** ليبيا زين علي زين ليبيا ورد وياسمين ** تجمع الليبيات

[sosolibya]

قآلت شركة google
انها لن توقف بث الفيلم المسيء للرسول عليه الصلاة والسلام معتبرة أن الفيلم حرية فكرية
لذلك قرر علماء المسلمين باقتراح وقف استعمال محرك البحث جوجل ويوتيوب لمدة يومين فقط في كافة الدول الاسلامية
كانذار للشركة ولافهامها بأن أمة المليار ونصف لن تقبل الاساءة لرسولها الكريم
وقد تقرر يوم الاثنين والثلاثاء بتاريخ 24 و25 أيلول موعد لمقاطعة الموقعين المذكورين

ويتوقع من هذه المقاطعة انخفاض سعر سهم شركة جوجل وخسارة مالية تقدر ب 210 مليون دولار أمريكي

يرجى النشر لنحشد أكبر عدد ممكن من المسلمين المقاطعين.....
انشرها لنصرة رسولنا الكريم...

ترى والله قليله لاتتجاهل فهذا رسول الله

[sosolibya]

مبروووووووووووك هدهد ربي يحظ سومة واكيد أحلى الخطوات هي الخطوات ألأولى

وأكيد حتى أنت مشاعرك ولا أروع..

ربي يحفظها وردي بالك من الحلوة وشن صار في روضتها..

[sosolibya]

الحمد لله على سلامة أمك يا أثري وربي يحفظها ويسعدها ويشفيها

وإن شاء الله لابأس على فراس ياأم فراس..


وشوفي يافروسة كل كلامك يللي قلتيه فيه من الصح

بس تبي الحق العقل زينة


والله فيه من عمري وأكبر وحتى كبار أكثر يعني تلقيها سبحان الله ........

وفيه من حتى أصغر مني مثلا
تقفي لها إحتراما يعني إسلوب وعقل ورزانة

يعني المشكلة ماليهاش علاقة بالعمر..

بالرغم انه اقتنعت انه مش كل صغيرة تقدر تاخد وتقدر ادير حوش وتنحمل مسؤولية

يعني بصراحة وبصدق ... نشوف نفسي والحمد لله مش غرور ومافيش حد كامل والحق بشهادة صديقاتي وهكي ديما يقولولي كانا في مكانك راهو ماصقمناش رواحنا
الحمد لله
قدرت روحي يعني حاولت والحمد لله وفقت بين ارتباطاتي بالرغم من زواجي صغيرة

بس توا نشوف في بعض البنات وصلو للعمر يللي تزوجت فيه أنا وأكبر بس نقول والله مايقدرو يديرو حوش يعني مش أي حد أستغفر الله ...

فهمتوني...


وحاجة ثانية توا في هالعالم يللي بدي يخوف نقول تاخد صغيرة ولا ......


والحق زي ماقلتي هلبة رجالة هبلو هههههههه

والله وجعتني بنت جيران خالتك مش لقطة الحق..




الرد طويييييل والسبب مقاطعة للردود القصيرة باش مايتمش التجمع فيسع ههههه

[sosolibya]

الحقووووووووووووني ياتلحقو يامتلحقوش بالله عليكم نبي حل سريع وفوري

شعري من القدام يعني جهة القصة ومافوقها يعني قباعة الراس حااااااااااااااااااااالة

بنبدأ صلعة خلاص
اهىىىىىىىىىءءءءءءءءءءءءءء والله فراغات بشكل رهيب

أرجوكم ساعدوني..

[اوشي]

السلام عليكم ورحمة الله وبركاته


كيف حالكم ياحلوات ...


نهاركم سعيد ومبارك

المشاركة الأصلية كتبت بواسطة sosolibya

فرووووووووسة أه أه على قلبي لما حمود مشي للروضة اول أيام وخصوصا أول يوم

قلبي قريييييييييييييييييييييييب تقطع وحتى بعدها تبدي متعلقة بيه وتستنيغير امتى روح

تعرفي نبدا نودع في حمود وهوفي السيارة وهو فرحاااااااااااااااان مش معدل هههههههه
بس لو مشيت معاه يببي عليا..
وتوا بديت نتعود .
نحنا عارفين يا اوشي انه من الصح انه يمشي س نحنا نتكلمو على القلب هههههههههه يعني شعورك لما يمشي بيبيك للحضانة...

زي مافهمتك فروسة انا متعلقة بولدي ويوجعني قلبي لما يمشي بس في نفس الوقت مقتنعة وراضيه انه يمشي..

