دردشة حوامل أهل الدمام - دردشة بنات الدمام - تجمع حوامل مدينة الدمام

[نجمه فى السماء]

وش دعوة بنات

وينكم -

[loly2011]

هاااااااي كروشات
أخباركم اليوم ...
بنات حابه أسألكم عن محل جاكادي في المارينا والراشد مين منكم أخذت من عنده سرير المولود وكل شي لان أنا شايفه أغراضه مرررره حلوه
بس قالي السرير والمفرش ووالحاجز ومرتبه ومدير شنو بعد كله بـ 5000 حسيته مبالغ فيه يعني كله سرير بيبي ليه بـ 5000 ما ادري
أنا رحت أشوف الأسعار وأشوف ايش الجديد الي نزل . مع أني باقي لي 3 شهور تقريبا بس حابه اشوف متحمسه حيل لأني حامل ببنوته وأول بنت لي من بعد 3 اولاد .. عسى الله يهون ع الكل

[(( مدلعه ))]

المشاركة الأصلية كتبت بواسطة نجمه فى السماء

هآآآآآآآآآى --
مدلعه )) اخباررك
انا موجودة - اشيك كل فترة بس التجمع دائماآ نايم
شكل كرروشااات الدمام ثقال - ولا النت عندنا مش لهناك

طمنتنا هنوسه ع موعدها - الحمدلله تقول لها الدكتورة رجعت المشيمه لوضعها الطبيعى

هلا فيك ... الحمدلله بخيير يا قلبي ,, وانتي كيفك ...؟

الحمدلله طمنتينا على هنوسه ,, وين طمنك ماشفتها كاتبه شي .. الله يتمم لها على خير ويرزقها الهون والسلامه ..

[(( مدلعه ))]

المشاركة الأصلية كتبت بواسطة نجمه فى السماء

(( مدلعه )) حبوبه

انتى وين تتابعين اللحين ......... ووين ناويه تولدين بإذن الله

سمعت عن دكتورة شاآطرة حيل في تحديد جنس البيبي - وجربتها فعلآ ممتازة
اذا حابه تروحين لها قولى لى -
بس لازم يكون لك فوق 15 وفوق - عشاآن يثبت عضوة ويتحدد شكله ومايصير فيه لخبطه

اهلييين يالغلا ... انا اتابع في بروكير عند الدكتور فادي والمراجعتين الاخيريتين رحت لـ مستشفى سعد ,, لاني أبي اولد هناك .. لكن هذاك الاسبوع تعبت ورحت بروكير عند الدكتور فادي وقلت له مراح اولد عندكم , قال ليه , قلت له اغلب البنات اللي في النت مايمدحونكم هههههههههههههه وضحك علي يقول ليه مايمدحونا ,, قلت و الله م أدري خوفوني منكم وجلس يقنعني اولد عندهم وقال بيزعل ,, وقلت له اني امدحه هو بالنت واستانس ..
وللحين و الله محتاره ,, بس شكلي 99% بولد بـ سعد
ومين الدكتوره الشاطره بأي مستشفى ؟ عشان اروح لها بعد اسبوعين

[loly2011]

" مدلعه " وانا مثلك ودي وقت الولادة اروح لمستشفى سعد بس ابد ماعرف دكاترتهم
الله يهوووون ع الجميع

[ام حمممد]

الله يهوون عليكم جميعا

[ام حمممد]

يشرفني مروركم علا موضوعي

http://forum.hwaml.com/t100578.html

[loly2011]

افاااااااااااا
وينكم ياكروشات ؟!
خلونا نسولف ونوسع صدورنا شوي .. بجهز القهوه والحلى على ماتجون
لاتطولون علي استناكم ..

[هنّوسه]

اهليييييين

كيفكم ياا بناات مرررة سوري ع القطاعة

مدلعة ،، يا حياتي انتي ،، اي الحمدلله كل شي تمام وبخير والمشيمة رجعت لوضعها الطبيعي فوق الجنين الف شكر لله ....
انتي كيفك ؟؟ وكيف الوحام ؟؟ خلص والا باقي ؟


نجمة ،، من جد التجمع صاير نايم
لووولي .. ياهلا ،، لا تجيبين طاري القهوة تهي تهي تهي
محرومة منها من اول ما حملت ،، ما شربت غير فنجان واحد او اثنين بسسسسسس !!!!

[loly2011]

أهلين هنوسه " الحمد لله كويس انها ارتفعت المشيمه
ياحياتي اجل بسوي لك عصير شرايك ..
الا انتي بأي شهر