حبيباتى سيدات ليبيا تفضلو لأعرف ما حالكم

[أمل ليبيا]

هداية ماشاء الله تهبل الكبسه ربي يعاونك فيها وصيام مقبول ان شاء الله

[اوشي]

المشاركة الأصلية كتبت بواسطة أمل ليبيا

الحمد لله اتكلمت مع زوجي بعد الحاح
طويل منه حسني زعلانه من الصبح يدور عليا خيرك اليوم المهم قتله باهي نحكيلك لكن تفهمني وقتله الي في خاطري وقلي عندك حق لكن بالنسبه للايفون امي اتصلت بيا وقتلي شكرا ع الهديه وصلت ونبيه الهاتف قالي قتلها باهي مستحيل نقدر نقولها لا لكن مش ح نبعت اي جهاز تاني كان ربي عطانا عمر توا نروح نكمل خوشي بروحي وبالنسبه لتحويل الفلوس قالي اقري الرسالة كويس انا اعطيتهم رقم حسابي باش كان يبو حاجه يبعتولي فلوس وبعدين نبعتلهم لو بيشرو حاجه من هنا المهم اتأكدت من الرساله وفهمتها غلط
وقالي اني مستحيل نرفض لامي وبوي طلب لكن ان شاء الله ربي يعوضني خير ويعطيني ع قد نيتي
وقالي بأذن الله مانقصرش معاك بكل

الحق اقنعني كلامه وان شاء الله مايجي وقت المرواح لين امه ربي يهديها ويرجعلها عقلها ونعيشو مرتاحين كلنا ماحد يغلط في حد

الحمد لله انك حكيتي وعرفتي كل حاجة ... ظلمتي الراجل يامراة ههههههه

بس احسن اهو الظليمة جت بفايدة

ربي يخليكم لبعضكم ويتحققلك كل اللي تبيه

المشاركة الأصلية كتبت بواسطة أمل ليبيا

اوشي صحتين ع قلبكم حبيبتي سفرة تسهف يسلموووو هالايدين وربي يديم عليكم الجمعه الحلوة يارب

سلمك حبيبة ولك بمثل مادغيتي

[أمل ليبيا]

[quote=اوشي;3334280]الحمد لله انك حكيتي وعرفتي كل حاجة ... ظلمتي الراجل يامراة ههههههه

بس احسن اهو الظليمة جت بفايدة

ربي يخليكم لبعضكم ويتحققلك كل
اللي تبيه

تسلمي اوشي ايه والله باهي حكيت باش فهمت ماقعدتش توجع فيا في خاطري
ان شاء الله ويهنيك ربي يارب

[هدية الخالق]

المشاركة الأصلية كتبت بواسطة أمل ليبيا

هداية ماشاء الله تهبل الكبسه ربي يعاونك فيها وصيام مقبول ان شاء الله

سلمك يارب ان شاء الله ربي يتقبل منا أجمعين

[اوشي]

هداية لوسمحتي نبي طريقة الكبسة بالتفصيل الممل

[اوشي]

http://forum.hwaml.com/t266933.html#post3334362

[هدية الخالق]

المشاركة الأصلية كتبت بواسطة اوشي

الله يسلمك ياحبيبة .. الله غالب ديما اللي قاعد برا ليبيا

يشتهي كل شي ليبي حتى المقطع بالقديد تقعد ريحته تهف عليك مرة مرة

وانت عاد من جماعة المحاشي كيغ راجلي يحبهن هلبا هلبا

خاصة العصبان

ولوكان احذاي ياحلوة راني حسبتك في تبسي خير من الزقبة من الدور العاشر

ههههههههههه




احب الله اللي احببتينا فيه

وحتى لهجة الغرابة قنينة وحتى انتو يعجبني اسلوبكم في الحكي ايهبل

لا باهي الحمد لله المحشي نديرو فيه ديما لكن ما نشبعش منا حتي كل يوم هههه
وااك خطرطيني بالمقطع منهبل عليه بالقديد وما فيش كيف نديره هني ولا نعرف نديره أصلا
لكن مرة واني حامل خاطري فيه درته بدون قديد باللحم هههه مقطع باللحم عشنا وشفنا
وراجلي قالي معقول وكويس مفيش فرق هلبة بين باللحم وبالقديد

[هدية الخالق]

المشاركة الأصلية كتبت بواسطة اوشي

هداية لوسمحتي نبي طريقة الكبسة بالتفصيل الممل

والله حتي أني كنت ما نعرفها وشفت الطريقة في النت وجربتها مرة لكن مادقنهاش للاسف
لأني اليوم اللي درتها فيه جأني وجع الجاب ومشيت للمستشفي وقعدت في طنجرتها زي ماهي
نين فسدت واني درتها اليوم ويستر الله كيف تجي
هههه لكن هيا ساهلة بكل عبارة عن تقطعي دجاجة علي أربعة او تمانية علي حسب عدد
الأشخاص وتقطعي بصل مكعبات وتقليه شوي في الزيت في الطنجرة وبعدها تضيفي ملح وبزار
وبهارات طبعا البهارات في تشكيلة واتية خاصة بالكبسة لكن تقدري تحطي بهارات لحم او اي
نوع عندك أهم شي تكتري لان احلى شي فيها طعمة البهارات وبعدين تضيفي الدجاج وطماطم مكعبات
وكاشيك طماطم معجون وتضيفيله أمية وتخليه يغلي لين يطيب الدجاج وتطلعي الدجاج وتصبي أرز
بس لازم يكون أرز طويل تخليه يطيب عادي زي الرز بلاو وقطع الدجاج تحطي عليهم بهارات وتحمريهم
في الكوشة وتزيني بيهم الرز لما يطيب مع بصل شرايح مقلي

[أمل ليبيا]

هدايه موجودة؟؟

باقي الحلوات اكيد عندهم نص الليل ان شاء الله احلام سعيده ونومة مرييييييحه

[هدية الخالق]

المشاركة الأصلية كتبت بواسطة هدية الخالق

والله حتي أني كنت ما نعرفها وشفت الطريقة في النت وجربتها مرة لكن مادقنهاش للاسف
لأني اليوم اللي درتها فيه جأني وجع الجاب ومشيت للمستشفي وقعدت في طنجرتها زي ماهي
نين فسدت واني درتها اليوم ويستر الله كيف تجي
هههه لكن هيا ساهلة بكل عبارة عن تقطعي دجاجة علي أربعة او تمانية علي حسب عدد
الأشخاص وتقطعي بصل مكعبات وتقليه شوي في الزيت في الطنجرة وبعدها تضيفي ملح وبزار
وبهارات طبعا البهارات في تشكيلة واتية خاصة بالكبسة لكن تقدري تحطي بهارات لحم او اي
نوع عندك أهم شي تكتري لان احلى شي فيها طعمة البهارات وبعدين تضيفي الدجاج وطماطم مكعبات
وكاشيك طماطم معجون وتضيفيله أمية وتخليه يغلي لين يطيب الدجاج وتطلعي الدجاج وتصبي أرز
بس لازم يكون أرز طويل تخليه يطيب عادي زي الرز بلاو وقطع الدجاج تحطي عليهم بهارات وتحمريهم
في الكوشة وتزيني بيهم الرز لما يطيب مع بصل شرايح مقلي

نسيت حاجة اللي هيا فلفل أخضر تحطيه في البداية مع الطماطم والبصل