دردشة حوامل مصر - دردشة بنات مصر - تجمع حوامل مصر

ملاذ الرووح · 02-21-2011, 10:03 AM

عرفونى اسمائكم علشان اعرف اتكلم
القمر اللى هيحبسبى فى السعودية اسمها اية
وعرفتو نوع البيبى ولا حيرانين زى حالاتى
تعبت بجد مرة يقولو ولد ومرة يقولو بنت حيرونى خالص والبيبى قافل رجلو مش عاوز يريح امة
شفتو اول مرة كان 17 اسبوع يعنى اخر الرابع كان تمام وفاتح رجلو قالت ولد يا دوبك بقول للدكتورة اتاكدى راح قافل رجلو ومن ساعتها وهو قافل
بعدها رحت لكذا دكتورة قالت قافل برضو واخر حاجة رحت لدكتورة اشعة قالت قافل بس احتمال بنت لان مفيش اى شئ بارز والرجل قافلة كانت هتجننى طب مدام قافلة عاوزة تشوف اية فانا دلوقتى حيرانة اصدق مين
علشان كدة بسال مين بيفهم اكتر الدكتورة النسا ولا الاشعة
ناس تقول النسا لان بيمر عليها كتير وبتعرف النوع لانة تخصص محدد نسا وحمل وكدة يعنى وكمان دكتور الاشعة بيكون متمرن على استخدام الجهاز فقط انما مش عندة خبرة اية اللى بيشوفو لان الجهاز بيدى قياسات من نفسة مش خبرة يعنى
وناس تقول لا الاشعة ادق لانة متخصص
انا احترت اوى ورغيت كتير اصلى ما بصدق حد يفتح معايا الموضوع دة اصلو تعبنى جدا ومش بنام بسببو
عبط مش كدة بس اعمل اية نفسى فى ولد هتقولو لى لية معرفش والله بس اهو زى الناس ههههههههههههههه هى الناس كدة عاوزة اللى مش معاها وخلاص

MALAK2010 · 02-21-2011, 10:04 AM

ملاذ قريت الموضوع اللى انتى كتبتيه
روحتى ل 3 دكاترة وانتى لسه فى الخامس امال انا اعمل ايه انا فى نص السادس ولسه ماعرفتش
انتى نفسك طبعا يكون ولد ربنا يعطيلك اللى تتمنيه ويكون فية الخير ان شاء الله
بس اصبرى شويه وان شاء الله هتعرفى

ملاذ الرووح · 02-21-2011, 10:07 AM

صبر ازى بس واخيبو منين
انتى لسة معرفتيش لية اوعى تقولى قافل انا خلاص اتعقدت
فى بناتى كنت بعرف اول الخامس وهو بنت يعنى بنت مفيش فصال ههههههههههه انما دى خلاص هتجنن

ملاذ الرووح · 02-21-2011, 10:09 AM

اية دة فلوس دى يا خبر ابيض يا يرى حسنى عامل فينا اية هو كمان

MALAK2010 · 02-21-2011, 10:10 AM

الدكتورة بتقولى لسه صغير مش باين بس انا اخر مرة رحت للدكتورة الشهر اللى فات يعنى فى نص الخامس ممكن لو رحت الوقتى ممكن تقول بس انا مكسله اروح
ربنا يعطيكى كل اللى بتتمنيه ويباركلك فى بناتك يارب