

[om arwa]

ايه يا حبيبتى
كلى تمر
امشى كتيررررررررررررر
معلش نزلى اتمشيلك ساعة كدة ولا حاجة ان شاء الله يحمى وبقولك اما تجيلك طلقة تنزلى وضع القرفصاء
عارفاه
اللى هو زى الحمام البلدى وقت الطللللللللقة بتساعد على فتح الرحم باذن الله
واستغفرى بقى كتير
معلش هانت ان شاء الله يا ايه
فى ناس بتقول لق البنات بارد شوية
الله اعلم بس ان شاء الله هيزيد
بس امشى عشان الراس تضغط عل ىعنق الرحم وتفتحة

[أم إياد]

سما السلام عليكم
كويس اني لقيتك
قوليلي ياسما الله يكرمك

هو انتي كنتي بتقولي العلامة جاتلك ومافيش طلق ييجي يومين؟؟
وتقريبا خدتي طلق صناعي

يعني ماجالكيش طلق خااااااالص؟؟
والاتساع كان ايه اخباره؟
ومافيش مية جنين نزلت عندك خالص الا لما الدكتورة هي اللي فتحت الكيس؟؟

وفضلتي قاعدة في البيت مده اد ايه من ساعة ما العلامة نزلت؟؟

كمان ياسما كنتي بتقولي الدكتورة كانت بتدخل ايدها تعدل الراس عندك
هي الراس ماكانتش نازلة الحوض؟؟
ولا اتجاه الوش كان لفوق وهي بتخليه تحت؟
يعني النقطة دي تفرق

اصلا انا الطلق متأخر عندي وباشرب قرفة مافيش فايدة

مستنية ردك لأحسن انا تعبانة ومش قادرة اقعد
بس قلت ادخل اعرفكم ظروفي واقولكم تدعولي

[om arwa]

وماتستنيش اما يبقى كل 3 دقايق يبقى كل 5 دقايق مثلا
عشان ماتتزنقيش اوووووووى
ولو فضل محميش كدة لا قدر الله
يبقى لازم يديكى طلق صناعى

[أم إياد]

ايوة ياسما هو الظاهر كده فعلا طلق البنات خفيف
لاني مع اني كنت بكرية لسه الولادة اللي فاتت
الطلق من ساعة مابدأ آي نعم خد وقت على مايحمى
بس ماوقفش خالص من ساعة مابدأ

المرة دي بقى تيجي طلقتين خفاف كده وبعدين اقعد ييجي ساعة او ساعتين مافيش حاجة خالص

وبالنسبة للمشي مش قااااااادرة
جربت كل اللي باحسه تقل فظيع بس
لكن مافيش طلق

والدكتور قال في اتساع 2سم بس ايه لازمته اهم حاجة عندي الطلق يحمى
تقعدي يوم ولا يومين المهم ماتجيش لا لما يبقى منتظم كل 3 دقايق

وبعدين خايفة في الظروف دي بقى تنزل مية من حوالين الجنين ويكون الطلق لسه بسلامته واقف

[أم إياد]

المشاركة الأصلية كتبت بواسطة om arwa

ولو فضل محميش كدة لا قدر الله
يبقى لازم يديكى طلق صناعى

تقصدي في حالة اني اقعد اكتر من يوم مايحماش الطلق بعد نزول العلامة ؟؟
ولا يومين مثلا؟؟

[om arwa]

لا يا ايه
هى نزلت يوم الجمعة
بس الطلق بدأ التلات
كان مغص زى البيريود مش بيزيد ولا بينتظم
بس شغال ما بيتقطعش
ولما بنام مش بيروح
فكدة ده طلق حقيقى
بس بارد مش منتظم
تانى يوم الاربع الصبح روحت المستشفى كان الرحم بقى فاتح صباعين يعنى 4 سم بس بردو الطلق مش بينتظم
ادتنى طلق صناعى زاد شوية بقى كل دقيقة تقرررررررررررريبا
لا الوش كان لتحت بس هما بيببقى ليهم تظبطات كدة بيعدلة بالظبط
بس وقالت عشان الرحم يفتح على طول تفتحلى الميا
بردو دى حاجة مش اساسية بس هى قالت تساعد قلمات فتحت الميا حمى اوووووووووى بقى والراس بدأت تنزل
فانتى زى ما بقولك امشى عشان الرحم يفتح وانزلى قرفصاء دى
انا لما روحت المستشفى زى ما بقولك كان 4 سم كل ماتجيلى طلقة انزل كدة بعدحبة قليلين الحمدلله كان فتح بقى وصل 8 سم
وبردو قلتها لواحدة صحبتى وهى بتولد من قريب
لما عملتها الرحم فتح على طول
ان شاء الله ماتحتاجيش طلق صناعى ولا فتح ميا
هو هيزيد ان شاء الله

[MALAK2010]

ربنا يطمنا عليكى ياااااارب يا ايه ان شاء الله خير

[أم إياد]

جزاكي الله خير ياسما
هاحاول اعمل الحركة دي بس اما ربنا يسهل كده والطلق يرجع
دعواتك

بس يا سما كده مش غلط طبيا ان نقعد كام يوم من بعد نزول العلامة نستنى الطلق يحمى؟؟
اقصد يعني كده مش يسبب تلوث للجنين طالما نزل شعيرات دم يعني المشيمة فتحت ومعرضة للتلوث لا قدر الله

وكمان لو حصل ونزلت مية جنين والطلق لسه مش حامي.. برضه ده مش يسبب تلوث؟؟
ولو عملت حركة القرفصاء مش تخلي المية جوه تقل اكتر؟؟