ديوانية حوامل البحرين

[أم حماني]

بنت الاياويد ... سلامتج من الالم ... و زين قدرتي تتسوقين ... شنو شريتي لها من هناك؟؟ لاتاخذين المراضع البلاستك .. اخذي الزجاج ...

روح الفراشه مسكينه بنت خالتج ,, اهمه شنو قالوا لها عن وضع البيبي ... انا قالت لي وضعيته اوك وحتى دقات قلبه كانت اوك ... اسم الله عليه حماني لو يقولون لي في خطر عليه
واحد بالميه بروح وبخاطر بنفسي بس اهم شي يطلع سالم وبصحه وعافيه .... امي حاطة الدي في دي ماله وتطالعه هههههههههههه

[بنت الأياويد]

انا الحمدلله بخير اسأل عنكم ، صج قالت لي مرت حماي بس قلت يمكن عادي عاد عشر الصبح؟ اهمه انزين يفتحون عشر الصبح شلون لي عشر الصبح؟! لان انا ارقد الصبح ماقوم من وقت عشان ماتعب والله خاطري اروح اسعارهم على جم تقريبا

[روح الفراشة]

هلا بنت الاياويد الله يسلمش
ان شاء الله ما عليها شر وتبشرنا
بكرة بولادتها...

[بنت الأياويد]

مارحت صوب اغراض اليهال بس اختي كانت تبي تشتري حق اعيالها ثياب حق العيد ماقدر ابعد بروحي واستانست عليه مذركير لان في كراسي تقدرين تقعدين ههههههههه بس شفت من بعيد احس اغراضهم زينة ، قالولي لاتاخذين زجاج مب شي مب عارفه الحين شسوي يقولون ثقيل وينكسرون بسرعه وخطر

[حروف عاشقة]

بنت الاياويد

زين تسوين تدرسين وتفتكين مدامها مادة وحدة الله يوفقش إن شاء الله ، اما سالفه كبر البطن والحركة يا خيو اليوم رحت اسوي نيو لوك عن حسب وقصيت شعري لما رحت الصالون الكل يطالعني بطني كاني بالتاسع ما شاء الله واني توني بالسادس بدخل السابع الله يعيني بعدين على الاشهر الاخيرية شكلي ما بقدر اتحرك بنوووووب ..

[بنت الأياويد]

اي الله يحفظهم اذا توأم دايمن البطن يصير كبير مالج الا تلبسين عباية على الراس او تنزلين الشيلة على بطنج وربي يحفظج من عين الناس ، اي هذا اهو بس احاتي اذا صارت ولادتي قبل بتغربل لان الامتحان النهائي بعد ولادتي :( بأسبوع

[روح الفراشة]

يالله أستأذنكم

أقرأ قرآن قبل لا يأذن

تصبحون على خير وأحلام سعيدة

[أم حماني]

المشاركة الأصلية كتبت بواسطة حروف عاشقة

سلاااااااااااااااام

ويش هل الخبر يا ام حماني ما عليج منهم كله يخفون الوحده من تقرب ولادتها الله يسهل عليج خيوتي ومدام حاسة بأعراض إن شاء الله كلشي طبيعي عطيهم الاذون الصمخة إلي يتابع المستشفيات يستخف ..

خيوتي بنت الاياويد شخبارش بغيت اقول لج اليوم مسوين تخفيضات تهبل في سنتر بوينت مارينا مول تخفيضات حتى 30% شريت اغراض بالهبل ولا كأني صرفت شي العرض لساعة 10 الصبح انا نسيت كم غرض بروح اكملهم اليوم قبل لا يكمل العرض ..

هلا اختي حروف .. سامحيني ما مداني اسوي اللسته اللي قلت لج عنها ... وعليهم بالعافيه الاغراض اللي شريتيها ... انا ماصار موعدي ليحين باقي 5 ايام مثل ماقالت بنت الاياويد 7 -9 ... اهمه صج يخوفون الاوادم وايد بس صج ساعات الوحدة مب زين تخاطر بجنينها وبنفسها

[بنت الأياويد]

حياج الله اختي روح الفراشة وخل نشوفج لاتقطعينه انا صايرة بطيئة في القرآن توني الجزء 22 ابي اختمه ان شاء الله في رمضان

[حروف عاشقة]

هم مسوين عرض بس ليوم واحد 24 ساعة من 10 الصبح اليوم إلى 10 الصبح باجر إلي هو اليوم إلي احنا فيه خخخخخ يعني حتى لو تروحين الحين هم فاتحين تونا رادين من شوي انا وزوجي وفي ناس وايد كانه الصبح ..

اقولج يا خيوتي اساعرهم بالهبل يعني البدلة بـ 3.500 تصير بدينارين ،،شريت اشاء وااايد كاني مهبولة من كل انواع البدلات الموجودة وشريط فوط ولحافات ورضاعات وترى الرضاعات الزجاج افضل من لبلاستك بواااايد حتى في التعقيم ..