دردشة بنات المدينه المنوره - تجمع حوامل بنات المدينه

[غـلا ..~]

ليآل
أنا حأستخير قبل لا آخذها وبالنسبه لي أشوفها نعمه من ربنا
وسلبياتها مجرد صداع وألم بالظهر يزول إن شاءالله .. غير كذا كل شي مكتوب : )

أم باسل
للأسف ما أعرف
إن شاءالله البنات يفيدوكِ

وصايف
الله يسلمك
لا مافي إيكيا بالمدينه ..

[هدوء الكوون]

بنات المدينه بستشيركم دوبي متزوجه واول حمل ليا قبل كم يوم سويت تحليل الحمل متى ابدا اراجع عند دكتوره؟؟.. ومين احسن دكتوره ؟؟

[غرااام]

اااااااااااااااابشركم ووووووووووووو لدت وجبت احلى بنوته

يوم الاحد 11/8

والله يبارك للي باركوا لي ......والف مبروك للي ولدوا

[غـلا ..~]

هدوء الكون
ألف مبــــروك الحمل
إبدأي راجعي دحين غالباً الدكتوره حتسويلك سونار مهبلي عشان تتأكد من الحمل
وتكتبلك حمض الفوليك ضروري تآخذيه ..

غرآم
الحمدلله على سلامتك :)
ربي يخليلك البنوته وتشوفيها عروسه يارب

والله يسهل على كل الحوامل وتكون ولادتهم سهله وميسره ..

[هدوء الكوون]

الله يبارك ف حياتك ي غلا طيب ايش رايك ايت دكتوره اروح

[يغار الحلى]

هلا فيكم جميعــــــــاً

كيفكم آخباااااااركمـ ؟؟

هدووء الكون انصحك روحي عند فوزيه بالأحمدي افضل دكتوووووره

ليآل آفضل مستشفى للولآده الأحمدي بس ماعندهم حضااانــه

وبالتوفيق للجميع

توت ياعسل انا بخير ربي يسسعدك إلآ من التقلصات مدري طبيعيه بالشهر السابع او لآ

اخباارك انتي طمنينا عنك ؟؟

[توت ياعسل]

المشاركة الأصلية كتبت بواسطة يغار الحلى

هلا فيكم جميعــــــــاً

كيفكم آخباااااااركمـ ؟؟

هدووء الكون انصحك روحي عند فوزيه بالأحمدي افضل دكتوووووره

ليآل آفضل مستشفى للولآده الأحمدي بس ماعندهم حضااانــه

وبالتوفيق للجميع

توت ياعسل انا بخير ربي يسسعدك إلآ من التقلصات مدري طبيعيه بالشهر السابع او لآ

اخباارك انتي طمنينا عنك ؟؟

فعلا الدكتوره فوزبه مره اخلاق واحترام بـَ(>:/)ـَس دحين عندها مره زحمه لأنها الدكتوره الوحيده بالمستشفى وانا راح اولد عندها بما ان ايمن مسافر
أنا بخير ياحياتي بـَ(>:/)ـَس طلع عندي صديد بالبول ونسبته جدا عاليه ومره متعبني
والتقلصات في الشهر السابع مو طبيعيه راجعي دكتورتك
والله اني ادخل اقراء رسايلكم اطمن واخرج. مره تعبانه من الصديد الي معي

[غـلا ..~]

المشاركة الأصلية كتبت بواسطة هدوء الكوون

الله يبارك ف حياتك ي غلا طيب ايش رايك ايت دكتوره اروح

البنات ماقصرو وزيدي عليهم دكتوره إيمان بالعقالي بس أتوقع ماخذه إجازه دحين
وكمان دكتوره ماجده بالمواساه بس زززحمه ..

[ليآل]

غروممممممة
الف مبروك ياعسسولة
ها بشرينا عنك وعن النونو فديتها
وخبرينا عن ولادتك في اي مستشفى وكيف كانت ميسرة ان شاء الله


اختي يغار الحلى تسلمي حبيبتي
بس صراحة مجازفة نروح مستشفى حضانتها مو كويسة
ربي يسهلها

[غرااام]

هلا ب..غلا
الله يبارك فيكي حبيبتي <<<<<امين >>>>>>تسلمين يالغلا
هلا ب..ليال
الله يبارك فيكي حبيبتي ,,,الحمد لله كويسه انا والبيبي ,,الله يهديها بس حدها زنانه
المغص لاعب فيها لعب ,,المسكينه تحزن شوي ابكي معاها
وعن الولاده ولدت بالمواساة عند الدكتوره نهى والحمد لله كانت بسهاله
لكن البواسير لاعبه فيني لعب من قبل مااولد بشهر وصارت بزياده بعد ماولدت الله يعين طبعا اول مره يصير معايا زي كيدا ,,,شيئ لا يطاق
ياربي يسهل على كل الحوامل ,,,ويابنات مافي زي الدعاء