ديوانية حوامل البحرين

[حنين للماضي]

بالعافية عليكم
ايي حبيبتي اذا ما عليش كلافة تحطين لي الطريقة

وصدق في صوربعد لستاند وردي نسيت ماحطيتهم
جوفيهم يمكن يعجبونش اكثر

[بنت الأياويد]

شغلها ماشاء الله وايد حلوونظيف اسعارها كله على خمسين؟ ولا في اقل؟، افا عليج من عيوني باحط لج الطريقة ،http://www.lakii.com/cookportal/inde...ok&cookid=1257

[حنين للماضي]

والله السعر يعتمد على نوعية وعدد التوزيعات
يعني اني اختي اجار الستاند 10 دينار وعدد التوزيعات 100 ب40 دينار
في تشكيلات تطلع اغلى بعد يعني نفس اللي فيهم بودرة وجذي يعني

امس كلمتها وتقول قريب بتنزل الجزء الثاني من اعمالها
يعني عندها تشكلات ثانية بعد
اذا تبين تقدرين تتصلين لها وتسألين احسن

شوربة العدس ان شاءالله بسويها اليوم بس ماعندنا جزر عادي تهقين؟؟؟

[بنت الأياويد]

اذا نزلت حطي لنا خل نشوف ، اي عادي انا اسويها بدون جزر ، بس تكفينا لي انا وزوجي لان احط بس بصلة وحده وآلو وحده يعني اذا انتوا كذا شخص حاولي تزيدين العدس انا سويت العدس في استكانه صغيره بس اهم شي نقعيه

[حنين للماضي]

تعالي حبيبتي اش يطلع كمون بعد :)!!!

[بنت الأياويد]

ماعرف شنو ذي ، بس انا شاريته من فترة من السوبر ماركت باكيت صغيرون كلش بس ماعتقد لازم حطي انتي فلفل اسود

[حنين للماضي]

اهاا ان شاءالله

بسويها وبخبرش بآخر التطورات عقب ان شاءالله

ها ما قلتي شريتي ثياب العيد؟؟؟
اني عن ةفسي كان عندي بس باقي لي بادي ان شاءالله باخذ لي خلال هاليومين
بصراحة ماقدر ادور في الاسواق
مادري شلون بشتري تجهيزات البيبي بسرعة اتعب

[بنت الأياويد]

اي انا سافرت في الصيف رحت الاردن ويا زوجي والحمدلله من الجو الحلو نفسيتي وايد اوكي ولا تعبت اهناك وتشريت لي حق العيد افتكيت، اي انا افكر شلون باخذ حق بنتي واحس روحي ماقدر اتعب بسرعه ، بنطر لي اخر الشهور بشوف روحي شلون

[حنين للماضي]

اييي والله الجو الحار عندنا مايشجع الواحد يروح يتسوق أو حتى يطلع
اني من قبل كنت من اطلع لازم اذا ارجع البيت ارجع من زود الحر
الحين الحمدلله كل شيء اوكي

بداومين عقب شهر الله في الجامعة؟؟؟

[بنت الأياويد]

كنت بنسحب بس فكرت فيها ان باقي لي بس مادة ليش اضيع علي فرصة دام البيبي للحين في بطني لان عقب لين ولدت مابقدر اسوي ولا شي