ديوانية البحرين - دردشة حوامل البحرين - البحرينيات

[فاطِم]

من زمان ما اطل هني
تعبانه موت
اقعد من الصبح وبعدين انام لي الضحى
ما اشتهي الاكل وعندي لوعه
وبديت ارجع اللي اكله
غير وجع الظهر يقولون تدليك الظهر مو زين
شسوي يالم بشكل مثل الدورة !

[امل الوجود]

مرحبا يا حوااامل ..

نجمة صغيرونه اللي اسمعه من الناس ان اذا البيبي ما يبان اقصد كله مسكر رجوله يكون (( بنت ))

بس مو شرط ما ادري بس الاغبيلة يقولون جذي انا حامل بتونز البت بينت بسرعه بس الثاني وضعه ما كان يبان وتدرين 2 يخربطون على كلام الدكتورة .. اخر زيارة الدكتورة قالت صبي .. بس بشوف دكتوري شنو يقول .. عشان ابتدي اجهز على فكرة انا غالبتج شوي انا الحين بالسادس .. الله يتمم لنا على خير يارب

فاطم حبيبتي .. خبرتج ان هذا كله طبيعي .. فترة وتعدي .. ان شاء الله على خير .. وانتي الحين بالثاني .. يعني باقيلج شهر وتطلعين من النساه .. ويجيج الثقل بعدين والم الرجل .. ههههه (( اخوفج من الحين ))وعلى فكرة في البعض النساه اتم معاهم الى التاسع ان شاء الله انتي مو منهم .. ههههه اتوقع اتسبيني الحين هههه .. الله يقومج بالسلامة حبيبتي .. صدقيني راح تنسين كل شي بس تشوفين البيبي قدامج ...

[فاطِم]

هههه صج خوفتيني
لان اعراض النساه بدت متاخر توها يعني
الله يستر

اكيد كلشي يزول بجوفته الله يقومنا بالسلامه ويوصلنا

[امل الوجود]

صباح الخير ... شخباركم ..


فاطم حبيبيتي ... مو قصدي اخوفج .. ههههه الله يقومنا بالسلامة

[بنوته شي]

فاطِم

اختي في الاشهر الاولى .. حاسبي على روحج
بس اظن من بعد الشهر الخامس كل شي عادي

انا كان راس الجنين نازل عندي وخذت قسط من الراحه لمدة اسبوعين ومع حبوب التثبيت والابر

الحمدلله رب العالمين .. رحت هالمره لموعدي وبشرتني الدكتوره ان وضع الجنين طبيعي وكل شي سليم ولله الحمد

بس انا خايفه ان يرجع ينزل راسه مره ثانيه بسبت الدوام والدرب الطويل الي اسوق فيه السياره كل يوم من الرفاع لين المحرق والعكس

مع اني بعد ما ارجع من الدوام على طول اتغدى وانسدح ولا المس شي في البيت .. يا اكون منسدحه او قاعده بس المهم اني ما اتحرك وايد ولا اجهد نفسي بشغل البيت

[أسيرة عيونه]

سلاام..

شخبااركم؟!

[امل الوجود]

هلا و الله اسيرة بخير نسال عنج ..


شخباركم يا حوامل ؟

[أسيرة عيونه]

المشاركة الأصلية كتبت بواسطة امل الوجود

هلا و الله اسيرة بخير نسال عنج ..


شخباركم يا حوامل ؟

هلا فيش عمري ..

دوووم يا رب مو يووم .. سألت عنش العافيه خيه ..

[أسيرة عيونه]

بنات ابي منكم مساعده من فيكم تعرف محلات للحواامل يبيعون فساتين حلووه ونااعمه

[امل الوجود]

صباح الخير ..

اسيرة حبيبتي شلونج .. ممممممم بخصوص الملابس بالعادة المحلات اللي تبيع اغراض البيبي مثل الملابس يكون عندها قسم للحوامل يحتوي على فساتين .. او بناطلين و غيره .. بس محل خاص بصراحه حاليا ما يحضرني شي .. وما ادري اذا فيه ... انا عن نفسي اختي عطتيني كم فستان تبع حملها .. كانت مسوية الدزاين وخيطتهم .. والحين عطتني عشان البسهم ..


احاول اشوفج مني ومني .. واذا عرفت محل او مكان راح ارد عليج .. وسامحيني على القصور ..