ديوانية حوامل البحرين

[أم حماني]

اشفيكم اليوم ... ؟؟ كل ذي نوم خخخخخ

[روح الفراشة]

سلام شخباركم؟؟

شخبار حوامل البحرين؟ عساهم بخير؟؟

ما شاء الله الشغل مضبوط بس متشابه

اذا وصلت السابع على خير بفكر في موضوع التوزيعات

[أم حماني]

هلا اختي ... والله حلو الشغل بس انا من النوع الي احب اسوي كل شي بيدي حتى لو بسيط .. يوم عرس اخوي ذبحت روحي كل شي بنفسي .. بس بعرسي ماسويت شي .. ماكان عندي وقت .. هههههههههه .. خليت التوزيعات ع امي و خواتي

[أم حماني]

انا بروح مع ريلي اليوم لانه باجر موعدي بالفاتح ... وان شاء الله برجع اليمعه .. واذا مارجعت يعني عرفوا انه صادوني و ولدوني

عاد ما اوصيكم لاتقطعون قد ماتقدرون دخلوا ... ولاتنسوني بدعواتكم الحلوة ياحلوات
الله يسهل علي وعليكم ان شاء الله

[بنت الأياويد]

الله يسهل عليج يارب وانا اليوم مادخلت على بالي رحتي بيت ريلج لان قلتي الاربعا بتروحين ربي يهون عليج ان شاء الله ويعينج على هالدختر باجر ، انتي اهم شي لاتقطعينا واي شي فيه خبرينا حتى لو ادشين تكتبين وتمشين ان شاء الله لين دخلنا بنشوفه ، تحملي بروحج وانجوفج اليمعه ان شاء الله

[حروف عاشقة]

ام حماني
الله يسهل عليج يا رب وتولدين بالسلامة وإحنا بنتظارج ..

حنين
ما شاء الله التوزيعات يهبلوون يا ريت والله تخبريني بكم سعرهم لاني قررت اني اسوي عندها واخترت الشكل بعد انا وزوجي بس نبي نعرف الاسعار وادا عندها محل او لا خبرني ..

[حنين للماضي]

ربي يقومش بالسلامة حبيبتي أم حماني
وان شاءالله تدخلين وتبشرينه بجية حمون
عسى ربي يحفظه لكم ان شاءالله

اليوم الديوانية سهدة

هلا حبيبتي حروف
شخبار كتاكيتش؟؟؟
والله السعر مادري
اني بس كتبت سعر واحد لأن اختي كانت ماخذته لولدها
ومثل ما قلت عدد التوزيعات 100 كل شيء من عندها حتى الحلاوة بس عطيناها 50 قرآن على ما اعتقد وسوت لنا تشكيلات حطت فيهم قرآن والستاند يمكن ظل عند اختي اكثر من شهر ونص وكل هذا ب50 دينار فقط
هذا رقمها وبيتهم في الشاخورة
39988793
اذا رحتي لها خبريها من صوب زينب و راويها الستاند اللي خذته اكيد بتذكر اختي

اني بعد نويت عقب العيد اروح لها احجز الستاند
اخاف انطر لعقب وياخذونه للشهر اللي بولد فيه ان شاءالله

[حروف عاشقة]

رحم الله والديش يا حنون وإن شاء الله نخدمش في الافراح

إن شاء الله باجر بتصل فيها وبشوف ويش تقول صراحة شغلها روعة وفكيتيني من عبال التوزيعات ..

[روح الفراشة]

أم حماني..
ان شاء الله تبشرينا بقدوم حماني
الله يسهل عليش وما تجي بكرة
هالوقت الا حماني في حضنش..

[أم حماني]

اناااااااااااااا رجعت
وايد عندي سوالف
رحت اليوم موعدي وطلعت عيني
من 7 ونص ماخلصنا الا 11 تخيلوا
طلعت عيني بس حصلت وحدة قعدت اهذر معاها
اهيه اللي هونت علي ولا كنت بهدهم وبمشي
مو هذا المهم .. المهم اللي قالته لي الدكتورة
تخيلوا تقول لي تبين نرقدج اليوم ونحط لج طلق صناعي << بالضبط ويهي صار جذي
اذا كان كل شي طبيعي ليش مستعيله علي مادري
انا طبعا ما رضيت وخلتني اوقع بعد
وقالت لي عيل بنولدج ع موعدج بالضبط مابنخليج تتأخرين
عاد انا مادري ليش مستعيله تقول لاني متنفخه وايد وتخاف الضغط يرتفع علي فجأة
ويصيدني تسمم حمل

عاد اانا عمره مارتفع ضغطي
الحين آخر كلام اتفقنا عليه ..انها عطتني تحاليل اسويها اليوم
ويوم الاحد اروح لها تشوف تحاليلي وتقول لي ولادة ولا لا؟؟
وبعد عطتني اروح كل يوم حق تخطيط واروح المركز كل يوم اجيك
الضغط واذا عزكم الله البول فيه زلال

انا رجعت بيت امي لانه نفسيتي تعبت من كلامها
مادري استعيل ع روحي واروح
ولا انتظر لحد ما اييني الطلق بروحه

اللي عندها خبره تقول لي شسوي ... واتمنى تدعون لاختكم