تجمع حوامل اللي موعد ولادتهم في شهر جمادى الثاني1433 ‏ه

[حبي EE]

همسات انا دخلت اسبوووع 40 وباقي مافيه ولاده
انتي متى اخر دوره لك

[همسات قلبي]

اخر دوره لي كانت 9 رمضان

[fufualmoon]

صباح الخير صبايا
ياجماعة فكوني من ها الحكة موتتني
لم احك يحرقني مكانه ):
وبعدين لم امشي احس بطني من فوق ينشد ويقسى
طبيعي ولا انا لوحدي ؟؟

[hana kh]

حبي اخر دوره لي كانت 28 /8

[قشطه وعسل]

هناء على فكره انا اسمي هناء
واتوقع موعد ولادتك نفس موعدي
وقاعده اقول لأمي معي وحده بالتجمع اسمها نفس اسمي وموعد
ولادتها نفس موعدي
بس انا دورتي كانت 26\8 يعني قبلك بيومين
بنات بطني كبر بزووود قبل ماكان لي بطن كان صغنون
والحين صار كبير وعلى قدام الحمد لله موعلى الجوانب ههههه
ونازل يعني شكلي توحفه امس رحت امشي بالممشى احس الناس يناظرون فيني محزنين ههههههه وكنت بروح اخذ عمره مع امي بس زوجي رفض اهيء

[قشطه وعسل]

بناااااات انا اشتريت زيت خروع
وناويه اشرب منه لاني خلاص بلأسبوع الاربعين
واح ابشركم اذا ولدت ههههههه<<عندها امل

[لين جده]

بنااات بسألكم
انا دحين مابرتاح الا لما انام على ظهري ويقولو مو كويس للجنين ..
بس والله لما بنان على جنبي مابرتاح ابدا احس ظهري يوجعني بس لما بنام على ظهري احس براحه تاااامه بس اخاف صار شي بولدي :(

[hana kh]

اهلن هناء فديت الاسم احس حبيت نفسي ونفس الموعد بعد 
ابي اقولكم قصتي امس تقريبا على الساعه 1 بدت اوجاع منتظمه طبعا الظهر واتحمل وساكته وكننا مواعدين الجماعه ولبست ورحت كانه ولاشي زادت علي الساعه 10 طبعا اوجاع دوره بس اقوى شوي طلعت من الناس على المستشفى ويسوون لي تخطيط وطلع معي طلق كل 10 دقايق بس مو قوي اللي يفتح الرحم تقول ممكن يجلس معك لاخر التاسع كذا لان قوته ثابته المهم سوت لي فحص قالت واحد سانتي وقالت اذا بيتك قريب روحي وارجعي اذا زاد او نزل مويه او دم قلت بيتي قريب وانا نصابه بس ابي اشرب اعشاب رجعت البيت مشيت شوي ودخلت الحمام الله يكرمكم نزلت السداده وبعدها بشوي نزل دم بس مو كثير هو كميه زي بداية الدوره بس نزلت مره وانقطع وقلت انتظر اذا زاد رحت الى الان مارجع الدم والاوجاع ثابته مازادت ابي اعرف الدم هذا يستدعي اروح والا اطنش ؟ لان الامي ثابته ووش رايكم للي عندهم خبره ايش اسوي ؟

[قشطه وعسل]

هنا روحي المستشفى لان دكتورتي قالت
اذا نزل دم وماده مخاطيه فيها دم اومويه تعالي
روحي يمكن الرحم انفتح وموشرط المويه تنزل
انا بعد احس بالم مثل الدوره عشان كذا راح اشرب الخروع
اذا هوطلق راح يزيده معاي بس بعد مااتغدا راح اشربه

[hana kh]

هو اساسا مفتوح واحد سانتي بس خايفه من الخطر بس لانه بدري اجلس عندهم لين يفتح كله