دردشة حوامل أهل قطر - دردشة بنات قطر - تجمع حوامل قطر

Mss Hassan · 12-16-2011, 02:16 AM

ماشاءالله اول بنوته  ؟

ربي ينقلها لج بتمامها يَ رب

و تفرحين بشوفتها 

انا بعد انشغلت هاليومين تجهيزات حق طلعتي من الاربعين 

والحمدلله تسوقت و تشريت زاح الهم 

أم صهيب2 · 12-16-2011, 02:21 AM

تجمع المتأخرات في الحمل جزائريات سعوديات مغربيات ليبيات تونسيات فلسطينيات مصريات http://forum.hwaml.com/t86759.html#post1753065

تعالي ونسيني يا الغالية وقلينا تجربتك الله يسعدك

شوكلاطة · 12-17-2011, 01:21 PM

مس حسن

تسلمين الغالية :) يحيج الرحمن ويبقيج*
وعساكم دوم بخير يارب

*ان شالله الله يبارك لنا فاوقاتنا يارب

ماشالله .. مبروك ماجبتي ويتربى بعزكم يارب والحمدالله على سلامتج عزيزتي

اللهم امين ويهون على حرم المالكي يارب

هذي مشكلة مستشفى حمد حظوظ مع الممرضات والاطبا .. عيل خلني فالأهلي أبرك*

*
تسلميين الغالية مس حسن عالترحيب وبحاول ان شالله اتواصل دوم معاكم

حرم المالكي :

الله يحيج عزيزتي ويسلمووو*

ربي يهون
عليج ان شالله .. انا نفسج حايسة ويا التجهيزات *.. الله يعين ونفتك ان شالله*

تسلمون حبيباتي مرة ثانية*

Mss Hassan · 12-17-2011, 05:19 PM

شوكولاطه ؛

يسلمج حبوبتي 

تدوم طلتج الحلوه علينا يَ رب 

امين فديتج 

الله يبارك فيج و يسلمج سُكرتي 

الاهلي يمدحون على دكتوره روزفي اظن اسمها

والله يسهل عليج يَ رب و يكتب لج الي فيه الخير 

اذا تبين تسألين عن التجهيزات

او مساعده انا حاضره

خصوص توني مخلصه و عارفه 

و منوره غلاي 

شوكلاطة · 12-17-2011, 05:39 PM

*مس حسن هلا الغالية

ماتقصرين فديتج*

اي روزفي الكل يمدحها بس يختج صايرة نفيسة وواسطات عشان تحصلينها .. تنطرين شهور عشان دورج*
وانا وحدة ماحب المذلة يختج وادور السهل خخخخخ
اتابع عند د. دينيس ..ماشالله عليها تينن هادية ومؤدبة واخلاق وحليوة .. الله يثبتها يارب ويسخرها لنا

والتجهيز ان شالله بستعين فيج ان احتجت شي والله يعينج علي*
ماتقصرين حبيبتي

انا تقريبا خلصت 75 ٪ من الاغراض الحمدالله بس باقي كم شغلة واغراض الجمعية باخذهم لما ادخل التاسع باذن الله

اول سوال
ولاتضحكين علي خخخخخخ

ملابس البيبي ناوية ان شالله اغسلهم اول مادخل التاسع
برايج اغسلهم باليد ولا الغسالة ؟
مابيهم يبينون قدام بس لازم اغسلهم ..شكلي بغسلهم غسيل يدوي فالغسالة*

والسوال الثاني*

المشد الاندونيسي وين احصله ؟ واذا تعرفين انواع ثانية مشدات زينة حق النفاس *؟

وتسلمين مقدما

Mss Hassan · 12-17-2011, 07:39 PM

ياهلا فيج حبوبتي 

قصر الله الشر عنج غلاي حاضرين للحلوين 
وي مالت ماحب الي جي احسن لج

مايصلح لج مستشفى حمد

اي زين الحمدلله الله يهديها و يسخرها 

لا شدعوه غلاي تونسيني 

حاضرين لج فديتج

اي الحمدلله باقي سهالات يَ رب 

انا غسلتهم بالثامن و البعض بالتاسع

غسلتهم في الغساله حطيت صابون اطفال شريته من الجمعيه بس نسيت اسمه
والحين مو عندي عليه صورة بيبي لون العلبه ورديه
و ماختربوا