اتصدقي ياسوسو انا مانعدلش بكل راهو عادي ... قلبي حديد زهر لايلين ولايتقطع

امسيبتهم هكي ...


ووماعنديش حركات انا قلبي مايطاوعنيش انسيبهم واول مرة واما ول مرة

امخلية روحي من الدوة الفاضية واخذتها بالسبحان هكي عالله وين ماتطب اتطب

المشاركة الأصلية كتبت بواسطة sosolibya

مبارك ماشريتو وتلبسوهم بالهناء ..


تعرفي اوشي انا ماعنديش على ألأحذية هلبة يعني بعد وييييييييييييين نشري كندرة بسيطة أرضية مريحة وخلاص

الله يبارك ...

حتى انا مانيش مبذرة وكندرتي اللي خذيتها في باية السنة الدراسية حسيتها قريب

تبلدني وشكيت في صناعتها انها صيني

ولما لقيت المحل هذا صناعة الكنادر تركي وايطالي ودرجة اولى فقلت خليني ناخذ

منه وخذيت وحدة سودا واخرى عسلية للمدرسة بيش انبد بينهم وخذيت وحدة لطاقم العرس

يعني كنت ملزمة ناخذها


ماشااااااااااااااااااااااء الله والله شكلها سلفتك ممممممم ماشاء الله عليها وصحة على ايدهاشكلها تخدم وخدمنها باهية ربي يباركلها ويسعدها
سؤال
هل انتم كلكم هكي عاداتكم
قصدي ماشاااء الله مكثرة يعني غسالة ملابس وغسالة حوايج
واكسسوارت الحمام والمطخ والجلسة والتلفزيون ومكياجها وو

ياااااااااارب بارك عليها وهنيها اللهم لا حسد بس استغربت..

حنا مثلا العروس تاخد بس الجلسة وفيه بعض العادات تاخد ماعين المطبخ

وفيه من يكون حالته كويسة يفرض على مرته ماتجيب شىء..


ربي يحفظكم ويهنيكم

لو ممكن كم عمرها سلففتك وهل تقربلكم


اهههههههه قداش خاطري في سلفة تجيني زي ألأخت.. ربي يرزقني

اولا ان شاء الله تجيك سلفة جديدة وتسليك ...

وسلفتي ماحسبتش عمرها الحق بس هي مواليد 79 وهي مش امكملة قرايتها ولا تشتغل

وبالنسبة لبتات العروس علي حسب لوشقة ابروحها في امكانها وعلي حسب حالتها المادية

اتجيب اللي اتجيبه لانه شقتها

ونحنا من عاداتنا هكي لو ساكنة بروحها ولو مش بروحها هي وذوقها

مثلا انا اول ماتزوجت كنت ساكنة امعاهم في جناح دار وحمام

فجبت معاي صالون هدية لحوش عمي واطقم ماعين فاخرة كذلك

وجبت كل مايتعلق بداري وحمامي وغسالة

وعندك اختي اللي بعدي لانهاسكنت بروحها حتى هي فرشت دار المقعد بالكامل وكذلك المربوعة

ورفعت معاها عارضة مترين اللي هي البوفيه بكل مافيه من ماعين وتحف

وخذت كل ماعين المطبخ وادواته الكهربائية والاكسسوات

وكذلك اختي اللي بعدها لين دولاب المطبخ المعلق لين خذاته



وفيه اللي مايحبش عروسه اتجيب امعاها حاجة

نفس زوج وحدة من خواتي بس خليناها تاخذ صالون فاخر


ونفس خوي اللي تزوج الشهر اللي فات قال لعروسته ماتجيبش معاها شي

بس احنا اقنعناه ان هذا ضروري فجابت صالون حتى هي حلو وماعين للمطبخ حلوات بكل

المشاركة الأصلية كتبت بواسطة sosolibya

الحقووووووووووووني ياتلحقو يامتلحقوش بالله عليكم نبي حل سريع وفوري

شعري من القدام يعني جهة القصة ومافوقها يعني قباعة الراس حااااااااااااااااااااالة

بنبدأ صلعة خلاص
اهىىىىىىىىىءءءءءءءءءءءءءء والله فراغات بشكل رهيب

أرجوكم ساعدوني..

لاباس عليك ...

