دردشة بنات المدينه المنوره - تجمع حوامل بنات المدينه

[ليآل]

صباح الخيييير


وينكم كروشات

[غرااام]

صباااااااااااااااااح الخير ليال
فينك حدي تفشانه
مامتي واخواتي رايحينالسوق وانا ظليت لوحدي

[غرام اطفال جمعنا]

السسسسلام
بنوتات اخباركم مع الصيااااام
بغيت اسألكم ايش رايكم وبصراحه اماااانه اللي تعرف تقول ايش رايكم بالاولاده ب مستشفى
المـــواســـاة
خصوصا الدكتوره هند صلاح
ومين افضل دكتوره ولاده
وكيف الخدمات والابر اللي يعطونها اسمها ابره الظهر هل فيها اظرار او لا
مرره محتاره انا بكريه ومو عارفه ششي واكيييييد محد يقصر معاااي منكم*_*


دعوووووواتكم

[غرااام]

صبااااااااااااااااح الوووووووووووورد
المواساة بصراحه كل شيئ كويس بس يبغالهم الي يوقف على روسهم بكل شي باختيار الغرفه والممرضات يهتموا فيكي والبيبي وتكون وحده دائما تحت الطلب عشان تهتم بالبيبي تغيرلوا وترضعوا واذا حابه ترتاحي تاخدوا في الحضانه بصراحه اهتمامهم كتير حلو,,,
اماااا الدكتوره هند الله يهديها كنت عندها على طول في مراجعاتي وكنت مره ارتاح لها لكن لمن خلصت شهري واسبوع زياده على طووووووووووووووول قررت طلق صناعي وقالت لي اذا مافتح الرحم عمليه و,,,,,ووتنومت على اساس الطلق لكن مارتحت لقرارها وقلت لزوجي ابغى اخرج بعد مااخدت ابر وحقنه شرجيه لانها كانت تجهزني لعملية ولاده واذا تعسرت تخليها قيصريه يعني تعذيب في تعذيب,,,وبس راح ليها زوجي وقال لها زوجتي ماتبغى تسوي طلق صناعي وقالت له ماينفع خلاص لازم نولدها قال لها زوجتي مو مرتاحه وعصبت عليه وقالت له تبغى تموت يعني خلاص خرجها على مسؤليتك>>>طيب كان من البدايه بدل ماتتفاولي على الحرمه
طبعا خرجت من عندها على الدكتوره نهى وكشفت علي بكل خفه وقالت لي بالحرف الواحد روووووووووووووحي بيتك لسه بدري عليكي ولاتجي الالمن تحسي بالم منتظم طبعا هادا الكلام بعد ماضمانت على البيبي بالشعه والتخطيط والكشف المهبلي
وفعلن رحت بيتي وولدت بعدها باسبوع ونص وعند الدكتوره نهى وكانت احلى ولاده
الله يسهل عليكم ويجعلها بلمح البصر واسهل من شرب الماء

[ليلى الجهني]

والله يا اختي نصييييحه لا تروحي عندها الدكتوره دي مصيبه روحي اكشفي عند الطوارئ بنفس المستشفى لا نهم هما اكتر شي
يولدو
حتى انا ليا قصه ماساه معها الله لا يسامحها كنت اراجع عندها اول حملي الين ماوصلت التالت وحسيت بالم في جنبي ورحت عادي مراجعه وقلتلها وقلت في نفسي اكيد انها التهابات مع الحمل لانها كانت تنزل عليا افرازات غريبه الله يكرمك المهم اول ما دخلت عندها وقلتها علا مكان الالمنومت علا السرير وكشفت علا بطني وقالتلي لا دا مو من الحمل انتي شكلو عندك زايده وحولتني علا دكتور ابراهيم الله لا يسامحو بحق التعب اللي شفتو في المستشفى الزفت وكشف عليا وقلي سوي تصوير وتحاليل وبعدها قلي عندك زايده ولازم تنويم واحتمال كبير تخسري الجنين وانا كنت فرحانه بالبيبي طبعا لانو اول حمل ليا وهوا صدمني وتنومت في المستشفى ثلاثه ايام تخيلو يابنات والله اني ما اكدب عليكم اني ما اكلت ولا شي مارضو يخلوني اكل بس علا المحلول واكتر الاوقات ما يحضو الممرضات
وكل شويه يجي دكتور شكل يكشف عليا وطعا الدكتوره هند ولا مره مرت عليا جاتني وحده من الطوارئ وكشف وقالتلي دا التهابات من الحمل مو زايده والدكتور ابراهيم برضو يومين ماجاني ولا كشف وانا خلاص طفشت ونفسيتي صارت زفت وزوجي نفس الطريقه خلاص ثالث يوم نزل عند الدكتوره هند وقالها اطلعي اكشفي عليها يمكن مايكون معها شي ومارضيت والدكتور موفاضي يافي العياده او العمليات راح زوجي واضارب مع المدير المسؤل عنهم وقلو انا اخرجها علا مسؤليتي وهوا مو راضي يقول لا لازم دكتور ابراهيم هوا اللي يكتبلها علا خروج المهمك اضارب معاه مضاربه جاااامده وقلو اعطيني الاشاعه والتحاليل قلو لا بما انو خرجتها علا مسؤوليتك ولا ورقه تخرج من المستشفى وخرجنا ورحنا علا الولاده طبعا طوارئ واعطوني ادويه زوتحاميل وقالتلي انو مافي اي شي بس التهابات

ومعليش طولت عليكم بس حبيت انصحكم انو مافي احد يروح عندها

وبنت خالتي كانت تراجع في الطوارئ وولدت عندهم وتمدح فيهم تقول مررره كويسين طبعا هيا اللي شجعتني اني اروح المستشفى واخدت ابره الطهر والحمد الله ماصار لها اي شي يعني سبحان الله حظوظ

[دلوعه دحمان]

سلام عليكم

كيفكم يا بنات ايش اخباركم

بكوني جديدة انا وتو حملي ثبت الله يثت حمل اللي معها خطورة اسلاب



انا عن اخواتي يولدون في مستشفس احد عند دكتورة اميرة البلوشي او حميرا الباكستانية او دكتورة سالي مرة شطااار وعمرهم ما شافو مشكلة وكمان مراجعه قولي انك من عزيزة واترتاحي يختي


الله يتتمم لكم علي خير

[يغار الحلى]

كيفكم كرووشات اخبااااااااركم

دعوواتكم ان ربي يشفي امي مره تعبانه وتوه رجال كواها 4 كويات

والله اني اشتغل واتعب من ظهري مره هل يأثر علي لآني بكريه خايفه اولد بدري

دعووواتكم

[ليلى الجهني]

الله يشفي امك يااارب ويقومك بالسلامه بس لاتحاولي تضغي على نفسك كتير

[توت ياعسل]

كيفكم ياكروشات حبيت ابشركم واقولكم اني ولدت قيصري وجبت احلى ولد وسميته الحارث
?لّلــہ يسهلكن ويبسر اموركن وتولدون بالسلامه حبيت ادخل وابشركم

[أم جودا]

صببااااااح الخيرات
كيفكم وكل عااام وانتم بخييير
انا جديد في المنتدى وحبيت اجاوب ع غرااام اطفااال
انا زيك بكرا وولدت في الوطني بصراااحه الولاده عندهم مرااا حلوا وحتي الحضااانه يعني حتى لو تبغي ترتاااحي يجو ياخدو البيبي عنك لله يسهلك ولادتك يارب