انا ماحطيت مشد بس يمدحون المشدات الي يبيعونها في محلات اسماء
الي بالسعوديه بس مادري ماجربتهم شخصياً هذا الي سمعته

يسلمج فديت عمرج 

و تقومين بالسلامه يَ رب ونفرح فيج و بالبيبي

شوكلاطة · 12-18-2011, 06:51 PM

يحضر لج الخير حبييبتي

تسلميين كلج ذوق والله 


اي والله صدقتي

عيل شكلي بسوي نفسج عشان افتك
عرفته الصابون مال الاطفال شفته عند اختي واشوفه فالجمعية الوردي فاتح وعليه صورة ياهل

ان شالله الويك اند الجاي بفضا لهم

والمشدات يبي لي اوصي احد يجيب لي
اشوف العالم يقولون لازم مشد مع اني احس مابستحمله انا اذا البس شي يضغط شوي علي على طول غازات هههههه 
بشوف الحين شبسوي

شرايج ازين الغرفة فالمستشفى ولا لا ؟
احس ماحب المبالغة والحركات الاوفر اللي كأنها كوشة 
قلت بنسق بروحي باقات وتشوكليت وتوزيع .. ابي شي ناعم وراقي.. بنفس الوقت احس ابي شي مميز لأنه اول بيبي ..

شرايج انتي ؟

كأني وايد اسولف ههههههه معليه تحملوني 

Mss Hassan · 12-19-2011, 05:07 AM

شوكولاطه ؛

يسلمج الذوق انتي منبعه ونحن الافرع سويتي 

ان شاءالله 

عن نفسي ماحطيت مشد يمكن زين بس ماحبيت احطه

مثلي انا ماحب الاوفر
زينتها لمسات بسيطه حلوه وناعمه
شريت فازات حطيت فيهم ورد للطاوله
وحطيت فازه فيها جاكليت من لافندوم
وحطيت استاند ورد برا عند الباب واحد
وجابت لي خالتي لوحه فيها اسم البيبي
حطيتها ورا سريره و التوزيع طلبته من هارودز عباره عن غرشه قزاز فيها حلاو ملون
و ضفت عليه لمسات بسيطه بنفسي اذا قدرت بنزل لج الصور
من زمان ودي انزلهم بس ماعندي وقت مع صياح البيبي الله يحفظه

شوفي ادخلي موقع هارودز احس حلو و مميز بس تأكدي من المنتجات مايكون فيها
كحول او جيلاتين
و عندج بعد جوكلت ارماني بعلب صغيره مميز

لا شدعوه حبوبتي اخذي راحتج مونستنا و منورتنا فديتج 

Mss Hassan · 12-19-2011, 05:08 AM

حرم المالكي ؛

جوري قطر ؛

ام الهنوف ؛

وينكم وحشتوني طمنوني عليكم !

حرم المالكي · 12-19-2011, 09:25 AM

صباااح الخير.. انا موجوده فديتج بس انشغلت في الويكند..

يا حلووو سوالفكم..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع لكل من تسأل(((هل انا حامل؟؟))) تعالوا شاركونا	ام البنوتاات	منتدى أعراض الحمل والوحام	256	08-02-2016 08:01 PM
تجمع حوامل	warka	ملتقى عضوات حوامل	7	06-22-2012 09:12 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
تجمع القيصريات تعالوا كل وحدة تحكي تجربتها وسبب العملية	سيدة الاحساس	إستفسارات مرحلة الولادة	15	12-25-2010 11:44 PM