احسن شي تمشي لدكتور جلدية وننصحك باوميقا 3

[dr.loly]

المشاركة الأصلية كتبت بواسطة sosolibya

الحقووووووووووووني ياتلحقو يامتلحقوش بالله عليكم نبي حل سريع وفوري

شعري من القدام يعني جهة القصة ومافوقها يعني قباعة الراس حااااااااااااااااااااالة

بنبدأ صلعة خلاص
اهىىىىىىىىىءءءءءءءءءءءءءء والله فراغات بشكل رهيب

أرجوكم ساعدوني..

ياساتر ههههه وسعي بالك هذه من الرضاعه الطبيعيه اكبر سبب
هنا لازم تاخدي فيتامينات عندهم في بريطانيا خلال الرضاعه للحفاظ ع صحة شعرك واظافرك اكثر شئ كاتبين..

ننصحك بالريحااان او كما تسمى طبيآ عشبة الاس

هذه لي يديرو فيها في الشبه

تنقعيها ساعتين في ميه وبعدها تحطي ع شعرك حتي بنتها حلوة ومقبوله


يقولوا تقوي الشعر وتساعد ع تطويله وصحته ولمعااانه


او جربي خلطة الزيوووت خصيصا زيت اللوز مع زيت الزيتون والسمسم



وكثري من اكل الجرجير واي حاجه فيها فيتامين إي وكي


والف حمدلله ع سلامة الواااالد........ربي يحفظه لكم

[اوشي]

اتصدقي ياسوسو انا مانعدلش بكل راهو عادي ... قلبي حديد زهر لايلين ولايتقطع

امسيبتهم هكي ...


ووماعنديش حركات انا قلبي مايطاوعنيش انسيبهم واول مرة واما ول مرة

امخلية روحي من الدوة الفاضية واخذتها بالسبحان هكي عالله وين ماتطب اتطب

شن رايك فيه الرد ... اكيد قلتي واااااااااااو

انا عن نفسي مبدأي مع عيالي انهم مايباتوش عند حد حتى لوبيت جدهم وين ما انا وين ماهم

وعيني منهم ديما حتى الشارع مانطلعش فيهم

واكيييييييييييد قلبي زي قلب اي ام انخاف عليهم وننشغل عليهم لو طولو في المدرسة

وحتى كان مع بوهم تلقيني انكلم انتو وين وكنكم طولتو

بس فيه مواضيع ومواقف لازم انخلي الطفل يعتمد علي نفسه

ان شاء انكون وصلت لك فكرتي واعتقادي

[dr.loly]

المشاركة الأصلية كتبت بواسطة اوشي

شن رايك فيه الرد ... اكيد قلتي واااااااااااو

انا عن نفسي مبدأي مع عيالي انهم مايباتوش عند حد حتى لوبيت جدهم وين ما انا وين ماهم

وعيني منهم ديما حتى الشارع مانطلعش فيهم

واكيييييييييييد قلبي زي قلب اي ام انخاف عليهم وننشغل عليهم لو طولو في المدرسة

وحتى كان مع بوهم تلقيني انكلم انتو وين وكنكم طولتو

بس فيه مواضيع ومواقف لازم انخلي الطفل يعتمد علي نفسه

ان شاء انكون وصلت لك فكرتي واعتقادي

مافيش أم وماتخاف ع عيالها شئ أكـيد
بس رهافة القلب تختلف من ام لاخـري..
وان شاء اللله نستفاد من كلامك
فعلآ أهم شئ مصلحتهم حتى زوجي يقولي فيها ديمـا قالي كان بتقعدي هكي ح تتعبي يامازال عليكم..
العيل بينضرب وبيختلط من ناس يختلفوا عن طبعه وتفكيره وبيصرلنه مواقف ف مدرسه وغيرره .. لازم تقوي قلبك شوووووي
بس نا بكل الحق مانتحمل شئ رايحه ممكن من الغربه نقووول

[اوشي]

الحمد لله علي سلامة بوك

[sosolibya]

المشاركة الأصلية كتبت بواسطة اوشي

الحمد لله علي سلامة بوك

الله يسلمك ياغالية

ومبروك الكنادر...

وزي ماقلتلك .. يعني بغض النظر عن تبذير ولا مش تبذير

أنا هكي سبحان الله ماعنديش عليهم

يعني لما نشوف حماتي وعض البنات يعشقوووووووووو الكنادر
بشكل رهيب يعني تاخد ب2 ومش بينهم فترة طويلة تاخد ثاني..

كان نقوللكم أخر وحدة خديتها في العيد وكانت كويسة مرييييحة طبية وأرضية وكانت ب20

نبي نعرف منكم أغلى كندرة خديتوها كم كان سعرها..


وكمان أغلى شنطة خذيتوها بقداش

نبي نقارن نفسي ....