دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

ثلجه فوشيه · 10-14-2010, 02:17 AM

أنا يبغالي ادبر خرجه من اليوووم عشان بكرا ما انفجر من الطفش اهئ اهئ اهئ

اموورة وكتكوتة · 10-14-2010, 02:18 AM

انا بالثامن والحمدلله .. ما ادري ليش ما سويت خلاص دحينة اشوف واسوي واحد

ثلجه فوشيه · 10-14-2010, 02:23 AM

الله يباااارك فيك حبيبتي ..
كتكوته شو ناويه تسمي ؟؟

نلي خانم · 10-14-2010, 02:23 AM

ماشاء الله ياأموره الله يتمم لك يارب

ثلجه زوجي جاء أقوله طلعني السطح قالي السبت مره وحده يطلعني مع موعد الدكتور يقول عازمني على العشاء
الله يجيب السبت على خير

بنات حبيباتي أنا أستأذن لأننا أنا وزوجي بنسهر على فلم دايم أحنا نحمل من الأفلام الجديده من النت ونسهر عليها
أتمنى لكم سهره سعيده ياقمرات

اموورة وكتكوتة · 10-14-2010, 02:28 AM

وان شاء الله انتي كمان نلي وسهرة سعيدة حياتي
زوجك خايف عليكي خلاص السبت السبت هانت

تصبحي على خير

ثلجة اذا بنت حلا او ندى او الاء واذا ولد محمد او سعود او سلطان

ثلجه فوشيه · 10-14-2010, 02:28 AM

هما كدا نيلي ههههههههه يبغو كل شي في خرجه وحده عشان يختصرو المشاوير مشي حالك
يلا روحي ان شاء الله تنبسطي معاه وسهرره حلووه :)

ثلجه فوشيه · 10-14-2010, 02:32 AM

انتي لسا ماتعرفي شو جنس البيبي ؟؟ ليش ماكشفتي
قضيتي شي طيب والا لسا ؟؟

اموورة وكتكوتة · 10-14-2010, 02:42 AM

ان شاء الله ولد واشتريت اشياء بسيطة بس لسه في كتييير اشياء ناقصة

شفت السرير حق بيبي امس بستي بلازا كبيرررر خشبي ب 400 ريال .. مسويين عليه خصم في اشكال تانية فوق 1000 ريال وفي شي زي االسلة ب 400 وفي كمان زي السلة ب 300 والله شي يحير بس مررة حلوين كلهم

ثلجه فوشيه · 10-14-2010, 02:50 AM

والله أنا نفسي اشتري خشب عشان يجلس معاه لحد 3 سنين فهمتي عليا مابدي ارجع اغير تاني بعد كم شهر والا حتى بعد سنه ..
وحتى أنا اخذت اشياء بسيطه وباقي اشياء كثير الله يسهل ان شاء الله ..

اموورة وكتكوتة · 10-14-2010, 02:55 AM

ايوة والله احسن شي الخشب عشان خلاص يجلس معاه لانو تخافي بس يكبر شوية يكون السرير صغير عليه
بس اللي شفتو بستي بلازا كبيييييررر مرررة وانا ابغاه خشب بس مو مررة كدة عشان غرفتي صغيرة المساحة